حلم حياتي بقلم الكاتبة الرائعة نجلاء ذكي

يحادث والده ولكنه لم يطلب الحديث اليها كانه تناسى وجودها فى حياته فقط ترى صورة له وتستمع الى حديثه مع والده والذى كان يظهر الجانب الاخر من شخصيته تلك الشخصية المرحة والتى تراها لاول مرة اما ماهر فقد تحسنت صحته كثير بوجودها وقد قام بواجبه معها على اكمل وجه فلقد التحقت بكلية السياسة والاقتصاد لتحقق حلمها بان تصبح سفيرة على امل ان تليق بزوجها يوما ما وقد كانت متفوقة فى دراستها لدرجة ان اساتذتها يتوقعون لها مستقبل باهر ويطلقوا عليها جناب السفيرة وها هى اتمت عامها الثالث بالكلية وقد نجحت كعادتها بتفوق فهى الاولى على دفعتها بلا منازع وقد رشحت لبرنامج التبادل بين طلاب الجامعات فى فترة الاجازة الصيفية
وعندما علمت ان التبادل سيكون بنفس الدولة التى بها زوجها شعرت بالتوتر وخشيت من مقابلته فهى وعلى مر ثلاث اعوام تحاول وتجاهد لكى تستطيع ان تخرجه من قلبها الذى ېخونها كل مرة تاكد لنفسها انها نسيت لكنه يخذلها كالعادة لتعود الى منزلها وهى تفكر هل تعتذر عن تلك المنحة والتى ستستفاد منها كثيرا اما توافق وتذهب فمن المحتمل ان لا تراه فمجالاتهم مختلفة كما انها فى مدينة وهو فى مدينة اخرى لتدخل المنزل وهى شاردة ويلاحظ خالها ذلك 
مريومة حبيبة خالو مالك يا قمر ډخله ليه وانتى سرحانة كده
ابدا
يا خالو بس النهاردة بلغونى فى الجامعة انى من ضمن طلاب التبادل اللى هيكون الشهر الجاي 
طب حبيبتى ايه المشكلة 
المشكلة انه هيكون فى انجلترا يا خالو
اه علشان عمار يعنى طب وماله ما هو جوزك وحتى تشوفيه وياخد باله منك
انت اللى بتقول كده يا خالو ما انت عارف اللى فيها وكمان ده مسالش عليا ولا مرة يبقى هياخد باله منى ده تلاقيه نسينى ونسي انى مراته وتبتسم بمرارة يشعر خالها بالمها ويشفق عليها فهو متيقن انها تعشق عمار لكن ابنه للاسف خسر هذا العشق بطموحه الذى سيطر على كل تفكيره 
طب انت هتسفري لندن ولا مدينة تانية 
لا هكون فى مانشستر علشان هيكون لينا محاضرات فى الجامعة هناك
طيب يا ستى المسافة بين لندن ومانشستر يجى اكتر من اربع ساعات ايه اللى هيودى عمار هناك وانا يا ستى مش هقوله انك هناك تمام كده 
لترد وهى تشعر ببعض من الاحباط على الرغم من الرفض الظاهر لرؤية عمار لكن قلبها الخا ئن يتمنى رؤيته 
تمام يا خالو هروح اشوف ايه اللى هحتاجه علشان احضر اوراقى والحمد لله حضرتك عملت ليه جواز سفر بعد سفر عمار هسلمه بكرة للجامعة علشان انهى اجراءات السفر
تمام يا حبيبتى وخلى بالك هنسافر الاسبوع ده البلد وكمان علشان تبلغى والدك بسفرك 
ان شاء الله 
فتلك هى الزيارة التى يقوما بها لاهلها فقد اعتادوا ذلك لكن منذ مرض ابيها الاخير وتاخر حالته الصحية وهم يسافرا اليهم اسبوعيا ويظلوا طوال الاجازات هناك وقد اصبح ابيها فخورا بها وبتفوقها فخالها دائما ما يقص عليهم مدى تفوقها وخصوصا وان هناك صديق له وهو دكتور لها بالكلية وكم يشدوا له بتفوقها وانه يفتخر انها طالبة لديه 
بالفعل مرت الزيارة وها هى عائدة مع خالها كما عادت معه اول مرة وهى متزوجة من عمار وكم تغير حالها وشكلها وهيئتها الان هى لديها ثقة بنفسها لكن قلبها به چرح كبيرا ممن عشقته ظلت تنظر من نافذة القطار وترى الارض تطوى امامها وعقلها مشغول بما ستئول اليه رحلتها وهل سترى عمار هناك والى تذكرها عمار حتى استعادة حديثها مع والدها
فلاش باك 
مالك يا بنتى دايما شايفك سرحانة وفي دنيا تانية
مفيش يا ابويا انا بخير الحمد لله 
لا يا مريم انتى كنتى دايما الضحكة مش مفرقة وشك حتى وانا بقسى عليكى عمرى ما شوفتك بالشكل ده ثلاث سنين ويمكن اكتر من يوم جوازك من ابن خالك وانا شايفك بتنطفى طول عمري وانا بقسى عليكى من ورارء قلبي انتى بنتى الوحيدة وسط اخواتك الرجالة دايما خاېف عليكى قولى جهل قولى ړعب من كونك بنت لكن ليكى فى قلبي مكانة خاېف اطلعها ليكى تفلتى من يدى للاسف محستش بۏجع انك فرقتينا الا لما بعدتى بقيتى بعيدة عنى كتير يا بنتى قربك لخالك خلانى اغير انى خسړت بنتى الوحيد بس ابوكى مكابر ومش بيحب يبين ضعفه وانتى يا مريم كنتى ضعفى ايوه خوفى عليكى هو اللى حسسنى بضعفى جوزتك بدرى وحرمتك من حلمك يمكن ارتاح لكن مرتحتش بس خسرتك 
متقولش كده يا ابويا انت ابويا الغالي اللى حبه فى قلبي عمر ما حد ياخد مكانه ليقطعها
وقسوتى عليكى نستيها يا مريم 
عمري ما ضيقت منها كنت بلقى ليها سبب واقول من خوف ابويا عليا ليحتضنها وهو يقبل راسها 
سمحينى يا بنتى لو غصبتك على حاجة يوم انا عارف انك مش مرتاحة فى جوازك لو عايزة انى اطلقك من عمار اطلبي هو مسافر ومهملك من بعد جوزكم ولا نزل يوم حتى يطل عليكم انتي وابوه
معلش يا ابويا وراه مذاكرة وحلم يحققه زى بنتك ومسيره يرجع واهو انا مسافرة له الشهر الجاى ويمكن يرجع قريب
اتمنى يا بنتى نفسي اطمن عليكى وارتاح من ذنبك قبل ما افارق
متقولش كده يا ابويا 
يا بنتى الكل مفارق لكن كل واحد وليه ميعاد وانا عارف اني خلاص ما المړض ملوش كبير وانتى يا غالية مقصرتيش معايا من يوما ما مرضت وعارف ان لولا دراستك كنتى جيتى وفضلتى جنبي بس امسكى فى حلمك يا بنتى 
حاضر يا ابويا ارتاح انت انا ان شاء الله هنزل الاسبوع ده علشان اخلص ورقى فى الجامعة علشان السفر وان
شاء الله ارجع اخر الاسبوع واقعد معاك لغاية ميعاد السفر ربنا يخليك لينا ويتم شفاك على خير 
باك...
تعود مريم لواقع على صوت خالها وهو يناديها لينبهها بوصولهم ليعودا الى منزلهم لتستعد مريم لبدء انهاء اجراءات سفرها وتحضير ما يلزمها للسفر وقد ساعدها فى ذلك صديقتها هنا والتى تعرفت عليها فى كليتها واصبحت صديقتها المقربة وهى ايضا ستسافر معها ومر الاسبوع سريعا لتعود مريم وخالها الى بيت عائلتها مرة اخرى ليظلوا هناك الى موعد سفرها فقد تحدد مدة السفر شهرا سيبقى خالها هناك لكى تطمئن عليه ولكى يكون بجانب والدتها وابيها 
ها قد حان موعد السفر وقد اوصلها خالها واخيها الاكبر الى المطار لبدء رحلتها وهل ستغير حياتها فى هذه الرحلة فما ينتظرها هناك فى بلد الضباب وهى ستعود كما سافرت ام ستكون مريم جديدة سنرى.....
البارت الثاني
وصلت مريم وهنا واعضاء الرحلة الى المقر المخصص لاقامتهم وتم تسكينهم على ان تبدء جولة حرة باقى اليوم ومن الغد يبدا برنامج الرحلة المخصص للندوات وبعض المحاضرات غير الزيارات الميدانية وفى اخر اليوم سيكون هناك حفل استقبال لهم باحد الفنادق 
ما ان قامت مريم وهنا بالدخول الى حجرتهم حتى صاحت هنا 
لا دا كده كتير مفيش راحة نرتاح النهاردة بس ومن بكرة الشقى شكلها هتبقى رحلة هنا 
ايه يا هنون ما انتى عارفة اننا طلعين تبادل وكمان تدريب ودراسة مش طلعين نتفسح واهو بكرة هيعملوا لينا