اسكريبت اسميته عمار بقلم ولاء عمر
انت في الصفحة 5 من 5 صفحات
رأيت النصف الجميل للعالم.
إبتسمت وأنا بأبص لتحت كان صوته وهو باصص في كتاب وقالها بصوت عالي حسيت إني دوبت مع النبرة الدافية دي.
رفع رأسه يلهوي يلهوي إن شاء الله ميكونش لمحڼي إيه ياربي مواقفي الغريبة دي دلوقتي يقول إني براقبه دخلت الاوضة جري وأنا حاطة إيدي على قلبي ماله بيق بسرعة ليه
مر الشهر مابين التجهيزات والنزول والمرواح والمجي والله إنه خفيف على القلب يشبه لخفة وجودهم عرفت من نرجس إنها مش خطوبة بس دا كتب كتاب كمان حب طفولته بقى.
والله ! يعني أطلع أقوله اتاخد شوية علشان عايز أنام
آه هو مش هيمانع.
كانت نرجس وهي بتطلع عمار علشان يطلع ينام فوق هو أنا مقولتلكوش مش إحنا في الشهر دا بقينا أهل وأكتر كمان وعمار وإدريس اتصاحبوا على بعض.
يا الله ورانا تنضيف وتجهيز.
حبيبتي صباح الفل إحنا نضفنا امبارح فاضل النهاردة نجهز وتنجهز.
النهاردة يوم مش عادي.
النهاردة كتب كتابي.
جهزنا الديكور كان جميل بشكل ما يتوصفش بعدها بدأنا إحنا نجهز لبست الفستان ولفيت ليها الطرحة مع شوية ميك أب سيمبل ياربي على جمالها الهادي اللهم بارك كمية لطف لبست الدريس بتاعي اللي كان لونه رمادي غامق صوف ليكرا ناعم مضلع لبست عليه الخمار بلون أفتح مع شوية ميك اب سيمبل أبسط من بتاع نرجس.
طلعنا وكان أصحابها بدؤا ييجوا عمار كان شكله عسول كان لابس بليزر رمادي برضوا حلوة الصدفة يا جماعة والله .
كتبوا الكتاب كتبوا الكتاب فرحانة لأجلها طيب أنا بدمع ليه دلوقتي! بقيت أختي وأكتر يا جماعة والله.
في وسط ما أنا واقفة و منسجمة جهه عمار جنبي حمحم بصيت عليه حط إيده على شعره وقال بإبتسامة
يعني هما كملوا بعض طيب إيه
أيوا ما أنا كمان عاوز أكمل نصي التاني زيهم.
...
أيوا أنا طالب إيدك تقبلي تكوني نصي التاني ونصيبي الحلو في الدنيا
..
هنعتبر السكوت علامة الرضا وهنأخده إشارة وبكرا إن شاء الله جهزي نفسك على بعد العصر هتلاقينا عندكم.
لحظة استوعب هو قال إيه يعني دا بجد يعني دا مش حلم من أحلامي يعني دا حقيقة
مش مصدقة إن عدى تلات سنين على جوازنا وبقينا بنقيم الليل بقي هو إمامي في الصلاة الحلم بيتعاد كل ليلة قدام عيني.
المهم مقولتيش كنت عامل إزاي في الحلم
والله ! دا على أساس إني محكيتهولكش تلات آلاف مرة
أحلامي حلوة بوجودك الدنيا ملهاش طعم من غيرك أنت النص الحلو في الدنيا ونصيبي الحلو اللي خدته منها.
ولاء_عمر
اسميته_عمار
