اسكريبت بقلم أمل صالح

بيرد عليه اخد نفس وسأله طب أنا حابب أسألك سؤال بشرط تجاوبني بصدق.
بصله داوود فسأل أنت شايف اللي أنت بتعمله دا صح كلمني بصدق.
نفى براسه بدون ما يبصله في نفسه حاسس بخزى وندم ولكنها فعلا أفعال نابعة عنه دون قصد مؤخرا زادت واجباته المدرسية خصوصا بعد ما بقى في صف أعلى.
تابع سليمان كلامه يا بابا أنا مش بقولك ماتلعبش وماتعملش واجباتك اعمل اللي حابب تعمله بس في نفس الوقت ماتهملش صلاتك دا بالعكس لما تصلي وتبدأ تعمل اللي أنت مكلف بيه هتلاقي الموضوع سهل وجميل.
لاحظ سليمان صمته وحس بخجله فقال بحدة مصطنعة بعدين هو أنت مش بتعجبك قصصي اللي بعد كل صلاة ولا ايه شكلك كدا بتتهرب عشان ماتسمعهاش!
رد عليه داوود بسرعة لا والله يا بابا دانا بحبها أوي والله.
بجد يالا
آه والله بحبها.
اتنهد سليمان عايزة أقولك على حاجة حلوة أوي تعملها في كل حاجة في حياتك كل حاجة عايز تعملها تعمل اللي هقولك عليه دا قبلها.
اعتدل داوود وبدأ يسمعه بانتباه وهو كمل قبل ما تعمل اي حاجة تخيل الرسول صلى الله عليه وسلم قاعد جنبك أو واقف معاك تخيل الرسول بعظمته هيكون موجود بالقرب منك!!! ووقتها فكر بينك وبين نفسك يترى هينفع أعمل كدا عادي!
سكت للحظة قبل ما يتابع يعني مثلا المؤذن برة بيقول الله أكبر تفتكر الرسول هيعمل ايه هيسيب الصلاة ويتابع عمله ولا هيهتم أولا بالصلاة
جاوب داوود وعيونه على ايده هيهتم بالصلاة.
بالظبط يا حبيبي ومكنش فيه احسن ولا أفضل من الرسول عند ربنا سبحانه وتعالى.
آسف يا بابا.
اخد سليمان نفس طويل أصلا كنت بندهلك عشان حاجة تانية..
بصله داوود باهتمام وترقب فكمل سلميان وهو مركز على تعبيرات وشه بعد فترة طويلة هينضم لينا فرد جديد.
ابتسم بحماس سلمى وطنط ملك
نفى هينضم لعيلة سلم فرد جديد..
يعني ايه يا سلم مش فاهم!!
توب هتجيب نونو.
حواديت_سلم_وتوب
بقلم_أمل_صالح ١٣ 
The Solom family again. 
رأيكم أهم حاجة في الموضوع طبعا.