اسكريبت فراق الروح بقلم مي محمد بارت2"
انت في الصفحة 1 من صفحتين
"اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ "
____________ (فراق الروح"بارت2")
قعدت جمبهُ بعد ما خلصنا صلاة وأتكلمت برجاء:-
-"جبريل" بالله عليك أسمع كلامي وأبعد عنهم إحنا الحمد لله ربنا كارمنا ومش محتاجين للورث دا.
وجه نظرهُ ليا ومازال أيدهُ مسكه أيدي:-
-دا حقي وهيبقي حق ولادي وحقك، سبق وقولتلك متبقيش مُسالمه كدا "يامي" متتنازليش عن حقك لو أطربقت السما عليّ الأرض بدل بتاخدي ب دين ربنا والأصول.
-مش عايزاه، لو الحق دا هيخليني أخسرك مش عايزاه، لو هيخليني أخسر ولادي مش عايزاه يا"جبريل".
نام عليّ رجلي وهو بيرد بغموض:-
-مش هتخسرينا ياميوي متقلقيش، لكن لازم يتحط حد للمهزله ديّ.
سكت شويه وبعدين كمل:-
-من يوم ما وعيت عليّ الدنيا وأنا بحاول أقرب منهم بحاول أكسب أخواتي ونبقي في ضهر بعض، لكن محاولاتي كلها كانت بتنتهي بالفشل بسبب ست"حسنات"مبقوش شايفين أي حاجه غير الفلوس وبس، الحقد بقا ماليهم.
ياما أبويا الله يرحمهُ قالها "لو شيفاني بظلمك يابنت الناس أطلقي وكل حقوقك هتجيلك وزياده، وأنا هربي عيالي" لكن ردها المُعتاد كان الرفض كانت بصلها من نحيه تانيه خالص وهي :
ملست علي جبهتهُ بلين:-
-كل دا فيّ قلبك ياحبيبي؟
ضحك بۏجع :-
-مفيش حاجة بتوجع قد غدر القريب، ومفيش حاجه بتصدم قد الخبطه ألي هتاخدها من ألي من دمك.
رفع رأسه وهو بيبص ليا بتأكيد:-
-تخوني القريب قبل الغريب"يامي" لا تثقي ولا تدي الأمان لحد بدرجة كبيره، النفوس بتتغير و"الفلوس" لو دخلت في أي موضوع تأكدي إن "الأذي" هيبقيّ موجود.
دوامه أفكار فوقت منها عليّ خبطت الباب من تاني طلعت بره الأوضة وأنا متأكده أن دا مش "جبريل" دي مش خبطتهُ.
وقفت في الصالة و" مراد" و"أدم" حواليا
"مراد" أتحرك نحيت الباب لكني شدتهُ بسرعه وأنا بشاور علي فمي بمعني "السكوت" :-
