اسكريبت بقلم ايمان الطويل

دا قومت بتماسك وأنا بعتذر منها وبستأذن قبل ما أمشي وبمجرد ما خرجت من باب المدرسة سبت دموعي تنزل.
زعلت عليه هكون كدابة لو قلت لأ وأنا كنت رغم كل عيوبه ميالة ليه وبحاول أحب أي شيء جميل فيه مهما كان بسيط لإنه جوزي لكن مش هنكر إني حاسة براحة وكإني كنت مربوطة جنبه بحبل خانقني وبمجرد ما رمى يمين الطلاق وقلع دبلته اتفك الحبل!
شيء غريب أوي إن الشخص اللي المفروض يكون أمانك يكون بعده هناك هو الراحة لكن ولإن مش كل المفروض لازم يحصل فأعتقد إن الواحد هيكافئ نفسه بواحد عصير قصب وهو مروح احتفالا بانتهاء الفترة التوكسيك دي من حياتي وسحقا لأي شيء هيعكر مزاجي.
مروان بعتلك ورقة طلاقك.. يا رب تكوني فرحانة بعد ما مشيتي ورا دماغك ولبستي في الحيط.
معلقتش على كلامه واكتفيت بإني أسمعه لحد ما خلص وصلة زعيقه وغضبه اللي بقت بتتكرر كتير من ساعة ما مروان بلغه إنه طلقني ورغم كرهي لوصلات التأنيب المستفزة دي اللي بتحسسني إني لوحدي الغلطانة وإن الأستاذ مروان ملاك بجناحات إلا إني ممتنة جوايا لكونه مفكرش يمد إيده عليا زي ما تخيلت للحظات صحيح الضړب مش من طبع بابا أصلا لكن عصبيته الزيادة خلتني أتوهم بإنه ممكن يعملها والحمد لله إن الموضوع عدى على خير!
سيبته بعد ما خلص كلام ودخلت أوضتي عشان أشتغل شوية وبمجرد ما فتحت رسايل الصفحة لقيت رسالة من سفيان القاضي تاني هو أنا مش كنت عملتله بلوك
فتحت رسالته واتجمدت لما لقيته باعت رسالة واحدة.. عايز رقم والدك.
حاولت أفكر أو أستوعب اللي بيحصل لكن كله ضاع لما لقيته فجأة بيبعت رسالة تانية وكإنه كان مستنيني أفتح الشات.
أنا مبهزرش ولا بلعب يا ملك أنا عايز أتجوزك بجد ودي مش أول مرة أقولك فيها الكلام دا وأطلب منك رقم والدك أنا من قبل خطوبتك من مروان وأنا بتقدملك وانتي بترفضي من غير سبب صحيح اتغابيت المرة اللي فاتت وبعترف إني غلطت عشان كلمتك وانتي على ذمة راجل تاني وآسف عليها والله بس المرادي مش هقبل غير يا بموافقتك يا بأسباب واضحة لرفضك الغريب ليا بما إن الراجل التاني بقى بح خلاص.
قريت الرسالة أكتر من مرة وأنا بحاول أستوعب معنى كلامه.. اتقدملي أنا رفضته وقبل خطوبتي من مروان كمان دا حصل إمتى دا
ملك أنا تعبت من لعبة القط والفار دي يا أه يا لأ يا بنت الناس.
وكان ردي عليه كلمتين
انت مين
انتي بتهزري
أنا معرفكش والله رفضتك إمتى واتقدمتلي إمتى أصلا إيه اللي انت بتقوله دا
طال غيابه وأنا ما زلت قاعدة في الشات بقرأ رسايله من تاني بذهول وأنا ما زلت مش قادرة أستوعب كل اللي بيقوله إيه الړعب دا بجد
شوية ولقيت ريكورد طويل مبعوت فإيدي اترعشت ڠصب عني ووقع مني الفون يا ربي بجد! والله هعيط.
نفخت جامد وأنا بحاول أثبت شوية وبعد لحظات خدت الفون تاني وأنا بفتحه عيني وسعت بذهول لما ظهرلي تحت إني لم يعد بإمكاني مراسلته لإنه عملي بلوك فبسرعة فتحت الريكورد.
أنا مش فاهم انتي بتتكلمي بجد ولا بتهزري بصراحة لكن دا مش هيمنع إني أقولك إني أكتر شخص بيتمنى تكوني جنبه مش هقولك بحبك بس لإن فعلا مشاعري ناحيتك تخطت الحب من زمان يا ملك ومش لازم تصدقي الكلام دا بس انتي أمنية ودعوة بتمنى من ربنا يستجيبلي ويحققهالي وتكوني ليا بأي طريقة.. من أربع سنين بالظبط اتقدمتلك لأول مرة وبعد كام يوم لقيت والدك بيكلمني وبيقولي إني مرفوض لإني مش مناسب مرضاش يقولي شوفتي إيه مش مناسب فيا وانتي مشوفتنيش ولا قعدتي معايا حتى لكني ميأستش واتقدمتلك بعدها ست مرات وكل مرة كان بيرفضني لنفس السبب إني مش مناسب.. وفجأة لقيتك اتخطبتي.. وفجأة عرفت إنكوا خلاص كتبتوا الكتاب.. فضلت شوية بنكر اللي بيحصل لكن أول ما شوفتك معاه في مرة من تلات سنين وأنا أقسم بالله نويت وحلفت على نفسي ما هتعتبي عالم أفكاري تاني لإنك بقيتي على ذمة راجل تاني ودا ميرضيش ربنا لحد ما حلمت بيكي من كام أسبوع كنتي دبلانة وتايهة وقولتيلي الحقني وفي