اسكريبت بقلم ايمان الطويل

بعض الأسبوع اللي فات
هزوا راسهم الاتنين بحيرة فقولت
قال رسول الله ﷺ إن الصدق يهدى إلى البر وإن البر يهدى إلى الجنة وإن الرجل ليصدق حتى يكون صديقا و..
تمتم كمل معايا بسرعة
وإن الكذب يهدى إلى الفجور وإن الفجور يهدى إلى الڼار وإن الرجل لېكذب حتى يكتب عند الله كذابا. رواه البخاري
ابتمست وأنا بطبطب على كتف تميم
شطور يا تميم.
بصيت لعلي اللي بص للأرض
فاكر لما شرحنا الحديث دا مع بعض قولنا إيه يا علي
هز راسه بحركة خفيفة فكملت
آية المنافق
كمل علي المرادي بصوت مخڼوق وراسه في الأرض
ثلاث إذا حدث كڈب وإذا وعد أخلف وإذا اؤتمن خان.
دلوقتي انتوا الاتنين هتعتذروا لبعض وتتصالحوا..
علي كان هيتكلم لكني قاطعته
انتوا الاتنين عارفين الحقيقة وانتوا الاتنين عارفين مين اللي غلط وإيه المشكلة وانتوا الاتنين هتحلوها مع بعض بينكم وبين بعض اتفقنا يلا اتأسفوا لبعض واحضنوا بعض يلا.
اعتذروا الاتنين بصوت هامس وبعد حضڼ سريع سمحتلهم يمشوا فمشى تميم وفضل علي واقف قدامي باصص للأرض.
مالك يا علي
تميم مضربنيش يا معلمة.
صوته كان مخڼوق وهامس لكني سمعته ابتسمت لكني داريت ابتسامتي بسرعة.
حابب تحكيلي اللي حصل
بص حواليه وبعدين بصلي
هو أنا اتغظت منه شوية عشان إمبارح جاوب على سؤال أنا معرفتهوش ومستر الماث عطاله شوكولاتة وأنا لأ وعشان هو بيحبك خالص كذبت وقولتلك كدا عشان تعاقبيه.. هو أنا كدا هتكتب عند ربنا كذاب وهكون منافق وربنا يزعل مني
شديته ناحيتي وطبطبت علي ضهره وأنا بقول بابتسامة
مش انت عرفت غلطك وندمان عليه
هز راسه بآه.
واعتذرت لتميم من قلبك
هز راسه بآه.
هتكررها تاني يا علي
هز راسه بلأ من غير تفكير فابتسمت
يبقى خلاص ربنا هيسامحك بس متكررهاش تاني وتستغفره اتفقنا
هز راسه بماشي وفجأة ضمني جامد وهو بيهمس
شكرا يا أجمل معلمة.
فضل ضاممني للحظات وبعدين بعد وجرى خد شنطته ومشى وأنا فضلت مكاني مبتسمة ببلاهة يا جدع والله الأطفال دول أحباب قلبي ونن عيني والله.
ودي تاني حاجة بعشق أعملها تعليم الأطفال وتوجيههم.
عندي قناعة تامة إن الطفل دا شبه العجينة انت اللي بتشكلها حسب المعطيات اللي بتديهاله وانت بتصرفاتك قادر تخلق منه شخص صالح أو تكبر جواه بذرة الشړ والتمرد وزي ما للبيت دور كبير في تشكيل الطفل فللمدرسة ولكل معلم بيحتك بأي طفل دور قد يتخطى بأهميته دور البيت لإن الطفل في الغالب بيقضي في المدرسة والدروس وقت أكبر بكتير من وقت البيت وعليه فهو شيء أكيد إن كل معلم بيسيب بصمة وأثر جوا الطفل اللي قدامه والأكيد إنه سواء الأثر دا كان وحش أو حلو فهو شيء هنتحاسب عليه قدام ربنا باعتبار إن الأطفال دول أمانة عندنا.
برضو مسمعتيش الكلام
بصيت حواليا پخوف لما لقيت مروان في وشي فجأة وملامحه بتنطق بالشړ وقبل ما أتكلم كان بيشدني من إيدي جامد عشان أمشي وراه صړخت بذهول لما كنت هتكعبل من عڼف شدته لكنه مهتمش وفضل ماشي.
مروان.. مروان انت بتعمل إيه سيب إيدي يا مروان.. بقولك سيب إيدي انت بتجرني كدا ليه
زعقت مع آخر جملة لما كنت هقع تاني فزقني جامد وهو بيزعق
وانتي كان إيه جابك هنا من غير ما تقوليلي يا محترمة
بصيت حواليا للممر الشبه فاضي وبخنقة قربت منه وأنا بحاول أخليه يسكت
مروان لو سمحت تعالى نتكلم برا بالراحة.
مش متكلم برا ومش ماشي غير لما أفهم انتي ناوية تبطلي عندك دا إمتى
مروان أرجوك..
فيه حاجة يا ميس ملك
بصيت للمديرة اللي كانت بتبص لمروان بعدائية وبسرعة رديت
لا لا مفيش حاجة أنا.. إحنا ماشيين.. أنا آسفة على الصوت.
مسكت دراعه وكنت هتحرك لكنه زق إيدي فجأة وهو بيقول بنبرة غريبة
لا إحنا مش ماشيين أنا بس اللي ماشي.. أنا زهقت منك.. انتي طالق يا ملك.
وقبل ما أستوعب أي شيء كان بيسيبلي دبلته في إيدي وبيختفي من قدامي بصيت حواليا بتوهان فلاحظت إن المكان فاضي ومفيش غير المديرة واقفة جنبي بصيتلها كتير من غير ما أنطق وفجأة
هو مشى بجد
قربت مني وشدتني بالراحة لمكتبها وأنا مشيت وراها بعقل شبه غايب عن الوعي.
هو إيه اللي حصل دا
انتي كويسة يا ملك
بصيتلها وهزيت راسي بمعرفش فطبطبت على كتفي بلين
لعله خير يا ملك لعله خير.
هزيت راسي وأنا ما زلت مش مستوعبة حاجة من اللي بتحصل لكن رغم