اسكريبت بقلم ايمان الطويل
ساعتها صحيت وبعتلك الرسالة إياها من غير تفكير والحمد لله إنك عملتيلي بلوك في ساعتها بس دلوقتي انتي خلاص.. انتي بقيتي لوحدك تاني يا ملك وأنا.. أنا رايدك وبتمنى يكونلي في قلبك نصيب يا بنت الناس.. أنا سفيان القاضي يا ملك ابن أستاذة هانم مديرة المدرسة اللي بتشتغلي فيها.. أنا معايا رقم والدك وهكلمه وأتقدملك تاني لآخر مرة يا ملك وهستنى على الأقل موافقتك على الرؤية الشرعية وصدقيني والله بعدها أيا كان قرارك أنا هحترمه ومش هتشوفي مني شيء يضايقك تاني.. أنا آسف عشان طولت وآسف عشان قولت كل الكلام دا دلوقتي أصلا لكن بجد مش هقدر أشوفك بتضيعي مني تاني وأنا قاعد مش عارف أطلع من والدك بسبب مقنع حتى لرفضي.. أنا.. أنا بحبك يا ملك أشوفك على خير.
بصيت للخيط اللي كنت لسة هبدأ فيه وبتوتر رجعته تاني مكانه وأنا حاسة إني على وشك إني أفقد وعيي لا مستحيل يكون دا حقيقي مستحيل!
سفيان القاضي اسم يشد مش هنكر لكن عمري ما تخيلت في يوم إنه يبصلي حتى سفيان ابن أستاذة هانم سفيان.. المهندس سفيان.. أووف بجد!!!
في عريس متقدملك يا ملك.
قلبي اتخطف في ساعتها وأنفاسي اضطربت وأنا ببصله بعيون مذهولة مش معقولة لأ.. أنا مكنتش بحلم
م.. مين يا بابا
ابتسم
واحد كدا كان اتقدملك قبل كدا كذا مرة بس رفضته.
وفجأة طاف في بالي كلامه.. لكني ميأستش واتقدمتلك بعدها ست مرات وكل مرة كان بيرفضني لنفس السبب إني مش مناسب.. وبعد تردد مدامش كتير اتكلمت بصوت مبحوح
أصله لما اتكلم معايا أول مرة رفضته عشان مكنتش حاسس مستوى معيشته مناسب وبعدين لما كلمني تاني كان مروان كلمني عليكي فعلا فكنت برفضه من برا برا.
هزيت راسي بعدم استيعاب لكن أنفاسي انتظمت شوية وأنا بحاول ألهي نفسي من تاني في اللي كنت بعمله يا رب لطفك!
هييجي بكرة جهزي نفسك ومتنزليش المدرسة.
ومن غير اعتراض هزيت راسي بماشي و.. يا رب استر يا رب.. الواحد أعصابه معتش حمل أي توتر والله.
وجه بكرة بسرعة غريبة
وفجأة لقيتني أنا
وهو
وبوكيه ورد جميل في إيديا
حلو الورد
هزيت راسي بآه وأنا ببتسم فاتكلم
كنت محتار بصراحة بس حسيت الورد البلدي لايق عليكي.
إشمعني
هز كتفه بمش عارف وهو بيرد ببساطة
حسيته بيشبهلك.
ابتسمت بخجل وأنا ببص للورد اللي في إيدي وهو رجع يتكلم
طب إيه نقول مبروك
ابتسامتي وسعت فوقف وهو بيقول
يبقى اتفقنا كتب كتابنا الأسبوع الجاي.
شهقت
انت بتهزر دا بسرعة أوي.
كشړ وهو بيرد بتهكم
بسرعة يا ست بقولك بقالي أربع سنين قاعد زي العوانس مستني ربك يفرجها وانتي تقوليلي بدري روحي يا بت نشفي الورد دا ولا شوفي هتشيليه فين بدل ما أنا حاسس إني هشيل المرارة على إيدك.. أما عيلة معډومة الإحساس بصحيح.
بص بقى يا عمي عشان نبقى على نور بس بنتك آخرها معايا أسبوع وتكون جاهزة عشان نكتب الكتاب أسبوع ويوم والله لأخطفهالك وأتجوزها ڠصب عنها هي شخصيا وقد زعتر من بعتر ودا آخر كلام عندي.
بابا بصله بذهول من سرعة كلامه وانفعاله وأنا ومامته كنا لا نقل ذهولا عن والدي لكنه فجأة ابتسم بدفا وبرضا غريب مبيظهرش غير للحبايب هز راسه بماشي وهو بيشده هو ساحرله ولا إيه!!
وفجأة بقى الغريب المش مناسب حليف بابا المفضل وفجأة بابا بقى راضي ومش هكون ببالغ لو قلت إني ساعات بحس بابا هاين عليه يتبرى مني ويتبنى سفيان بدالي بينهم كيميا غريبة ومجرد وجودهم قدامي مع بعض بيدي قلبي دفا لطيف أوي!
يلا يا ملوكة عشان منتأخرش.
لا مش قادرة مش قادرة.
قعدت على السلم وأنا مش قادرة أقف من كتر التوتر وسفيان واقف قصادي يضحك.
انتي لسة قاعدة يا ملك يلا يا سفيان هاتها وانجز.. معاد الافتتاح قرب.
نزل وسابنا وسفيان قرب وقعد جنبي بعد ما شال الفستان بتاعي على جنب ضمني ليه وهو بيطبطب عليا وبهدوء
مالك
