بقلم حسنية محمد

حازم ياخدك وأخلص منك وابقي وريني هيأكلك كل يوم دليفري ولا هتتعلمي تبقي ست بيت علشانه يابتاعت الرز الشايط.
احم أنا ليه شامة ريحة شماتة في الموضوع!
دى ريحة الرز الشايط بتاعك ياختي.
ياماما أنا بقسملك بالله العظيم إن الجيران كلهم عرفوا إن الرز شاط مني قبل كده دا مش الجيران بس لا دى الحارة اللى جمبنا والحارة اللى جمب جمبنا كمان! كفاية بقى أنا سيرتي بقت على كل لسان كفاية تسوئي فى سمعتي كده! اعتبريني زى بنتك حرام كده والله دا أنتوا لو لاقيني على باب جامع مش هتعملوا فيا كده!
فوضت أمرى إليك يارب
انا نازلة أشترى شوية طلبات عشان مش هخلص من الصياح دا هتعلي ضغطي أكتر ما هو عالي.
ماما نزلت وأنا نمت لأني كنت مرهقة جدا وأنا لما بنام مش بحس بحاجة خالص خصوصا وأنا تعبانة لكن فجأة صحيت على أصوات عالية جدا وناس بتنادي ب اسمي فى الأول حسيت إني بحلم ورجعت نمت تاني
لكن فجأة اتنفضت وحسيت إن فى حد بيحاول يكسر باب الشقة اټرعبت جدا وقومت جري على المطبخ عشان أمسك أى حاجة أدافع بيها عن نفسي لكن أول ما دخلت استقبلت دخان جامد وڼار طالعة من المطبخ من صدمتي اتسمرت فى مكاني وعقلى وقف عن التفكير
ابتديت أكح جامد ومبقتش قادرة أتنفس ومحستش بنفسي غير وراسي بتخبط فى الأرض وبابا جمبي ودموعه مغرقة وشه..
مټخافيش يابنتى إن شاء الله هتبقي كويسة صدقيني.
كان بيتكلم بنبرة حزينة أوي ورعشة صوته اللى عمالة تتردد في ودني وهو بيقول اللهم ياصبور صبرني على ما بلوتني وامتحنتني به يا أرحم الراحمين.
واحدة واحدة الصورة بقت مشوشة ومبقتش شايفة حاجة.
طمني عليها يادكتور الله يطمنك.
هى بقت كويسة دلوقتي لكن وشها فيه حروق وكدمات هى تتابع مع دكتورة جلدية وبإذن الله هتخف وهتبقى كويسة بس لازم يكون عندها صبر على ابتلاءات ربنا وتعرف إن أى حاجة بتحصل لنا بتكون هى الخير.
فوقت من شرودى على جملة أي حاجة بتحصل لنا بتكون هى الخير 
إيه الخير فى كده! الإنسان الوحيد اللى حبيته هيسيبني بسبب الحاډثة دى بعدها سمعت صوت الشيخ فارس عباد شغال في توكتوك معدى من الشارع وبيقول الآية وعسى أن تكرهوا شيئا وهو خير لكم 
اتنهدت وقولت الحمد لله يارب أنا متأكدة إن دا خير ليا متوكلة عليك فى كل شؤون حياتي يارب.
مالك يا أروى أنت معيطة
مسحت دموعى لا ياست الكل وهعيط ليه بس.
متكذبيش عليا.
صدقيني مفيش حاجه.
بصتلي بشك وبتحاول تتفحصني فغيرت الموضوع وقولت
آه صح حازم جاي النهاردة.
طب والله الواد ده حماته بتحبه لسه مدخلة صنية مكرونة بالبشاميل الفرن وبقول فينك يا حازم تيجي تاكل صوابعك ورا الصنية دي.
ابتسمت بۏجع وقولت بس هو مش جاى عشان ياكل هو..
عارفة هو كل مرة بيقول كده لكن لما بيشوف أكل حماته مش بيقدر يقاوم يابنتي.
ضحكت لا يا أمي هو جاى ياخد حاجته وهيمشي علطول.
قالت بعدم فهم حاجة إيه
رديت بلامبالاة جاى ياخد الدهب عشان....
عشان مش راجل ومش يستهلك.
الټفت على مصدر الصوت لقيت بابا دخل الأوضة وعلى وشه نظرة ڠضب..
بابا!
جاىي امتا
قولت بصوت مهزوز ال..النهاردة بليل فى معاده.
على خير إن شاء الله وبعدين اتنهد وقال أنت تستاهلي الأحسن منه يابنتي مش كل حاجة المظهر وكمان الجمال جمال الروح كفاية إن دا حط إيده