بقلم حسنية محمد

على قلبي لسه طيب وجميل وبيقدر يسامح ومش بيشيل من حد عشان القلب ده يابنتي لو شال من حد فى يوم يبقى على الدنيا السلامة واعرف يا أروى إنك ضي عيوني وأنا هفضل فخور بيك دايما.
تسلملي يا بابا.
باس راسي وقال بضحك
وبعدين متزعليش نفسك يروح قرد يجىي غزال.
ابتسمت وحضنته بحبك أوي يا بابا والله.
شجرة ليمون هنا لو سمحتوا!
ضحكنا وبصينا على ماما وقولت ماما هادمة اللذات ومفرقة الجماعات وقاټلة اللحظات الرومانسية.
دخلت فى النص بينا وقالت الرومانسية دى من حقى أنا ياخطافة الرجالة.
بابا أوبس! واضح إن فى خناقة هتحصل هنا بين اتنين ستات ألحق أنفد بجلدى أنا بقى عشان أنا مش حمل كيد النسا ده أراكم بعد صلاة المغرب يافتيات.
الحقي يا ماما جوزك نفد بجلده!
خبطتني فى كتفى وقالت لا ياحريقة ده راح يصلي ياختي متولعيهاش إنت بس ده إحنا عايشين نقول ياحيط دارينا.
خرجت وأنا فضلت متنحة ايه دا في إيه دي پتخاف على جوزها مني!
اقفلى بوقك وقومي صلي يلا.
ضحكت وقولت أنا بقول كده بردو.

أروى.
نعم ياماما.
حازم برا.
اتنهدت ماشي يا ماما هلبس الخمار وأخرج.
وقفت قدام المراية بحاول أخد نفسي وبعدها ابتديت ألمس الحړق اللي فى وشي وأنا عيوني مليانة دموع
ابتسمت وقولت
تعرف ان أنت ليك الفضل إن الراجل اللي برا ده يظهر على حقيقته! فعلا الناس معادن ومش كل الناس معدنهم كريم لولاك مكانش هيبان على حقيقته غير بعد ما نتجوز طب تعرف إني حبيتك أوى وأكيد هيجي يوم وشخص هيحبك ويختارك ويعتبرك حاجة مميزة
أنا بس زعلانة على السنتين اللي عدوا وأنا عايشة في علاقة مزيفة.. علاقة اسټنزفت روحي وكل طاقتي كانت قصة حب كدابة.
عايزة أعرف بس الناس اللي من أمثاله هيستحملوا زوجاتهم ازاي فترة حملهم ولما جسمهم يبوظ وبعد الولادة الله أعلم إذا كان هيرجع زى الأول ولا لأ! ربنا يعينهم على نفسهم وعلى تفكيرهم الغبي ده والله.
انا يمكن حبيته فعلا ومش عارفة إذا كنت هقدر أتماشى فى حياتي من غيره ولا لأ! بس هو اللى اختار البعد.. هو باعني وباع حبي له بتمن رخيص أوى كسرني وأنا كنت عشمانة إنه يداويني وقت تعبي لكنه طلع من سلالة أشباه الرجال.
وف النهاية هو غاب بعد رسمى ل حكايات كنت ماسكة وهو ساب.. سابنى عايشة ف ذكريات.
بصيت على حاجته وابتديت ألمها كلها فى بوكس بالهدايا وكل حاجة جابهالي آخر مرة ومقولة واحدة بس بتتردد فى ذهني قرأتها قبل كده للكاتبة حسنية محمد بتقول
لما تاخد قرار بالبعد وأنت راضي عنه بحسابات العقل حاول متستسلمش للهواجس اللي بتخليك ترجع تاني تسأل أو تتواصل بأي شكل مقاومتك لضعفك في الفترة الأولى من الخروج من أي علاقة هي اللي بتحدد شكل الباقي من حياتك.. مفيش فراق من غير ألم ومفيش خروج من علاقة مؤذية ليك أو غير مرضية إلا وليه تمن جزء كبير من نضجك الحقيقي هو إدراكك إن دايما مش ينفع تعمل اللي أنت عايزه.. في عواقب في صح وغلط في أوقات لازم تقف قصاد رغباتك وتقاوم وتكمل في تنفيذ الصح وتتحمل ألمه بشجاعة قصاد نفسك..
لو هنت علي روحك هتهون علي الناس ودى مهانة قاسېة أوى.
اتنهدت بۏجع وقولت جايز يكون فى صدفة حلوة تجمعنا بناس تقدر تداويلنا أوجاعنا.
أروى.
أيوا ياماما.
تعالي يلا.
حاضر.
خرجت وقبل ما أدخل سمعت بابا بيتكلم معاه..