اسكريبت بقلم مي أيمن
عملتي الحبتين بتوعك دول ادامها ولا وأنا بكلمها هعمل فيك إيه
رفعت عيني فيه واكتشفت إن المسافة بيننا صغيرة أوي لدرجة إني بفكر هيحصل إيه لو دلوقتي
_إنت حلو كدا إزاي
_إيه!
_بقولك إنت حلوف كدا إزاي وسع بدل ما والله ه.
قاطعني وهو بيقرب أكتر _هتعملي إيه
اتكلمت وأنا بحاول أخد نفسي واستجمعني_هصرخ وألم عليك الشركة أنا بحذرك.
زقيته مرة واحدة على ورا وروحت حطيت الملف على المكتب_ولا أنا كنت بلعب تايكوندو خاف مني وآه أنا خلصت شغلي وماشية انچوي بقى يا عسل.
نزلت وركبت عربيتي بكل ثقة و مكنتش عارفة عواقب اللي هيحصل الكوتش فرقع مني على الطريق على الكوبري كمان ومحدش راضي يقفلي مليش عين اكلم يوسف بس مش ادامي غيره.
_الكاوتش فرقع مني أنا فوق الكوبري دلوقتي ومحدش راضي يقفلي ومش عارفة اعمل إيه.
_وأنا اعملك إيه إن شاء الله
شهقت_إنت راجل ولا مش راجل إنت ما تتصرف!
قفل في وشي! والله أنا اتجوزت رجل كنبة دخلت العربية وفضلت قاعدة لحد ما الأسترونج اللي جوايا اڼهارت وبدأت اعيط فسمعت تخبيط على الشباك ولقيته يوسف طب والله متجوزة الرجل المنقذ القمر اللي مفيش منه اتنين أنا قولت رجل كنبة أنا متربتش.
بصلي بنرفزة وهو بيغير العجلة_تعرفي تسكتي خالص
_اتكلم معايا عدل لو سمحت!
مردش عليا ونفخ وهو بيكمل لحد ما خلصها وركب مكاني لحظة انا مبحبش حد يسوق عربيتي!
_على فكرة انا مش بحب حد يسوق عربيتي ومخلياك تسوق اهو قدر دي.
_على فكرة كان عندي ميعاد دلوقتي مع تقى ولغيته بعد ما وصلت المطعم عشانك قدري دي برضو.
_إنت بتقابلها في أماكن عامة يا يوسف
_آيوا المطعم اللي جمب الشركة عندك مانع ولا حاجة
_لاء أبدا عادي اۏلع بكرامتي وبشكلي أدام اي حد هيشوفكم.
_محدش هيشوفنا.
اتنرفزت وصوتي علي_سيادتك بتقابلها وعلاقتكم غير شرعية وقولت ماشي هو اللي هيشيل شيلته وذنوبه لكن تروح تقابلها جمب الشركة وكل الموظفين بيبقوا في المطعم دا واكيد هيشوفوكم سوا وساعتها أنا شكلي هيبقى زي الزفت وإنت هيكون شكلك راجل خاېن ودا عادي هو إنت إيه بجد شايفني رخيصة كدا طب يا سيدي بلاش مراتك أنا بنت عمتك اعمل احترام حتى للقرابة وصلة الرحم اللي بيننا!
ضحكت بسخرية وبصيت من الشباك بدون ما ارد عليه وفضلت ماسكة نفسي بالعافية عن العياط طول الطريق لمجرد ما دخلت البيت قفلت عليا اوضتي وسمحت لدموعي تنزل غيرت وصليت وقعدت مكاني بمصحفي وأنا دموعي بتنزل والقرآن بيهديني محستش بالوقت غير لما سمعت آذان الفجر فخرجت اشرب لقيت يوسف نايم على الكنبة اتحركت لعنده وأنا ببصله بحب غريب أمر الحب وغريب أمر القلب يبقى واجعني وتاعب قلبي بالشكل دا وشايفاه دلوقتي وهو نايم كأنه أبني إحساس جوايا غريب بأني مسؤلة عنه وعن راحته هزيته ببطء فقام وهو بيتنفض_في إيه
_إنت صليتي
_لاء لسه داخلة اصلي اهو.
_طب استنيني اتوضى ونصلي سوا
ابتسمت بفرحة_ماشي.
دخل اتوضى ورجعلي وصلى بيا أول مرة نصلي مع بعض وحقيقي أنا دلوقتي في منتهى السعادة والله مجرد ما سجدت بدأت ادعي ربنا يزرع حبي في قلبه ويهديه ويبعده عن البنت اللي إسمها تقى دي ويغفر له تعديه على حدود الله بعلاقته بيها.
_مش هتنامي
_هقرأ أذكار الصباح وأنام.
قعد ادامي واتكلم_عينيك وارمة اوي.
_هتروق كمان شوية متشغلش بالك.
دخل المطبخ دقيقتين ورجعلي مقطع شريحتين خيار وجايبلي طبق واتكلم_دي كمادات شاي ماما كانت بتقول إنها بتروق العيون لما بتكون وارمة من العياط وبعدها هنحط شريحتين الخيار دول على عيونك هتلاقيها راقت خالص.
_مكنتش بعيط!
_تسمحيلي طيب اعملها لك
من كتر التعب اللي كنت حاسة بيه والحړقان اللي في عيوني هزيت راسي من غير ما اتكلم وسندت راسي على المخدة ورايا عشان يقدر يحط الكمادات على عيوني من غير ما تقع.
_كدا خلاص هتروق معاك خالص قومي نامي على سريرك يلا.
عيوني راحت في النوم ففردت نفسي مكاني على الكنبة وأنا بتكلم بنوم_هنام هنا مش قادرة اقوم.
حسيت بيه بيشيلني فجأة وهو بيتكلم_إنت تعبانة
