اسكريبت بقلم مي أيمن

هو بقى طويل كدا ليه ولا عشان متعصب مني بجد أنا حاسة إنه لو مسكني هيقتلني رجلي اتلوت وأنا بجري فوقعت عليها. 
_حصلها حاجة. 
_وسع كدا منك لله رجلي اتكسرت. 
_والله تستاهلي قومي كدا حاولي تقفي. 
قومت فحسيت پألم شديد وعيطت فأتنهد_متقلقيش لو كسر مكنتيش هتعرفي تقفي عليها. 
سندت عليه وقعدت على الكنبة_ادخل البس بس إنت وانزل الشركة. 
بص على الساعة_يا نهارك أسود! دا الساعة 7 ! 
_بعد كدا هصحيك 6 متقلقش. 
_لاء وعلى إيه ما اصلي الفجر واطلع على الشركة. 
_لاء لاء مش أوي كدا. 
بصلي بقرف وسابني ومشي يالهوي عليا بيحبني مۏت! 
دخل لبس وخرج ويالهوي على القمر بجد هينزل كدا إزاي دا! 
_متقوميش وتحركي رجلك كتير ولو حسيتي بتعب فيها اتصلي بيا على طول نروح نكشف. 
_ماشي. 
نزل وأنا فضلت قاعدة مكاني بتفرج على التليفزيون كنت بقاوم عشان اقدر اصلي وجيت على العشا صليتها وأنا قاعدة من كتر الۏجع بعدها بشوية لقيت رجلي عمالة تورم لوحدها لحد ما حطيت راسي ورايا على المخدة ونمت مكاني أدام التليفزيون. 
_إنت يا بنتي. 
فوقت على صوت يوسف جمبي_إنت رجعت 
_لاء لسه هناك اجبلك حاجة وانا جاي 
مكنتش قادرة اناهد فيه من الۏجع فأتنهدت_الساعة كام 
_الساعة 10.
مرديتش فأتكلم وهو بيقرب_وريني رجلك كدا. 
وطى بص عليها وبعدين اتكلم_يا بنتي دي ورمت اوي مكلمتنيش ليه! 
_بتوجعني اوي. 
_دماغك ناشفة مكلمتنيش ليه!
_خلاص هتقعد تأنبني هاتلي كريم مضاد حيوي وحباية مسكن وخلاص. 
_لاء طبعا نروح نكشف عليها أحسن المستشفى مفيش خمس دقايق بالعربية ونكون هناك قومي. 
بصيتله وضحكت ڠصب عني _إنت غبي أوي أنا مش عارفة أقف.
راح جابلي الإسدال_طب البسي دا طيب. 
لبسته فقرب مني جامد فبعدت بضهري وأنا بزعق_هو في إيه! 
ضحك_هشيلك. 
لسه هرد عليه لقيته شالني ويا نهار ملون بجد أنا بسيح من الإحراج! أقسم بالله لو رفعت عيني فيه ممكن ادوب فعلا ومش هتلاقوني! 
_يا عيني عليك يا مي!
ضحك_هتبدأي ندب بقى ولا إيه احمدي ربنا إنه مش كسر. 
_الحمد لله بس الدكتور قالي محركهاش لأسبوع وأنا مش واخدة على القعدة فيا عيني عليا. 
_ياااه يا شيخة هرتاح من تنطيطك في البيت أسبوع. 
بصيتله بإستهزاء_ترتاح إنت عسل. 
_الله يخليكي. 
تليفونه رن فكنسل وبصلي فرن تاني وقفله فأتنهدت_تقى 
_أيوا.
بصيت بعيد بضيق وسكتت وهو طلع غير هدومه ونزل_هدخل اعملك سندويتش او حاجة تاكليها عشان تاخدي المضاد الحيوي وعلاجك. 
_لاء شكرا أنا هنام. 
_والعلاج بتاعك 
_أنا أقدر أهتم بنفسي كويس أطلع نام. 
_يا مي! 
_عاوزة انام بقولك هصحى اعمل لنفسي إنت مش مجبر على شيء. 
_بس.. 
قاطعته_هنام هنا على الكنبة مش قادرة اقوم. 
طلع من غير ما يتكلم وأنا دموعي نزلت ڠصب عني لحد ما روحت في النوم عادة بعد العياط بنام على طول. 
_إنت اللي عملتي الفطار دا 
_صباح الخير. 
_صباح النور قومتي ليه برضو 
_عشان اعمل الفطار مش واخدة على القعدة. 
_ولابسة ليه 
_نازلة معاك الشركة. 
_نعم 
_نعمين إنت ناسي إني شغالة هناك ولا إيه 
_ايوا بس بس مفيش عروسة بتنزل من تالت اسبوع جواز. 
_العريس هو اللي آه يعني 
_يا بنتي ورجلك 
_كويسة. 
خرجنا سوا وفتحلي باب عربيته فاتكلمت_هروح بعربيتي أنا. 
_مي إنت عبيطة عاوزاهم يشكوا فينا اركبي معايا الله يباركلك. 
ضحكت_متخافش يا مستر يوسف محدش هيعرف شيء عن اتفاقنا ولا هيشك فينا. 
اتنهد بقلة صبر_طيب بحكم إني زوجك لازم تسمعي كلامي ودا في الدين فيا تركبي معايا يا مفيش خروج من البيت. 
ضحكت وأنا بفتح باب عربيتي_الكلام دا ينطبق على زوجي اللي بحق وحقيقي مش الصوري يا يا مستر يوسف. 
وصلت الشركة وهو وصل بعدي بشوية انهمكت حرفيا في شغلي وبقيت ماشية في الشركة بعرج من ۏجع رجلي اللي مطنشاه. 
_مي دخلي الملف دا لمستر يوسف. 
_أنا مالي ما تروحي إنت يا دعاء إتشليتي 
_يا بنتي هو مش جوزك ما تقومي كدا.
قومت خبطت عليه في مكتبه ودخلت لقيته بيضحك وبيتكلم في التليفون طبعا تلقيه بيكلم العقربة اللي اسمها تقى بس تمام والله لأوريه. 
_يوسف يا حبيبي. 
بصلي وبرقلي وشاورلي اخرج فاتكلمت بمياصة_يوسف عاوزاك لو سمحت خلص بقى في إيه يا بيبي
بصلي پصدمة وقاملي فرجعت على ورا لقيته بيتكلم_طيب هقفل معاك دلوقتي يا أستاذ أحمد وهكلمك تاني نتناقش في البروچكت. 
بدأ يتكلم وهو بيقرب وأنا برجع لورا_بيبي أنا بقيت بيبي وأدام العميل 
_ولا أقسم بالله لو قربت خطوة كمان هشقك نصين. 
_بجد اومال الدلع اللي من شوية دا كان إيه. 
بصيت الناحية التانية وأنا بتكلم بإحراج_كنت فكراك بتكلم تقى. 
_والله!! بت عارفة لو