اسكريبت بقلم مي أيمن

_ايه دا يابني دا إستنى هو إنت بتكروتني
_عاوزة إيه
_اصبر متفتحش الباب غير لما أصور ايدي في ايدك ڨيديو وبالأيد التانية وإنت بتفتح الباب عشان احط عليه ادخلي عمري بخطوتك اليمين زي الناس.
بصلي بعصبية_مي هو إنت بتهزري إنت مش واخدة بالك من اللي احنا فيه ولا إيه
عدلت فستاني ومسكت ايده وفتحت موبايلي ولا كأني سمعت حاجة _افتح أنا بصور يولا .

بص على الأرض وضحك وبدأ يفتح وأنا مشغلة الفيديو الحقيقة ظروف جوازنا دي لا كانت تخطر على البال ولا العقل يوسف إبن خالي وخالي الله يرحمه شرط إن يوسف مش هياخد ولا جنيه من الورث غير لما يتجوز بنت عمته اللي هي أنا يعني طبعا غنية عن التعريف يوسف طايش أو بمعنى أصح مش عارف طريقه عنيد وراسه ناشفة وكان مغلب خالو معاه بس بحبه ومعرفش ليه قلبي من ضمن كل الرجالة أختاره هو وبحكم إن أهلي اتوفوا وخالو هو المسئول عني كنت قريبة منه جدا وقدر يفهم حبي ليوسف وأعتقد عشان كدا حبيبي كتب الوصية دي. 
_ارتحتي كدا بعد الڨيديو يعني 
ابتسمت ببرود_مش هتجوز كل يوم أنا يعني. 
_إنت دماغ تانية والله إنت مش زعلانة على حياتك اللي باظت دي 
ولما أقوم افتحله دماغه دلوقتي حياة مين اللي باظت دا أنا ببدء عمر جديد اهو ! 
_أنا جعانة. 
بصلي واتنهد_إنت مش طبيعية. 
_إنت عاوزني أفضل اندب زيك ما خلاص خلصنا هو مش موال وبعدين إنت كنت تطول تتجوزني أصلا بس بس أتنيل يعم. 
ضحك_قومي طب غيري الفستان عشان ناكل. 
دخلت غيرت فستاني ولبست بيچامة ميكي بتاعتي ورفعت شعري وخرجت لقيته قاعد بياكل فروحت عنده بعصبية_إنت بتاكل من غيري ليه يا طفس 
بصلي شوية وبعدين ضحك جامد_شكلك تحفة بجد أنا أتجوزت بنت أختي ولا إيه
_خف يا حلو عشان دمك سم على فكرة.
قعدت على الكرسي اللي ادامه وبدأت أكل فأتكلم_نتكلم جد بقى أنا بجد مش عارف هنعمل إيه سواء إنت أو أنا حقيقي ربنا يسامح بابا على اللي عمله دا.
_متقلقش يا يوسف بما إنك اتجوزتني فأنت كدا نفذت الوصية وتقدر تاخد ورثك خده وطلقني بس مش دلوقتي عشان شكلي أنا ممكن نستنى شهر أو شهرين.
_دا اللي هيحصل أكيد الفكرة دلوقتي في تقى لو عرفت هتقلب الدنيا. 
روح يا شيخ إلهي تولع إنت وتقى والله تقى دي البت اللي بيحبها طبعا هبان معنديش كرامة وإن إيه دا في إيه بس الحقيقة إني معنديش كرامة فعلا بس الأهم إنه ميعرفش اني بحبه فاكر اني تطوعت اعمل كدا تنفيذا لوصية خالو حبيبي اللي كان ليه أفضال عليا بعد ۏفاة أهلي وكان قايم بدورهم أهبل والله ميعرفش إني بدوب فيه. 
_متوجعش دماغي بحواراتك كل وإنت ساكت تقى زمانها دلوقتي نايمة أصلا. 
_لاء مش بتنام غير لما تكلمني. 
مسكت السکينة وقربتها من رقبته_يا رب صبرني ومعملش كدا اسمع بقى إحنا آه متجوزين على الورق بس لكن أنا عندي كرامة فمش حلوة في حقي تكلم واحدة عليا أو تقابلها والهطل اللي كنت بتعمله دا فهمها بقى يحلو الكلام دا وقولها هما شهرين تستحملهم. 
وشه أصفر واتكلم_طيب طيب نزلي بس السکينة دي. 
ضحكت واتكلمت بمرح_خايف شكلك خاېف بس لاء أجمد كدا اومال هو إنت لسه شوفت حاجة دا أنا مچنونة. 
سيبته قاعد بيبصلي پصدمة ودخلت اول أوضة قابلتني وقفلت الباب حطيت ايدي على قلبي وضحكت بسم الله نبدء خطتنا عشان نخلي الواد الحليوة دا يقع في حبنا ونظبطه كدا بدل ما هو متدلع على الآخر أول أسبوع هنسيبه خالص نعمله أكله وناكل معاه وندخل أوضتنا نوريله إن إحنا هاديين خالص ومسالمين
_صباح الخير قوم يلا كدا وفوقلي. 
فتح عينه وهو بيبصلي وأنا بفتح الستاير حواليه عشان النور يدخل الأوضة. 
_اقفلي الستاير دي واطلعي برا أنا لسه عاوز أنام وبعدين إيه اللي جابك هنا متدخليش أوضتي. 
عادي ولا كأني سمعت حاجة _قوم يا بيه إنت نايم ولا على بالك طبعا قوم الشركة مقلوبة ولازم ننزل. 
_مش بنزل الشركة بدري كدا أنا سيبيني أنام بقى. 
روحت جيبت إزازة مياه ساقعة وقربت منه براحة وشديت الغطا ونزلت بيها عليه فقام مخضوص وهو بيزعق_إيه الهبل دا دا إنت ليلتك سودا. 
قومت جريت وهو بيجري ورايا يا ربي