اسكريبت إسراء جمال

_نعممم!
مستوعبتش الكلمة صاحبة النوت
صاحبة النوت ذات نفسها دي اللي هي مقتولة وبدور أجيب حقها إزاى
_الموضوع محتاج ثبات من حضرتك وفهم وقبل كل ده ضمير متأكدين إنه عندك.
وقبل ما أنطق لقيتها قدامي!
هي مريم!
مريم اللي حياتي ضايعة علشان أجيبلها حقها!
إنتي هنا إزاى
_يحيي العظام وهي رميم.
إنت هتهزر إنتوا عارفين اللي إنتو عملتوه ده جزائه إيه
أنا حياتي متدمرة أمي قلبها ۏاجعها عليا تهديدات راحة جاية وفي الآخر كل ده لعبة!
_والله ما بنلعب مع حضرتك الأمر خطېر جدا.
أمر إيه ده اللي خطېر يخليكم تعملوا كده
قضية قتل تنتشر في البلد كلها تهديدات زى الرز على قفايا قضية تهز المكان كله وتلففوني بلاد وفي الآخر المقتولة واقفة قدامي هه لا تصدقوا المفروض أقوم أسقفلكم..اللي إنتو عملتوه القانون بيحاسب عليه أشد الحساب.

_إحنا اللي عملناه صعب بس ده علشان هدفنا أصعب.
إبقوا قولوا الكلام ده للمحكمة وإنتو بتتحاسبوا.
جت مريم المرحومة سابقا الحية حاليا وقعدت قدامي وبدأت تحكي بنبرة توسل
_صدقني مش سهل أبدا عليا أسيب أهلي أقلق كل الناس دي مش سهل أبدا أموت نفسي وأنا عايشة بس أوقات الإنسان بيختار يضحي بنفسه علشان خاطر ناس تانية تعيش.
فضلت ساكت مردش كنت لسه عند قراري أقبض عليهم وقبل ما مريم تنطق وقفتها سماء ووقفت قدامي وإتكلمت بكل قوة
حضرتك تقدر تشوف شغلك القانوني عادي جدا تقدر تقبض علينا بمليون تهمة بس لازم تعرف إنه إحنا إختارناك إنت مخصوص علشان كنا عارفين إنك شخص صاحب حق مش هتكسر بخاطرنا!
_واللي إنتو عملتوه ده الحق
من حقنا ولو فرصة واحدة للتبرير.
_إتفضلوا قولوا كل حاجة سامعكم.
وبدأت مريم تحكي والدموع مالية عينيها
من كام شهر دخلت البوابة المجهولة رحلتي فيها مش هقدر أحكيها كلها دلوقتي بس أوعدك هتعرفها بالتفصيل إتعرفت على يوسف وعلى سماء وكانت فرح معايا فهمت غرضهم كويس..هما مش ناس وحشة ولا غرضهم وحش علشان كده مجهولة بالعكس هما ناس بيساعدوا الناس بطريقة مخفية يعني مثلا يوسف دكتور وأنا صيدلانية فيه وقت محددينه لنفسنا بنقضيه لله بنطلع نساعد ناس حرفيا إحنا لا نعرفهم ولا يعرفونا بنكشف عليهم وبنجيبلهم الدوا المناسب ونختفي ونظهر تاني لو حالتهم محتاجة المتابعة حضرتك تسمع عن الأبطال المخفيين اللي منتشرين دلوقتي أوي عالسوشيال ميديا دلوقتي
_أكيد كلنا عارفينهم.
أهو البوابة دي وراها كل الأبطال المخفيين دول.
_يعني إنتو ال..
قبل ما أكمل كلامي قاطعتني
بالظبط كده إحنا دول باختلاف بقى مهمة كل واحد فينا مش لازم كلنا نبقى دكاترة كل حد فينا له دور مختلف وممنوع نعلن عن هويتنا الحقيقية سماء ليها دور مختلف وفرح كمان وكنا فعلا بنفيد ناس كتير.
_تمام كل ده جميل وحلو بس برضه إيه علاقته باللي عملتوه مش فاهم
رد يوسف عليا وشاور لمريم إنه هيكمل هو
الموضوع وما فيه إن مريم إتكشفت هويتها في موقف بسبب