اسكريبت إسراء جمال

حاجة بصوت عالي ومش واخده في بالها اللي ممكن يحصل وقامت نادت على الحراس وكلمتهم ولما جم صدمتهم مكنتش تقل عنها حرف!
_مستحيل حد يعرف يجيلنا دلوقتي هما في المعمورة النهاردة ازاى تعملي غلط زى ده مش تاخدي بالك ودتينا كلنا في داهية منك لله.
وبعد خناقات منهم وأنا كنت بمثل الدور باحترافيه جامدة قرروا إنهم يرموني في أقرب مكان ويقولوا إن أنا هربت قالوا إنه حساب الهرب أقل من حساب الټسمم عالأقل الباقين هيفضل عندهم أمل يلاقوني!
رموني في مكان فاضي حرفيا كان عبارة عن صحرا خدت العلاج اللي انا عارفة إنه هيظبط الأعراض عندي ويعالج اللي حصلي كنت مخبياه جوا هدومي وأول ما فقت طلعت موبايل البنت اللي أنا سرقته!
سرقته لما خرجت تكلم الحراس اللي واقفين وخبيته جوايا وهما من كتر إنشغالهم بالمصېبة اللي حصلت مخدوش بالهم أصلا!
كنت حافظة رقم يوسف وحاولت أقابل أى حد أعرف منه أنا فين وبعد ساعات طويلة قدرت أنا ويوسف نوصل لبعض .
يوسف كمل كلامها
لما روحتلها وقتها إتأكدت إنه بقينا في خطړ قررنا نماطلهم ونعلن إننا إنعزلنا في نفس الوقت اللي هنستغل فيه المعلومات اللي مريم عرفتها في إننا ندور وراهم.
_وليه مجيتوش كلمتوا الشرطة وتبقى معاكم في الموضوع
بالفعل عندي قريبي لواء كلمته في الموضوع وهو إداني إذن بتسحيلات وبكام خطوة علشان لما يتعملوا يتاخدو في الاعتبار بس مكنش يعرف حاجة عن خطتنا.
_وليه قررتوا تعلنوا ۏفاة مريم!
كنا متأكدين إن العصابة هتتجنن لما مريم تهرب هيهيجوا علينا ومش هيصدقوا إنعزالنا.
مريم كانت أقوى بند قدامهم فينا علشان هي اللي كانت معاهم وموبايلها معاهم ورجوعها معانا معناه إنتقام كان لازم يتطمنوا إن مريم ماټت وقتها حاډثة قتل مريم وإعتزالنا هتخليهم يهدوا كتير ويبدأوا يرجعوا يمارسوا شغلهم باحترافية من تاني!
والموبايل اللي أنا متأكد إن البنت مستحيل تقول إنه مريم خدته ده إن اكتشفت أصلا إن مريم خدته قدرنا نعرف منه حاجات كتير أوي غير اللي مريم عرفتها من البنت.
_وإنت إيه يضمنلك إنهم معرفوش أماكنكم من موبايل مريم
كنا عارفين إننا هنتعرض لحاجات كتير من دي علشان كده كل واحد لما بيطلع لمهمة بياخد معاه موبايل فاضي من كل حاجة وفيه الأرقام الوهمية لباقي أفراد المجموعة يعني ببساطة حياتنا وتواصلاتنا مش موجودة عليه ومن بداية وصول التهديدات كسرنا الخطوط دي وجبنا خطوط جديدة ف ببساطة ملوش لازمة معاهم!
_وإزاى وصلت التهديدات لملك
مريم كانت متواصلة مع أختها من الموبايل ده في مرة كانت محتاجة تطمن على جدتها لأنها كانت تعبانة تعب شديد أختها الوحيدة اللي كان معاها الرقم.
_أنا حاسس إن أنا بسمع فيلم هندي إيه التخطيط ده!
الرسالة النبيلة بتخلي أصحابها يعملوا أى حاجة ممكنة في سبيل إنهم يحافظوا عليها وإحنا عندنا هدف مش هنمتنع عنه