اسكريبت بقلم هاجر القاضي
حياتي اللي جاية مبنية على إيه
_لأ يازين مش بحبه واتجبرت عليه
_استني يعني ..
قاطعته
_أنت سألت وأنا جاوبت خلاص
_أنت ليه صعبة كدا
_أنا مش صعبة يازين أنت اللي عايز كل حاجة على الجاهز والحاجة الغالية لازم تتعب ليها أوي وأنا غالية أوي في نظري لنفسي
فضل ساكت مدة وبعدين أتكلم بكل جدية
_بيتزا ولا كريب
_إيه!
_تاكلي بيتزا ولا كريب
_أنت منفصل يا بابا
_خديني على قد عقلي معلش ها اختاري
_كريب
أتكلم بحماس غريب
_أحلى بيتزا هتبقى عندك عندك كمان شوية
طلب الأورد وبدأ يتحرك في الشقة كتير ويجيب ويحط في حاجات بشكل يخايل إي حد دخلت وسيبته يتشقلب مع نفسه برة بعدها لقيته بيخبط فسمحتله يدخل
_أنا مش فاهمة طلبت ليه الأكل ما كنت هعمله أنا وليه التنطيط ده كله
_اولا كتر خيرك عملتي الشقة وهي مكانتش شقة اصلا كان المفروض ماما هتعملها بعد فرحك وقبل ما تسافر وآهه صح أوضة الأطفال هتيجي على آخر الأسبوع كنت هنسى أقولك ثانيا أنت أمبارح عرفتيني طريقتك عشان تفضي دماغك فتعالي جربي طريقتي
_اللي هي الأكل!
_طب علفكرة الأكل والڤرجة على فيلم أو مسلسل قادرين يهونوا على الواحد جربي بس
_بس أنت مجربتش طريقتي عشان أجرب طريقتك
_اوعدك أقرب وقت أبقى بائس فيه هطلع أمشى على السور في ساعتها يلا اقعدي بقى
_ده سبايسي عرفت منين أني بحبه
_حسيت من شخصيتك
_إيه الأجابة الكليشية دي طب افرض مكنتش بحبه
_كنت هاخده أنا
_بس طنط قالتلي قبل كدا أنك عندك حساسية من الشطة
_مش مهم فداك
غيرت الموضوع
_عايز البطل يرجع للبطلة ولا لأ أنا عن نفسي لأ
_ليه
_لأنه مجاش عليها مرة واحدة ولا اتنين
_بس هو عرف غلطه
_طالما عرف غلطه يبقى يعافر عشان يوصلها بس عارف هي غلطانة عشان أمنت لراجل وسلمته نفسها وقلبها
_التراست ايشوز فخورة بيك
أخدت بوق من سبيرو سباتس وكملت كلامي
_لحظي أن كلامك جارح يا أنسة
ضحكت وحطيت أيدي على بوقي
_خلاص هسكت أهو
_يا بنتي أنجزي هنتأخر ومش هنلحق نجيب الحاجة
خرجت بالبندانة وأنا بزعق
_متستعجلنيش ما أنا مش عارفة ألبس طرحة لونها إيه
اتكلم بهدوء
_ألبسي البيج شكلك بيبقى حلو فيها
ابتسمت
_بجد يا زين
_جد الجد كمان يا ستي
_حرام عليك هعمل الأكل ازاي دلوقتي ده أنا مأكدة عليك مليون مرة أنك متنساش
_كلميني في السوبر ماركت وهجيب الحاجة هنزل أهو
_جربتها أكتر من ٣ مرات معاك بقالنا شهر في الحوار ده
قومت قطعت ورقة من النتيجة وبدأت اكتبله الطلبات تحت نظرات الدهشة منه بيبصلي ولا كأني ساحرة
_هاجر أنت بتكتبي وبتعرفي تمسكي القلم!
_آهه فيها إيه
_بس اللي أعرفه أنك متعلمتيش
_بس دي مش الحقيقة
اتنهدت وكملت كلامي
_أنا اتعلمت ودخلت طب يا زين كنت بروح في فترة المدارس عند خالتي اسكندرية وبابا كان ما بيصدق وكنت بتعلم في الفترة دي ولما دخلت طب هو عرف ومنعني وفهم الكل أني لسة جاهلة
بصلي بأهتمام واتكلم بحيرة
_بس ليه فهم الكل كدا
اتنهدت واتكلمت بكسرة
_معرفش لو فضلت أسأل ليه على كل حاجة بيعملها هتعب
_وليه معرفتنيش
_أنت مسألتش
_هو لازم أسأل
_آهه أنت لما سألتني أنا جاوبتك لكن مش ذنبي أنك حكمت وأنت مش على علم بحاجة
هز راسه بمعني آه
_معاك حق
_طول عمري
اديته الورقة في أيده
_أتفضل انزل بقى هات الطلبات
الخطوة التانية التثبيت
الست كائن رقيق كائن لطيف كائن جميل وهي عارفة كدا وفي نفس الوقت بتحتاج شريك حياتها يأكد عليها كدا يأكد عليها أنها أجمل حد في نظره هو وأن عيونه مبتشوفش غيرها ولو شافت غيرها عمرها ما هتشوف في حلاوتها
كنت
