اسكريبت بقلم هاجر القاضي
قاعدة بقرأ رواية وفاردة شعري وبشرب كاكاو عشان يدفيني في الجو الجميل ده بدأت اندمج في أحداث الرواية والنهاية طلعت سعيدة طب ازاي
يعني البطلة خلاص هتشوف السعادة بعد كل اللي شافته ومن بعد محولات البطل معاها عشان يخليها تموف أون من القديم يعني طلع في آمل! لأول مرة احس أني عايزة أسيب نفسي للدنيا واشوف أخرتها مع زين هتبقى إيه مش يمكن تبقى سعيدة زي البطلة
فجأة حسيت بفلاش بيضرب فيا بصيت لقيت زين واقف هو جيه أمتى!
_أنت هنا من أمتى
_من وأنت في نص الرواية ومقدرتش أمنع رغبتي في أني اصورك وأنت بالمنظر ده
اتجاهلت آخر جملة
_يمكن رجلي تكون تعبت بس عيوني متعبتش
سكت ومردتش عليه فكمل كلام
_لو عملت حاجة دلوقتي ممكن تضايقي
_على حسب جرب وأنا أحكم
جري جاب المشط والفرشاة وقعد جمبي على الكنبة وبدأ يسرحلي في شعري وعملي ضفيرة بصيت في المراية
_حلوة أوي يا زين
ابتسم
_عجبتك بجد
_آهه اشمعنا اختارتها هي بالذات
_مش عارف يمكن عشان طول عمري بحب الشعر المضفر ويمكن عشان هتخليني اشوف عيونك
اتنهدت
_ هو أنت مزهقتش
_مزهقتش من إيه
_من محاولتك معايا يا زين واحد غيرك كان زهق
غيرت الموضوع
_الجو ساقعة أوي أنهاردة
بصتله بقرف
_زين بطل تلزيق مفيش حاجة بتدفي غير الكاكاو والسحلب
_طب ما تجربي الاه
خدت بوق من كباية الكاكاو اللي بردت
_تؤ أنا بحب الكاكاو
أتكلم بقمص
_جت على أمي يعني ووقفت
_أنت لسة صاحي
كنت قاعدة في الصالة بقرأ رواية أخر ليالي البشر لقيت زين خرج والمفروض أنه عنده شغل والوقت أتأخر
_مش عارف أنام
_الأرق بردو
اللي فهمته من الفترة اللي قعدتها مع زين أنه عنده أرق مزمن ومش بينام غير بالمنوم
_مش عايز أدوية زهقت منهم خلاص
_طب والعمل
_ما تحكيلي الرواية دي كدا
_أقرأها أحسن عشان تحس بمتعتها
_بالعكس هحس بمتعتها وأنت بتحكيها
كنت لسة هرد عليه لقيته نام على رجلي
_والله
_معلش عديها أنهاردة أنا واحد مريض وتعبان وزي جوزك بردو
_حد قالك قبل كدا أنك إنسان مستغل للفرص
_كتير بصراحة
بصتله بطرف عيني وبدأت أحكيله الرواية بعد فترة حسيت بنفسه وهو منتظم بصيت عليه لقيته نام شكله وقع في فخ الحواديت والحكايات ومحدش سمى فضلت ابص عليه كان شكله هادي أوي ومسالم كانت أول مرة اركز في ملامحه بالشكل ده استوعبت أني بقالي فترة ببص عليه إيه هنخيب ولا إيه
_عارفة يا هاجر
بصتله بأهتمام
_عرفني
_أنا لما بشوف عيونك بفهم ليه إيليا أبو ماضي قال كدا
اتكلمت بعدم فهم
_ليه هو قال إيه
قال إيليا أبو ماضي
ليت الذي خلق العيون السودا
خلق القلوب الخافقات حديدا
عوذ فؤادك من نبال لحاظها
أو مت كما شاء الغرام شهيدا
فضلت متنحة أنا أكتر حاجة بحبها الشعر اللي باللغة العربية وبالذات لو غزل العيون
_أنا قولت شعر إيه التتنيحة دي
اتكلمت وأنا بضيق عيوني
_أنت فاكر كدا أنك بتثبتني
_بصراحة كدا آهه
_برافو عليك لأني اتثبت فعلا
اتكلم بأندهاش وأكنه مسحور
_إيه الجمدان ده
كنت لابسة فستان سوارية لونه بيبي بلو وطرحة نفس درجة الفستان عشان فرح صاحب زين
اتكلمت بتردد
_بجد يا زين أنا حاسة أن فيه حاجة غلط
_هو فعلا مش حلو
كشرت فكمل
_ده مدهش أنا طول عمري بسمع عن سندريلا بس أول مرة أشوفها هنزل بيك وأنت كدا ازاي
_يلا يا بنى هنتأخر
ابتسم ومدلي أيده
_سمو الأميرة تسمحلي
مسكت أيده
_المرة دي بس هتواضع وأوافق بس متتعودش على كدا
نزلنا نركب العربية وفتحلي الباب
_زين أنت كنت كاتب زمان على
