اسكريبت بقلم هاجر القاضي
حلال أنا عارفة أن ظروف جوازكم مش أحسن حاجة ومفيش واحدة بتتمنى أن ابنها يتجوز بالأسلوب ده بس لولا أني بحبك كان زماني رافضة اسمعي مني الكلمتين دول تكسبي زين عيل أهبل سهل تكسبيه والله
_عارفة يا طنط مشكلتكم إيه فاكرني عيلة الكلمتين دول هيهدوني عايزاني اتعامل مع زين عادي ازاي وهو مش راضي علفكرة أنا سمعته وهو بيكلمك أمبارح لما كنت معايا في الأوضة قبل الفرح وجالك برا و أنا مقدرة موقفه معايا والشهامة اللي اتعامل بيها معايا بس هو مش راضي.. مش راضي أني مش متعلمة وهو المهندس زين بيحسسني أن أنا اللي طلبت أكون جاهلة يمكن أمي الله يرحمها لو كانت موجودة كنت بقيت زي ما هو نفسه
_بس الذنب مش ذنبي أن هي سابت الدنيا وسابتني لوحدي مع أبويا
خدتني في حضنها
_اعتبريني من أنهاردة أنا أمك يا نن عيوني
_حاضر
_اقولك سر يا هاجر زين طيب وحنين آهه بس مش متربي أصل أنا وأبوه كسلنا فربيه أنت بقى
ابتسمتلها
_من عيوني أنا نقطة ضعفي التربية
خرجنا من المطبخ سوى وبعدها مشيوا عشان يسافروا وطلعت على السطح اتمشى على السور لما الدنيا بتيجي عليا بعمل كدا عشان احس أحساس الطير الحر أحساس أني طايرة في السما مفيش حاجة منعاني من الحرية والهوا بيخبط في وشي بكل اريحية قطع أفكاري صوت زين وهو بيزعق
_مجنونة!
_آهه عايزة تنت حري! ټموتي كاف رة ليه يعني لكل ده
_ام وت كاف رة! إيه الأفورة دي أنا بتمشى عادي بعمل كدا لما ببقى عايزة اريح دماغي
_ومش خاېفة!
فردت درعاتي وكملت ماشي على السور
_وأخاف ليه!
_عشان ده خطړ وتهور
_ الدنيا كلها خطۏرة ولو التهور هيحسسني بالحرية معنديش مشكلة
_أنت مج نونة بجد
_الجنان هو أنك تحكم على حاجة من غير ما تجربها
_طب ما أنت حكمتي عليا من غير ما تجربيني يعني مچنونة
نزلت من على السور وقربت منه
_مظنش أن في جنان أكتر من اللي أحنا فيه يا زين
_مش أنت بتقولي التهور حلو أنا بقى هثبتلك أن الجنان حلو بردو ومبقاش زين الشافعي لو موقعتيش في حبي
مشيت وسيبته وأنا بضحك فاكرها بالسهولة دي هو!
عريس ساب الفرح عشان أختلاف بسيط بين الأهل في الفلوس وشخص من المعزومين مفيش قرابة بتجمعنا غير أنه ابن صاحب أبويا وجارنا زمان بقى هو العريس ده مش جنان!
الخطوة الأولى الأهتمام
الأهتمام من أجمل لغات الحب اللي الستات بتحب تحس بيها وعشان الست تقع في حب الراجل لازم تحس أنها عنده أهم شيء في يومه وأنها أكتر شيء يهمه وعشان تحس بكدا لازم يهتم بيها وبكل حاجة تخصها
فرحت من الساعات ساعات
ودقت من الحاجات حاجات
وعشت من السنين سنين
ونابني من اللي فات فتات
ومن الحبيب جواب حزين
وأسئلة بلا إجابات
حيرة ورا حيرة
حتى السعادة يوم ويوم
حتى المحبة خد وهات
وكل كوم وكومي كوم
زمن بيرمي إفيهات
وزي عادتي اصوم اصوم
واسد جوعي ذكريات
وافضها سيرة
قطع صوت حمزة نمرة صوت زين
_كنت بتحبيه
اتكلمت بخضة
_بسم الله الرحمن الرحيم خضتني يازين
_شكل قلبك خفيف
_لأ يا خفيف أنت اللي دخلت زي العفريت ومحستش بيك وأنت بتفتح باب الشقة
_حقك عليا كنت بتحبيه بقى
_مين
_العريس أحمد
_عايز إيه
_الأجابة
_طب والسؤال
_أنت ليه بتحبي تلفي وتدوري وعمرك ما تريحي اللي معاك
_واريحهم ليه وهما عمرهم ما ريحوني
_بس أنا بحاول أريحك
_يمكن أنت شايف كدا بس أنا شايفة غير كدا
_طب نقعد ونتفاهم نصلح وجهات النظر
_بعدين يا زين بعدين
_طب والسؤال
_عايز تعرف الأجابة
_ياريت عشان أعرف
