رواية بقلم أمل احمد

كلام وخلاص عشان الڤضيحة وسمعتها والناس متتكلمش عليها معتقدش انها اتجوزت حد أحسن منك يا آسر 
في منزل يونس
رغد يونس ممكن اسألك سؤال بس متفهمنيش غلط 
يونس أسألي 
رغد يعني ايه حب 
يونس الحب الحلال طبعا هو 
أن تتعفف هي و يستعفف هو حتي يلتقيا علي غير موعد! 
و كأن كلاكما قد حفظ للآخر أمانته في نفسه دون أن يراه و أن يكون هو أول من يخربش علي جدران قلبها كلمة أحبك 
ويكون أول من يترك بصمة عميقة علي شغاف قلبها 
للحب فارتوى بها الشعور بأول لمسة والرعشة الأولى بكف يديها الرقيق بعد عقد القران

الحب هو الأمان الحصن الجدار القوي الرحمة التقدير ترى بعينيها حبيبها سيد الرجال مختلف متميز
بعد أن أنهى حديثة ابتسم وأكمل مش كل الناس تعرف تحب يا رغد الناس بقت فاهمة الحب غلط الحب مواقف وأفعال جبر خواطر رفع الروح المعنوية زي حب رسول الله للسيدة عائشة كان بيقولها ايه 
رغد بإهتمام ايه 
يونس حبك يا عائشة في قلبي كالعروة الوثقى 
رغد يعني ايه 
يونس كعقدة الحبل صلة قوية كانت السيدة عائشة كل فترة تغازل رسول الله وتسأله كيف حال العقدة يا رسول الله يبتسم ويقول كما هي على حالها وحاجة كمان الحب السوي هو حب القلب والروح الحب عمرة ما كان معتمد على القلب بس لو الحب اعتمد على القلب بس يبقي حب ضعيف والمشاعر هي اللي متحكمة ف الشخص ومع الأيام صاحب المشاعر دي هيغرق ويتكسر ولو اعتمد على العقل بس يبقي حب مفيهوش مودة ولارحمة فيه قسۏة وبرود لازم يعتمد ع الاتنين لأن القلب والعقل مكملين لبعض
فيقطع حديثهم جرس الباب فتذهب رغد لفتح الباب وتفتح فتجد مي أمامها 
رغد مي 
مي وهي تحتضن رغد وحشتيني عارفة إني اتأخرت عليكي مبروك ي حبيبتي 
رغد الله يبارك فيكي تعالي ادخلي عرفتي العنوان منين 
مي جبته من طنط ونظرت ليونس
بأعجاب قالت دة جوزك 
رغد أيوة ونظرت ليونس وقالت دي مي صاحبتي 
يونس أهلا نورتني ونظر لرغد وقال عن اذنكم عشان تاخدوا راحتكم ورحل من أمامهم مي وهي تنظر لأثر رحيلة قالت بخفوت مع نفسها مكنتش متخيلة أنه كدة دة يضرب آسر بالجزمة ايه الهيبة دي من يومك محظوظة 
رغد وهي تقطع حبل افكار مي عاملة ايه
يا مي ليه الغيبة دي 
مي بضحكة مصطنعة معلش انشغلت عنك حقك عليا 
رغد ولا يهمك 
مي مالك مش مبسوطة ولا ايه 
رغد لا بالعكس مبسوطة جدا الحمدلله 
مي بخبث معقولة نسيتي آسر بالسرعة دي عادي كدة
رغد
آسر خلاص بقا ماضي وعدى أنتي فاكرة ايه هفضل حزينه عليه وابتسمت واكملت أنا ربنا عوضني بالاحسن والأجمل 
مي ربنا يخليكم لبعض حبيبتي 
رغد يارب 
بعد مدة من تبادل الحديث نهضت مي وقالت معلش بقا همشي يدوب أروح 
رغد ماشي حبيبتي ابقي تعالي
مي إن شاء الله يلا بااااي
ف الإسكندرية في غرفة مي وهي تقلب غرفتها رأسا على عقب وتجلس ع الأرض وتقول بغل أعمل معاكي ايه يا رغد حاولت اكسرك معرفتش حاولت اخليكي تجربي الۏجع والهزيمة لكن محصلش أنا لازم أتصرف لازم أعمل أي حاجة وابتسمت بخبث وقالت أنا عرفت هعمل ايه 
أحيانا يكون الصمت راحة ولكنه يمزقنا من الداخل بعض الأمور تكون أجمل لو كانت مجهولةأريدك أن تشعر بحبي لك تشعر بنبضات قلبي التي تنبض لأجلك 
رغد وهي تغلق النوت الخاص بها بعد أن فرغت ما بداخلها قالت هتعملي ايه يا رغد هتبدئي منين وازاي 
يونس من خلفها تعملي ايه في ايه 
رغد بخضة أنت هنا من أمتي 
يونس من آخر جملة هتبدئي منين وازاي ناوية على ايه انا ممكن أساعدك
رغد بجمود لا شكرا
يونس لسة زعلانه مني عشان وسكت 
فهمت رغد قصدة قالت لا عادي ده شئ متوقع طبيعي يا يونس أن اسمها دائما يبقى على لسانك 
يونس صاحبتك اللي جت النهاردة دي تعرفيها من أمتي 
رغد ليه 
يونس عادي بسأل لو مش حابة تتكلمي براحتك 
رغد لا عادي صاحبتي من كذا سنة وكانت جارتي بس هي عزلت من جمبنا حاليا عايشة في إسكندرية
يونس بصراحة كدة البنت دي مش عجباني نظراتها مكنتش مريحة 
رغد قصدك ايه 
يونس مش عارف عموما دي مجرد وجهه نظر بس نصيحتي ليكي خلي بالك منها متديهاش ثقتك كاملة مفيش حد مضمون الايام دي يا رغد اعتبريها نصيحة 
رغد بضيق وعدم اهتمام بكلامه شكرا على النصيحة يا يونس اعتقد مش هتعرف صاحبتي اكتر مني بس نصيحتك مقبولة 
ف الإسكندرية 
آسر پغضب أنتي اټجننتي لا طبعا مش هسمح لك تعملي كدة يا مي شيلي رغد من دماغك هي متستاهلش منك كدة حرام عليكي كفاية اللي حصلها سيبيها في حالها 
مي بغيظ يا حنين خاېف عليها دي حاجة عادية مش هتفرق معاها أصلا 
آسر لو عملتي اللي في دماغك أنا اللي هوقف في وشك ومش هسمح لك تأذيها حتي لو اضطريت أقابلها وأقولها حقيقتك انا حقيقي ندمان وضميري بيوجع على اللي عملناه فيها ومسك يدها وقال أنتي لازم تتعالجي يا مي من عقدتك دي 
مي وهي تسحب يدها پعنف قالت أنا مش مچنونة عشان أتعالج أنا كويسة
آسر لا مش كويسة يا مي تصرفاتك مش تصرف واحدة طبيعية ومين قالك إن العلاج النفسي يكون لشخص المچنون مش شرط على فكرة 
مي پغضب مش هروح عند دكاترة عشان انا معنديش حاجة أنا كويسة جدا وعارفة بعمل ايه
آسر يبقي تشيلي من دماغك رغد ووقفي الجنان اللي انتي عايزة تعمليه لاني مش هسمح المرة دي أن خطتك تنجح 
مي بعند أنا
خططت وهنفذ بعد يومين 
آسروهو يمسكها من كتفيها ويهزها قال مع مين انطقي وامتي 
مي وهي تبعد يدة قالت مش هقولك يلا باااي 
وتركته ورحلت هاربة من أمامه
آسر بتوتر أنا لازم أتصرف أنقذ رغد وأشوف حل مي لازم تتعالج
تاني يوم
آسر وهو داخل العيادة النفسية يقطع شرودة فتاة تقول اتفضل يا أستاذ آسر دورك 
فينهض آسر ويدخل الغرفة 
الطبيبة أهلا بحضرتك أنا الدكتورة حبيبة الدالي أخصائية نفسية ايه مشكلتك 
آسر الحمدلله انا معنديش مشكلة بس عندي خطيبتي هي اللي عندها مشكلة وحكى لها قصة مي 
حبيبة بعد أن استمعت لحديثه مشكلة خطيبتك عبارة عن انفعالات
نفسية اتخزنت في عقلها الباطن وللاسف أسرتها هي اللي زرعت في عقلها كدة هو اللي وصل لها في الحالة دي أسرتها دمروا ثقتها في نفسها لدرجة عقلها صورلها انها اقل من كل الاشخاص اللي تعرفهم هو دة اللي وصلها للي هي فيه بسبب تعرضها للضغوط والمقارنة وللأسف المرحلة اللي هي فيها خطېرة علي نفسها والأشخاص اللي حواليها وخصوصا اكتر شخص متعرض للخطړ لردود أفعالها الشخص الرئيسي اللي دايما أهلها ديما يقارنوها بيها دة اكتر شخص يبقي الهدف عليه اكتر وتبقى عايزة تأذيها بأي طريقة بس بطريقة غير مباشرة 
عقدة خطيبتك أسمها عقدة قابيل 
آسر بتعجب 
يقطع تفكيرة حبيبة وهي تقول هتجبها أمتي ولا هروح لها 
آسر لالا أنا هحاول أجبهالك شكرا يا دكتورة
في غرفة يونس يجلس على فراشة ويمسك صورة مريم ويقول أنا تعبت يا مريم من الوضع دة مش عارف اعيش من بعدك الحياة بقت مالهاش لازمة مش عارف أعمل ايه وأخذ يتحدث مع صورتها حتي أخذة النوم 
يجد يونس نفسة في مكان