أماني عنان

بلدي متوظف مانا سواق ههههه
عزة اللي فيه الخير يقدمه ربنا
أماني عنان 
طلع ربيع علي شقته ووراه نجوي واول ماطلع فوق بص علي عبايتها الضيقة وقال 
شوفتي عزة حشمة ازاي !
بعصبية .. قصدك ايه
انتي هتردي سؤال بسؤال اقصد أنها ست عاقلة وتقيلة كدا يابخت رمضان بيها
نجوي ياسلام علي أساس أن ربنا بيعاقبك بيا
ربيع لا ياروحي ماقصدش انتي زعلتي
نجوي اوعي كدا شيل ايدك من عليا ماتلمسنيش
ربيع أما انتوا عقلكوا صغير صحيح
نجوي عقلنا صغير ولا انتوا يارجالة اللي مابتفهموش في مشاعرنا الست مابتحبش جوزها يجيب سيرة اي ست غيرها لا من بعيد ولا من قريب لا بحلو ولا بردي .. فهمت

ربيع فهمت يافندم ومش هتتكرر
نجوي هههههه ايوا كدا عفونا عنك 
بعد مرور تلت شهور جهز رمضان أوراقه وسافر من غير سلام مع اهله قال أنا كدا كدا بالنسبة لهم عازل وماليش وجود خليهم في حالهم وصي مراته وقال
رمضان ابقي روحي عند اهلك ياخدوا بالهم منك انتي والعيال وكدا ابقي مطمن عليكوا
عزة حاضر
سافر ومارضيتش تسيب بيتها عارفه انها مش هترتاح في بيت ابوها سبحان الله البنت قبل الجواز مابتبقاش عايزا تسيب بيت ابوها وبعده ماتقدرش تستغني عن بيت جوزها اتعودت علي الحرية وانا تبقي مسؤولة مش مسؤول عنها وتحت رحمة حد ..
بيكلمها كل فترة علي الفيس بوك ..
الولاد ناموا وراحت تكلم رمضان بعد المغرب
رمضان حبيبتي وحشتيني
عزة ودا من أمتي وانت هنا ماكنتش بتقولي كدا
رمضان يمكن عشان بعيد وبعدين بطلي فصلان ياوليه هههههه
عزة طب خلاص كمل كمل
بابتسامة لا خلاص

الكلام الحلو راح بكره بقي
الباب بيخبط مين ياتري 
عزة خليك معايا ثواني
رمضان لا هقفل واتصل كمان شويه ماسينحر
عزة ماشي
من انشغالها وتركيزها مع جوزها راحت تشوف مين بروب النوم علي أساس انها جارتها اللي بتيجي تقد معاها واول ما فتحت الباب لاقته في وشها ..
الرابعة
فتحت الباب وقالت بدهشة
ربيع 
بص في الأرض واعتذر كتير وقال إنه جاي يسأل علي رمضان ليه مدة مابيردش علي تليفونه تراجعت عزة لورا وقفلت الروب كويس وقالت بخجل 
اتفضل ثواني بس وهرجع
دخلت جري علي اوضة النوم بدلت هدومها وليست ازدال واسع لونه بني وطرحه وخرجت وشها احمر من الإحراج ..
اهلا وسهلا ياستاذ ربيع
انا اسف مره تانية اني جيت من غير موعد بس دا بيت اخويا توقعت أنه هيقابلني ..
لو كان هنا كان قابلك
يعني ايه ووقف وهو بيكلمها
رمضان سافر الكويت
ازاي كدا مره واحده ومن غير ما يقول لحد ابويا لو عرف احتمال يحصله حاجة ..
بصوت هادي قالت
ماعتقدش ابوك لو فرق معاه ابنه كان سال عليه ولا دخل بيته من ساعة ماسيبنا البيت وهو واخد جانب ومستعظم يسأل علينا ولا يقول عايشين ازاي ومنين 
ماتبقيش قاسېة اووي ياعزة في احكامك
معلش الحياة اقسي خلينا في المهم
رمضان سافر ماكملش اسبوع وان شاء الله يتثبت في شغله وربنا يرزقنا ..
هو بيشتغل ايه 
بصت تحت رجلها وقالت مش عيب يابت قوليله
بيشتغل عامل توصيل طلبات للمنازل
قام ربيع وقف وهو مصډوم وقال 
بقي يسيب بلده ووكالة أبوه وشقته الملك ويتغرب عشان يبقي سواق ديليفري 
ماتحاولش تريح نفسك بكلام انت عارف أنه مش صح ابوك معاه فلوس وانت عايش في خيره وربنا كارمك احنا بقي لينا ربنا ودراع جوزي اللي بيشتغل
مد أيده وطلع مبلغ مالي وقال لها
دا مبلغ بسيط خليه معاكي يمكن تحتاجوا حاجة
تسلم وفر فلوسك مستورة والله
رجع أيده ومشي وهو طالع بص اتحجج وقال 
ممكن كوباية ميه 
حالا
ساب الفلوس علي الترابيزة ونزل بسرعة قبل ماترجع وهو بيفكر اكيد هتحتاجيهم للولاد او ليكي 
جابت الميه وقبل ماتتكلم سمعت صوت الباب بيتقفل بصت قدامها وشافت الفلوس اتنفست بعمق واخدتها وقالت 
يارب عدي الايام دي علي خير وماتحوجناش لحد وترجعلي يارمضان بالسلامة ..
أماني عنان 
نجوي نزلت عند حماتها يسهروا سوا واول مالباب خبط قامت بسرعة وقالت ربيع جه
السلام عليكم ورحمة الله
وعليكم السلام ورحمة الله وبركاته
الاب تعالي رمضان
ربيع انا ربيع ي حج رمضان سافر
وقف الراجل وفجأة ماقدرش يوقف علي رجله وقال بصوت ملهوف
سافر ازاي وفين
ربيع الكويت راح يشتغل هناك
الاب ابني ناقص فلوس عشان يسافر .نجوي مش عارفه تداري فرحتها وبتقول مع نفسها
احسن ساب عزة زي الكلبة لوحده هي وعيالها خليها تتمرمط وتتذل
الام ياحبيبي يابني ازاي يسافر من غير مايجي يسلم علينا
ربيع بعد آخر زيارة زعل من كام حاجة

وبعدين حس انكم هتمنعوه
الاب لله الامر من قبل ومن بعد
دخل اوضته وهو بيرددها لله الامر من قبل ومن بعد ربيع خاف ع أبوه قاله
تعالي ارنلك عليه تكلمه واتس ولا ماسينجر
الاب لله الامر من قبل ومن بعد يعني النت هيرجعه
الام كلمه الله يكرمك ياربيع عايزا أشوفه صوت وصوره
ربيع حاضر بس بطلي عياط كلها سنة وهيرجع
الام سنة يانهار وزادت في العياط
نجوي ماتزعليش نفسك ياماما أن شاء الله خير دلوقتي نطمن عليه ..
ربيع بيرن عليه وبيدي مشغول يظهر أنه بيكلم حد
الام هو في غيرها واخداه مننا وهو هنا وهوا مسافر
نجوي الله يسامحها طول عمرها طماعه ومش عاجبها حاجة تلاقيها هي اللي قوته علي السفر
ربيع بيغمز لها عشان تسكت وهي قاعده جانب حماتها وعماله تديها في كلام سم من تحت لتحت قال يعني مستنياها توقع مابينهم ..تليفون حماتها رن بصت نجوي وقالت لها 
دي عمتي بسمه ياماما
الام بسمة حبيبتي عامله ايه
بسمة الحمد لله بخير ياماما
الام اخبار الحمل ايه بتاكلي كويس
بسمة ايوا بأكل والله دا حتي حماتي مهتميه بيا خالص
وقفت الام وخدت التليفون ودخلت علي اقرب اوضة وقفلت الباب وبدأت في النصائح الموروثه
الام حماتك ايه اللي پتخاف عليكي هو في حد بيحبك قد امك ولا يهمه مصلحتك ماتصدقيش الجو دا دي بتشتغلك وتلاقيها من وراكي بتسخن ابنها الحيلة عليكي ..
بسمة طب مانتي مش حما خالص ياماما ربنا يباركلك ..
تضحك الام وتسعد
اسمعي الكلام اللي بقولك عليه خدي بالك منها وماتبقيش عبيطة ..
بسمة طب دي لسه جايبه لي طبق فاكهه مقطع خوخ وتفاح وقالت أنه مفيد للجنين
الام بتصرخ لااا لتكون حاطه فيه حاجة ارميه في الژبالة وخلي جوزك يشتريلك مخصوص لوحدك ..
بسمة بتردد بتمسك الطبق وهي مش قادره تتحرك عشان حملها صعب وبترميه في الژبالة قالت
طب خليكي علي الخط ثواني
الباب خبط وفتحت حماتها علي طول وشافت الطبق وهو بيترمي في الژبالة ..
عيونها دمعت وماتكلمتش
بسمة ماما أنا
الحما ماتقوليش حاجة
قعدت جامبها علي السرير واتكلمت بهدوء وقالت 
والله يابسمة وماليكي عليا يمين انا بعتبرك زي سارة بنتي اللي ماټت وهي في اعدادي احساس الفقد صعب اوووي من يومها قولت لما ابني يتجوز هعتبرها بنتي اللي مافرحتش بيها واعيش معاها كل اوجاعها وهمومها زيها بالظبط ..
بسمة بس بيقولوا الحما بتغير من مرات ابنها وأنها خدت ابنها وكدا
الحما اغير هههههه دي الستات الجاهلة بس اللي تغير إنما انا لا هاخد زمني وزمن غيري مانا اتجوزت ابو جوزك واخدته من أهله وعشنا اجمل ايام عمرنا دلوقتي بقي كل املي اشوف ولاد ابني واشوفه مرتاح في بيته مش اكتر ..
طبطبت عليها وقالت وعموما براحتك انا مش زعلانه
بسمة هزت رأسها وابتسمت وهي مش مقتنعه واول ماحماتها