سكنت قلبي

انا معملتش حاجه والله انا عرفت أن هو من نبره صوته بس حبيت اوضحله انه مش فارق وان صوته حتي نسيته!
ابتسم وهو بيمسك ايدي برقه 
انا عارف انك معملتيش حاجه ومبسوط من رد فعلك
اخدت نفس عميق وانا بسند ظهري علي الكنبه
طب الحمد لله 
ليه مقولتليش
علي ايه 
ان عيد ميلادك بكره
هزيت اكتافي بابتسامه باهته 
عشان مش بحب اليوم ده 
ليه ياحبيبتي 
قالها وهو بيمسك ايدي وبيضغط عليها
اترميت في وسندت راسي علي صدره وانا بغمض عيوني
محدش كان بيفتكره ولا حد كان بيقولي كل سنه وانتي طيبه مكانش عندي أصحاب اهلي دايما كانوا كارهين وجودي حتي ماما مكانتش بتفكر اليوم ده اكتر يوم كنت بحس فيه اني لوحدي علشان كده مش بحبه ولا بحب احتفل بيه!
بس فهد قالي أنه متعود كل سنه يكلمك في نفس المعاد يقولك كل سنه وانتي طيبه
بعدت عنه وانا برد بعصبيه
كذاب هو عمره ما افتكر عيد ميلادي
بس هو فاكره اهو!
ببساطه لاني حطيت التاريخ علي الاكونت من حوالي شهر مش اكتر هو اتصل علشان يعكر مزاجنا
لكن فشل ولا عاش ولا كان اللي يعكر مزاجنا!
قالها وهو بيضمني مره تانيه
حاوطت وسطه وانا بتنهد بحزن 
راسي برقه وهو بيهمس جنب ودني 
كل سنه واجمل بنوته طيبه وبخير
رديت بابتسامه رقيقه 
وانت بخير ومعايا 
تاني يوم 
كلمني قالي اجهزي 
مكنتش فاهمه ليه 
حاولت افهم منه لكن رفض يقولي اي تفاصيل
لبست اسكيرت تايجر
بلوزه سوداء 
طرحه سوداء
وهيلز
نزلت كان في عربيه سودا قالي اركبها علشان توصلني عنده
ركبت وشويه ووقفنا قدام كافيه 
نزل السواق فتحلي الباب 
شاورلي ادخل الكافيه
بدأت اتوتر 
دخلت وركبي بتخبط في بعض 
الناس اللي شغالين في الكافيه اول ما شافوني شاورولي اطلع الدور الاول!
بلعت ريقي وطلعت وقلبي مع كل خطوه بيدق پخوف
اول ما وصلت وقفت مكاني پصدمه
كان سالم واهلي وأهله 
كلهم واقفين حوالين ترابيزه عليها تورته كبيره بصورتي 
وحلاويات ومشروبات وهدايا كتير وصوري متعلقه في كل مكان في الكافيه!
في البدايه مستوعبتش 
فركت عيوني اكتر من مره 
يمكن تكون اوهام 
قرب مني 
مسك ايدي برقه 
كل سنه وانتي طيبه يانور عيني
بصيت حوليا وعيوني بتلمع بالدموع 
س سالم ا انت ا انت....
انا بحبك 
اتعلقت في رقبته وانا برد بفرحه
انا كمان بحبك اوي يا سالم اوي
ضمني وشالني وفضل يلف بيا 
اشتغلت اغنيه 
نزلني 
حط أيده علي وسطي وأيدي علي اكتافه وبدأنا نرقص 
كنت بتحرك بين ايديه بخفه ودلال وسعاده ملهاش مثيل!
بهمس برقه
سالم 
سند رأسه علي راسي ورد بهمس 
عيون سالم 
شكرا 
علي ايه انا معملتش حاجه 
لا عملت
رفعت عيوني في عيونه بابتسامه 
انت قدرت تحول أتعس يوم في حياتي لأحلي يوم
عايزك تتاكدي اني موجود علشان سعادتك وبس 
انا بحبك اوي
بقى انتي يانجمة يا نقيه يا عاليه ياصعبه ياعصية
بقا انتي تفكري فيا
بقى انتي تطيبي خاطري
وتيجي طريقي وتخاطري
وقلمك يمشي على سطري ويكتب أيوه قلبي معاك!
سكنت_قلبي 
ايمان_شلبي