ولائي و كبريائي الفصل الثالث

بقوة وانقبضت معدتها واحمر وجهها من الخجل مما جعل داخله يسعد وبشدة. 
اما هى فقالت بخفوت أبدا أنا كمان كنت بتمشى وجيت قعدت هنا شويه أستمتع بالبحر.
جلس بجوارها دون مقدمات وقال شكلك بتحبي البحر قوووي.
أجابته دون إدراك وقالت بحزن جدااا عشان بابا الله يرحمه كان بيعشقه وكان دائما ياخدنا المصيف ويقول لو أطول كنت أعيش هنا طول عمري .
شعر بحزنها فقال الله يرحمه هو مټوفي من زمان
أجابته وهى تمسح دمعة هاربة من عينيها وقالت من وأنا فى ثانوي.
سألته دون مقدمات هو مفيش هنا حد بيبع أى حاجة تتشرب ولا إيه
علم انها تود تغيير الحديث فاحترم رغبتها وقال لا طبعا فيه وكمان ممكن فى كافيه الفندق هتلاقي اللى انت عايزاه.

صاحت كطفلة صغيرة وقالت بجد يعني ممكن ألاقى عصير ليمون بالنعناع الأخضر واللبن
نظر إليها وقال بإندهاش ليمون بالنعناع مفهومه بس باللبن كمان إزاي بقه
أجابته بفخر دانا كنت بعمل كوباية عصير ليمون بالنعناع واللبن تهبببل والزباين بيجولها مخصوص.
نظر إليها بإستغراب وقال زباين إيه
شعرت بالخجل لما قالت ولكنها تداركت الأمر فهى لاتخجل من كونها كانت تعمل بصغرها فقالت بفخر أنا بعد ۏفاة بابا الله يرحمه نزلت اشتغلت جنب دراستي عشان أساعد ماما ومن ضمن الشغل كان في كافيه.
نظر إليها بقوة وكأنه يريد ان يستكشف كل ما بداخلها فإلى متى ستبهره تلك الولاء الفريدة من نوعها.
شعرت ولاء بنظراته ولم تفهمها فسألته بخفوت إيه مستغرب ولا إستقليت مني لما لقتني كنت بشتغل فى كافيه
نظر إليها وقال بصدق تصدقيني لو قلتلك إني مبهور بيكي.
شعرت بالخجل فنهضت مرة واحدة وهى تبعد الرمال عن تنورتها وتقول طب أنا هروح أشرب حاجة بقه لأنى عطشانه وكمان عايزه ألف فى كل الفندق لأن تصميمه يجنن. 
أكملت بإعجاب للتصميم اللى صممه أكيد عبقري وفعلا نفسي اتعرف عليه عشان أستفيد من خبرته.
أجابها بخبث جديد عليه ولكنه محبب إلى قلبه وقال عجبك قوووى كده.
صاحت بجدية جداااا عاجبنى بطريقة مش معقوله عامل فيه تصاميم دقيقة مياخدش باله منها غير شخص عبقري فعلا ومستغل كل المساحات بطريقة ولا أروع من كده.
إبتسم بشدة وقال على فكرة هو كمان بيقول على تصميمك للقرية كده.
فتحت عينيها بإندهاش كطفلة صغيرة وقالت بجد هو شافها.
ضحك بقوة على هيئتها حتى ظهرت نواجذه فظلت تنظر إليه بتيه وعندما ضحك بقوة تغيرت ملامحه بتصبح أجمل بكثير دق قلبها إليه مرة أخرى دون إرادتها .
تمعن بالنظر إليها عندما وجدها تائهة بملامحه وقال هو الآخر بتيه على العموم هو عاجبه كل حاجة فيكي.
تداركت نفسها ووضعت رأسها ارضا وهى تقول بإرتباك أأأنا ماشيه.
تحدث سريعا وقال مش عايزه تعرفي المهندس ولا أيه
نظرت إليه دون كلام فقال بإبتسامة هادئة أنا اللى مصمم الفندق بالمبانى اللى حواليه قبل ما أسافر برة وصدقيني
 شغلك ميقلش إتقان عن شغلي ابدا بل بالعكس.
فتحت فمها للرد عندما استمع كلاهما لشخص ينادي بقوة باشمهندس ولاء.
فرد الإثنان بنفس الوقت وقالت نعم! 
ضحك الإثنان تحت نظرات موظف الإستقبال المستغرب الموقف برمته وقال وهو يوجه نظره للمهندس ولاء آسف يافندم بس تقريبا حضرتك نسيت الفون فى الجناح وتسنيم هانم رنت عليك ولما مردتش رنت على الإستقبال وبتقول لحضرتك كلمها ضروري.
ضړب رأسه بيده دليلا على نسيانه وقال أوبس فعلا نزلت ونسيته وطبعا زمان تسنيم هناك هتعملها موال.
شعرت ولاء بغصة بقلبها وكادت ان تسأله من هى تلك التسنيم ولكنها قررت الإنسحاب بهدوء دون كلام لتتركه دون ان يلاحظ بملامح حزينه مختلفة عن تلك التى كانت هنا منذ قليل.