فردوس الشياطين 43_44

عمري و إتعلمت إزاي أبقي حرة . و ماتنساش أني مواطنة أمريكية أصلا
عمرو بصرامة أنا عارف عنك كل حاجة . و عارف إن معاكي چنسية أميركا . بس أنا كمان خريج جامعة أمريكية و سافرت كتير لفيت أوروبا كلها مش بس ال . لكن هفضل عمرو عز الدين غالي . راجل مصري و شرقي و من منظوري الحرية إللي بتتكلمي عنها دي ليها حدود
رمقته ميرا بنظرات محتقنة و قالت 
و إنت شايفني إيه قدامك يعني إنت مش عارف أنا بنت مين و لا إيه !!
عمرو عارف . عشان كده وافقت أتجوزك منغير ما أشوفك و لا أعرفك .. باباكي سمعته كويسة و أكيد إنتي تربيته يعني زيه

إبتسمت ميرا بإلتواء و قالت بنبرة ذات مغزي 
أنا لحد الوقت إللي فات كنت نفسي و بس . لكن إطمن .. ډم سفيان الداغر بيجري في عروقي . أنا مش زيه يا عمرو . أنا ال بتاعته . و أكيد هتشوف بنفسك !
كان الجناح هادئ .. عندما ولج سفيان راسما علي ثغره إبتسامته الخبيثة لم يري زوجته في الفراش فسار مفتشا عنها حتي وجدها مستلقية علي الكرسي الهزاز أمام باب الشرفة المفتوح علي مصراعيه
إزدادت إبتسامته إتساعا و إستدار متجها نحو الكومود المحاذي لها عند السرير كانت أدويتها هناك أخذ دواء معين ثم ذهب إليها ...
صحيح أنها كانت غافية لكنها أصبحت تعرفه جيدا و قد حفظت كل تحركاته مهما كانت خفيفة كانت تشعر به منذ البداية إلي أن إقترب منها و أصبح بإمكانه سماع نبرتها الخفيضة
قالت بسخرية و عيناها مغمضتين 
إيه رأيك ! يا تري مثلت كويس 
إنحني سفيان جالسا بجوارها في وضع القرفصاء أمسك بظاهر الكرسي و باشر في هزه و هو يقول بإسلوبه الماكر 
كنتي هايلة . خصوصا في كلمة يا حبيبي .. يآاااه . ده أنا قشعرت و كنت هصدقك
فتحت يارا عيناها في هذه اللحظة أدارت رأسها نحوه و نظرت له بقوة قائلة 
هتنفذ وعدك ليا إمتي 
سفيان بدهشة مصطنعة 
هو إحنا لسا خلصنا يا حبيبتي أنا مش قولتلك دي كلمة شرف ماتقلقيش أول ما يحصل إللي أنا عايزه هنفذلك كل إللي إتفقنا عليه
يارا و قد إمتقع وجهها آلما 
أنا مش طايقة أقعد علي ذمتك دقيقة واحدة . خلصني بقي
إبتسم سفيان قائلا بسخرية 
إطمني . قريب أوي هتخلصي .. ثم أدار الكرسي صوبه و أردف و هو يلوح لها بزجاجة الدواء 
و دلوقتي يلا عشان معاد الدوا . هتاخديه من إيدي إنهاردة !
..................................................................................
إنفتحت بوابة الڤيلا إلكترونيا بعد أن أطلق سامح زمورا من سيارته ...
كانت وفاء تجلس بجواره مسترخية سعيدة بعلاقتهم التي إستحالت من الظلمات إلي النور نظرت له بحب و مدت يدها لتمسك بيده الحرة
نظر سامح لها و قال بإبتسامة 
مبسوطة يا حبيبتي 
وفاء بسعادة محدش أدي يا سامح . أنا طايرة .. أخيرا أقدر أقولهالك و أقولها قدام أي حد
سامح هي إيه دي يا فوفينا 
وفاء بهيام بحبك . بحبك يا سامح
ضحك سامح و رفع يدها إلي فمه ليقبلها ...
دقيقة بالضبط و كان سامح يصطف سيارته وسط باحة الڤيلا .. ترجلت وفاء أولا و إنتظرته حتي أقفل السيارة و لحقها سارا معا بإتجاه باب المنزل دقت وفاء الجرس لتفتح الخادمة بعد لحظات ألقت عليهم التحية لتعاجلها وفاء 
سفيان بيه فين 
الخادمة البيه فوق مع الست يارا . تؤمري بحاجة يا هانم !
وفاء أه يا ريت تعملوا حساب سامح بيه الليلة معانا علي العشا
الخادمة حاجة تانية 
كادت وفاء ترد ليقاطعها سامح مستغربا 
مين ده إللي قاعد هناك مع ميرا !
نظرت وفاء له لتجده يصوب عيناه جهة الصالون نظرت حيث ينظر و هي تسأل الخادمة 
إحنا عندنا ضيوف و لا إيه شربات 
الخادمة أيوه يا هانم ده ضيف سفيان بيه سابه مع الأنسة ميرا لما طلع للست يارا
إزدادت حيرة سامح فقال و هو يترك يد وفاء بحركة لبقة 
وفاء عن إذنك . هاروح أشوف مين ده !
وفاء بهدوء أوك يا حبيبي . و أنا هطلع أغير هدومي و رجعالك
أومأ سامح مرة واحدة