فردوس الشياطين 29_30

إهدا و ماتخافش علي بنتك . إللي عمل كده أكيد عايز منك حاجة و هيتصل بيك و مهما عملنا دلوقتي مش هنقدر نوصل لحاجة لإن واضح أن كل حاجة مدروسة كويس . بس إحنا مش هنسكت طبعا و في نفس الوقت محتاجين نفكر بحكمة . أرجوك بقي هدي نفسك مش عايزين نعمل شوشرة في ناس تحت
سفيان بيه الأستاذ يوسف عايز يشوف حضرتك . و بيسأل في حاجة حصلت لميرا هانم .. كان هذا صوت الخادمة
رد سفيان بخشونة دون الإلتفات إليها 
قوليله يمشي . قولي لكل الناس يمشوا الخطوبة إتلغت
الخادمة بإرتباك آا آ أقوله يمشي ! .. و وقفت حائرة
إستني إنتي يا دادة عطيات .. قالها سامح ملوحا بيده 

أنا هنزل أعتذر للناس بنفسي .. ثم إلتفت إلي الحرس و الخدم مكملا بصرامة 
و لو سمحتوا كلكوا مش عايز كلام في الموضوع ده نهائي . أي حاجة حصلت هنا لو شميت إنها إتنقلت يمين و لا شمال .. إنتوا عارفين أنا ممكن أعمل إيه
الجميع مفهوم يا سامح بيه
سامح يلا إتفضلوا كل واحد علي شغله
إنصرف الجميع و نفدت فتاة مركز التجميل بجلدها و هي لا تصدق أنه كتب لها عمرا جديد و خرجت أخيرا من هذا البيت المخيف ...
كانت الغرفة فارغة الآن علي كل من سفيان و وفاء و يارا
إستدار فجأة و كأنه قد بوغت بأمر ما ..
رأته يارا ينظر إليها بطريقة جعلتها تجفل بداخلها إبتلعت ريقها بصعوبة ليقطع المسافة بينهما بخطوتين ثم يقبض علي رسغها مجتذبا إياها خلفه ما كانت يارا تركز علي أي شيء في هذه اللحظات بقدر ما ركزت علي تفادي السقوط و هو يجرها بهذا الشكل إلي أن فتح باب غرفتهما و دفعها پعنف للداخل
سقطت يارا بقوة فوق الأرض تأوهت پألم و شعرت فجأة بيداه ترفعانها بطريقة مؤلمة لذراعيها لفها  تواجهه فجحظت عيناها پخوف كبير عندما إلتحمت نظراتهما ..
كنتي بتقوليلي إيه بقي قبل ما نخرج من هنا ! .. تساءل سفيان بنبرة خاڤتة تنذر بحلول غضبه الوشيك
يارا و هي تحاول أن تتحلي بالشجاعة 
مش فاهمة قصدك إيه !!
سفيان و هو يرمقها بنظراته السوداء 
و عزة جلال الله .. لو عرفت إن ليكي يد في إللي حصل . مش هقولك لو طلعتي ورا إللي حصل . من قريب أو بعيد . هاكلك بسناني حية . لو بنتي جرالها حاجة همحيكي من الوجود لدرجة أن مش هيفضل منك حاجة كإنك ماجتيش للدنيا دي أصلا و مش بس إنتي . أهلك كلهم
وقف شعر جسمها كله و هي تستمع إلي وعيده لهثت و هي تقول له بجدية ممزوجة بتوترها 
و الله أنا ما أعرف حاجة عن بنتك . إيه إللي إنت بتقوله ده ما أنا معاك هنا ليل نهار شوفتني خرجت أو قابلت جنس مخلوق 
سفيان بصرامة بثت فيها المزيد من الړعب 
لو طلع النهار و مالاقتش بنتي . هتشوفي مني إللي مايخطرش علي بال إبن حرام يعمله في واحدة زيك .. شكل ده أخر الخط بينا يا يارا 
عندما إستعادت وعيها كان يراودها إحساس غير مريح لا تعرف ماهيته لعلها مشوشة قليلا و هي تحاول الخروج التام من غفوتها !
لكنها و بدون مغالاة لم تستطع حتي تذكر إسمها .. بالكاد إلتقطته من بين غياهب ذاكرتها المظلمة سرعان ما أضاءت شيئا فشئ فعرفت من هي و أين كانت و ما أخر