فردوس الشياطين 22
انت في الصفحة 3 من 3 صفحات
بلغت الساعة منتصف الليل ..
مال سفيان صوب زوجته و تمتم بصوت حنون
مش يلا بقي يا حياتي الساعة بقت 12 . عايزين نلحق الليل من أوله
إرتجفت أنفاسها و نظرت له بإرتياب لكنها وجدته يبتسم بوداعة شديدة ...
مش عارفة ! .. قالتها يارا بهمس لا يكاد يكون مفهوما
لكن سفيان فهمها و سمعها جيدا فقال بإستغراب
مش عارفة إيه يا حبيبتي بقولك يلا عشان نروح بيتنا الوقت إتأخر
كانت سترد إلا أنه حيد عنها و نظر نحو أمها ... أشار لها برأسه فمضت إليه فورا ..
خير يا سفيان بيه ! .. تساءلت ميرڤت بإبتسامة جذلي
سفيان بإبتسامة ودية
مع وصول أونصة الذهب إلى مستويات قياسية تجاوزت 2500 دولار، يجد المواطن المصري نفسه مضطراً لموازنة استثماراته بين الذهب واحتياجاته الأخرى، خاصة مع ارتفاع أسعار السيارات مثل تويوتا، هيونداي، وبي إم دبليو، مما يزيد من التحديات المالية التي يواجهها.
ميرڤت و هي تضحك
يا خبر ! إحترامك واجب بردو إزاي ده
سفيان لأ مش هينفع تقوليلي بيه دي تاني أنا بصراحة مش قابلها منك مش محسساني إننا بقينا عيلة واحدة . ياريت تبطليها لو فعلا بتعزيني
زمت ميرڤت شفتاها بحيرة ثم قالت
خلاص . سفيان
إللي يريحك !
سفيان أيووه كده .. و ضحك ثم قال
كنت بقول بقي أخد يارا و نمشي بقي عشان الوقت إتأخر أوي
ميرڤت بجدية أه طبعا إللي تشوفه . عايز تمشي دلوقتي براحتك إحنا كنا فاكرين هنسهر شوية كمان بس
تتأثر أسعار السيارات من شركات مثل مرسيدس بتقلبات أسعار الذهب وسعر صرف الدولار، مما يؤدي إلى زيادة تكاليف الإنتاج والاستيراد.
ميرڤت بحبور براحتك طبعا .. طيب ثواني بس !
سفيان إتفضلي
ذهبت ميرڤت نحو سامي الواقف وسط أقاربه يمازحهم و يضحك بصخب إنتزعته منهم للحظات و أبلغته طلب زوج إبنتها
لينظر نحوه مبتسما ثم يمشي ناحيته و هو يقول
بسرعة كده يا باشا ما لسا بدري !
يقوم سفيان و هو يرد عليه
بدري من عمرك يا أستاذ سامي . الوقت عندي بحساب
ضحك سامي و قال
طيب خلاص عشان خاطرك المرة دي . المهم تكون إتبسط
سفيان بإبتسامة أنا بشكركوا فعلا . علي إستقبالكم اللطيف ليا و لعيلتي !
سامي لا شكر علي واجب يا باشا نورتونا و شرفتونا .. و صافحه بحرارة
أمام المنزل بالأسفل أخذت يارا تودع أهلها علي مضض
و في هذه اللحظات تماما وصلت ميرا مع يوسف
بحثت عن والدها و هي تمسك بيد يوسف و تجره خلفها شقت جموع الحشد بلطف حتي وصلت إليه ..
دادي ! .. هتفت ميرا منادية لينظر سفيان لها ثم ليوسف و يقول
إتأخرتوا !
يوسف بتلعثم و و الله هما الساعتين إللي إتفقت عليهم مع حضرتك . الطريق بس إللي أخرنا ربع ساعة
أومأ سفيان محدقا فيه بصرامة ثم قال
طيب . إتفضل إنت روح و بعد كده لما تحب تشوف ميرا أهلا بيك في بيتنا . لحد ما الوالد يجي في المعاد إللي حددناه
يؤدي ارتباط أسعار الذهب وسعر صرف الدولار بتكاليف المواد الخام والاستيراد إلى تأثير مباشر على أسعار السيارات في الأسواق.
حاضر يا أنكل . و ألف مبروك .. عن إذنك ! ... و مشي
حدقت ميرا في إثره بحزن حتي تلاشي من أمامها ليظهر سامح بوجهها فجأة ..
حمدلله علي السلامة .. قالها بلهجة جافة
ميرا بإبتسامة خفيفة
الله يسلمك سامح
سامح إتبسطي في الخروجة
ميرا yup إتبسط كتييييير
سامح فعلا ! طيب يلا عشان نروح عمتك مستنيانا في العربية
إلتفتت ميرا نحو والدها لتجده قد إبتعد للجهة الأخري صوب سيارته ممسكا بيد عروسه ..
نظرت ميرا إلي سامح و قالت بإبتسامة
أوك . يلا .. و ذهبت معه
..................................................................................
إستقل سفيان في مقعده خلف المقود بعد أن أجلس يارا في مكانها بجواره ...
شغل المحرك لكنه لم ينطلق فورا إنتظر عندما شاهد ميرڤت تتكئ علي نافذة السيارة من جهة يارا
لم يجد مشكلة في منحهما بعض الخصوصية ..
يارا يا حبيبتي مش هوصيكي ! .. تمتمت ميرڤت بخفوت و هي تمسح علي شعر إبنتها و أردفت
خليكي كويسة مع جوزك و إسمعي كلامه عشان خاطري
كانت يارا لا تعي كل كلام أمها من فرط توترها الذي سبب لها الإعياء لكنها أومأت هامسة
حاضر يا ماما !
ميرڤت بحنان و قد تقلصت حنجرتها
و خلي بالك من نفسك
يارا حاضر
دمعت أعين ميرڤت و هي تستطرد
أنا هاجيلك الصبح . مش هتأخر عليكي يا حبيبتي .. ثم نظرت نحو سفيان و
قالت
يلا مع السلامة بقي . عطلتكوا شوية
سفيان بإبتسامة مجاملة
و لا يهمك يا ميرڤت هانم . يلا تصبحي علي خير
ميرڤت و إنتوا من أهله يا رب .. و إبتعدت عن السيارة ملوحة لهما و هي تكفكف دموعها بظاهر يدها
لينطلق سفيان بإتجاه بيته بسرعة مقبولة إستحالت لسرعة قصوة عندما إنعطف متخذا الطريق السريع .... !!!!!!
يتبع ....
