رواية جديدة بقلم مريم سمير

انا حتي بدأت اثق فيك 
يبقي خلاص أنا كمان معنديش صحاب بس مفيش احسن مني يعني 
_ يادي خصلة المهندس الي بتطلع مرة واحدة ديي!
قربنا من بعض وفضلت قاعدة عنده شهر في شهر اكتشفت إن الدنيا لسه بخير لسه فيها احمد! لو مكنتش قابلته مكنتش عارفه كان ممكن يحصلي ايي .
جه من الشغل قعد علي الكنبة وباين عليه أنه زعلان اوييي! 
_في أي يا احمد مالك فيه حاجة في الشغل 
لاء ابويا تعبان اوييي ولازم يعمل عمليه عشان يستأصل الورم الي عنده الجلسات معتتش بتجيب نتيجة
_ طب العمليه دي هتتكلف كام
٥٠ الف مش معايا غير ٢٠ مش عارف اعمل اي
_ هيعمل العمليه فين
في المستشفى الخاصه الي في البلد 
_ طب اهدب هتتحل إن شاء الله ربنا يشفيه يا رب 
يا رب معلش قلقتك ادخلي نامي 
دخلت الاوضه وانا بفكر اساعده ازاي لحد ما جت طريقه صحيت الصبح بعد ما نزل ونزلت كنت خاېفه حد يشوفني بس الدافع اني اساعده كان جوايا اقوي روحت بعت الخاتم الالماظ بتاعي الي كنت لبساه معايا 75 الف 
رجعت البيت متأخر 
زعق انتي كنتي فين
_ أنا..
انتي اي وزفت اييي انتي خرجتي لي انتي عارفه لو حد كان شافك كان حصلك اييي أنا ناقص بلاوي
_ بلاوي! أنا كنت بس..
كنتي فين يمريم
_ كنت في المستشفى الي باباك هيعمل فيها العمليه 
المستشفي ليي
_ أنا دفعت مصاريف العمليه وقالولي أنها هتتعمل بكرة وشوفت باباك وقعدت معاه شويه أنا اسفه مكنتش اقصد اني اخليك تقلق أو اسببلك أي بلاوي أنا لازم امشي 
دخلت الاوضه وقفلت عليا مريم مريم افتحي 
أنا آسف والله لما جيت وملقتكيش افتكرت إن أي حد تبع باباكي جه وخدك والضغط الي انا فيه هو الي عامل فيا كده انتي عمرك ما سببتيلي أي بلاوي بالعكس أنا مش عارف اشكرك ازاي 
فتحت الباب _ وانا فعلا مكنتش اقصد اخليك تقلق
متزعليش مني حقك عليا وبعدين أي الي خلاكي تدفعي الفلوس أنا كنت هتصرف 
ضحكت _ هما سلف أي

فلوس تجيلك تحوشها بقي عشان عاوزة فلوسي 
انتي طيبة اوي يمريم 
_ اهم حاجة باباك إن شاء الله يبقي كويس ولو أنا طيبه ف اتعلمت دا منك عاوزة شاورما يا احمد أنا جعانة 
تتجوزيني 
_ اييي 
تتجوزيني 
_ اييي
معتش ينفع نقعد سوا من غير اي مسمي كده 
مټخافيش هيبقي علي ورق بس
_ طب وبابا!
انتي مش عاوزة ترجعيله يعني هتفضلي هنا 
_ طب ولو عرف مكاني! انت ساعتها مش متخيل ممكن يعمل اييي
مش عاوز اتخيل عاوز نتجوز عشان اضمن انك تفضلي موجودة 
_ نعم
مش احنا صحاب واقرب اتنين لبعض وكل واحد ساعد التاني في وقت كان التاني محتاج اي طوق نجاه
_ أيوة بس..
بس اييي
_ هنتجوز ازاي
هجيب مأذون بكرة وهيبقي جواز شرعي بس اتطمن علي ابويا الاول 
_ إن شاء الله هيبقي كويس 
يا رب يمريم ادخلي نامي دلوقتي
_ احمد 
نعم 
_ باباك طيب اويي ربنا يخليهولك 
يا رب وربنا يحنن قلب باباكي ويعرف إن معاه اجمل بنت ممكن الواحد يكون ابوها
_ انت بتعاكس ولا اييي!
لما نتجوز هعاكس براحتي يستي
_ هيبقي علي الورق متظطش 
خشي نامي يمريم واتمسي وقولي يمسا
ضحكت وقفلت الباب دخلت وانا مش مصدقة أنه طلب مني الجواز! طول عمري بقرأ عن الحب البطل الي حب البطلة اول ما عينه وقعت عليها أو لما جمع بينهم موقف أو اتنين صدفة كنت شيفاها قصص عيالي اويي وملهاش علاقه بالواقع بس بتهيقلي أنا بقي عندي احسن قصة حب في الدنيا .
نمت وصحيت كالعادة علي صوت خبطه علي الباب قومت