صدفة بقلم سميرة

_ الدخول كابلز 
_ بقولك خطيبي جوا !! 
_ أنا آسف مينفعش تخشي 
_ يعني ايه مينفعش ! هو انا داخلة الحرم ! بقولك خطيبي جوا ... وسع

حاولت تدخل لكن ايده كانت اسرع، بعدها بغلظة و رجع يبصلها بنفس البرود

_ لأ يعني لأ
_ طب خش ناديهولي 
_ آسف يا فڼدم دي الأوامر

_ معايا

التفتتلي في نفس اللحظة الي قررت ابطل فيها مراقبتها من بعيد، قربت .. خطيت خطوات باتجاهها وهي واقفة متصلبة مكانها

_ بيس

وسعلنا الطريق وشاورتلها بكفي أنها تدخل قبلي، مكدبتش خبر و لقيتها بتجري على جوا 

وقفت على اول سلمة براقبها من غير صوت، الدوشة حواليها كانت عالية و لبسها بريئ مخالف 
كانت ماسة بتلمع رغم خفوت الاضاءة عليها ..... ديسكو الساعة اتنين بعد نص الليل مش هنتلم هنا عشان نبيع سبح و نعمل خاتمة !

_ بدوري على حد معين ؟

كنت عارف أن صوتي عالي بالمقارنة بالاصوات حوالينا لكن تركيزها في وشوش الناس خلها تتخطاني و تمشي في اتجاه محدد .. عنيها كانت مسلطة عليه وهو واقف بيتلوى 

_ سلمى ؟!  

كانت واقفة ساكتة، عنيها جاحظة و بقها مفتوح، اكيد تعرفها 

رجعت تبصله وكأنها متعرفهوش

_ سلمى اديني فرصة أشرحلك

بهدوء قلـ،ـعت الدبلة من اديها،  و سحبت نفسها 
لقيتني بمشي وراها اما هو كان بيجري، نظرة سريعة على البنت الي كانت واقفة وسطهم .. أكيد تعرفها و اكيد هي الي جابتها لهنا  

_ سلمى أرجوكي اسمعيني 
_ وعاملي فيها بتغير و راجل جامد و أنت مقضيها مع الـ....