اسكريبت بقلم ملك وائل مجدي سلسلة مليكة وياسين 21

لقيتة هرب بعيونة بسرعة و قال بتوتر حسيتة من نبرتة_ايوا طبعا هبقى مبسوط بيك. 
ابتسمت بعد ما وصلت للإجابة منه و ان هو فعلا انا زي اختة لا اكتر انتهد بقوة و انا بحاول اخلي ابتسامتي لاطول مده ممكنة _تمام يبقى انا كمان هبقى مبسوطة.
_مليكة فين يا عمي يومين الاجازة مش بشوفها!!
رفع عمي نظرة من على الجريدة و قال ببتسامة_ملوك نزلت مع مامتها تجيب فستان لقراهء الفاتحة.
هزيت راسي بهدوء و قولت بضيق _طيب يعني مش بترد على مكالماتي!!
ضحك عمي _يا حبيبي ملهيه بقى البنات كده في اي مناسبة مهمه.
_طيب هستاذن انا يا عمي بقى.
و بالفعل مشيت من البيت و طلعت بيتي و انا بحاول اتصل بيها للمرة اللي مش عارف عددها و مش بترد أبدا انتهد بضيق و انا برمي التلفون و بفتكر اخر مقابلة كانت بينا و همست _مش فاهم جمعة و اليوم كلة مشغولة في تجهيزات استقبال و السبت اهو مش عارف اشوفها... اما اشوف بكرة هعرف اشوفها في الشغل ولا لا كمان.
تاني يوم الصبح نزلت استناها كالعادة قدام مدخل العمارة بصيت في الساعة لما اتأخرت همست بتعجب_اتاخرت كده ل.. مليكة كل ده تاخير!!
اتقدمت منها شوية و هي خارجة من باب العمارة و باصة في الارض و اول ما وقفت قدام باب العربية رفعت وشها ليا و هي بتحاول تبتسم كان باين على ملامحها انها بتحاول و قالت_معلش نمت متأخر امبارح.
_مل...... 
مكملتش كلمتي و هي فتحت باب العربية و ركبت بصيت لاثرها لثوان و انا بلف بسرعة اركب جنبها و بدات اتحرك بالعربية لاننا اتاخرنا خلال الطريق كنت ببصلها من الفترة للتانية و هي كانت ساكتة ساكتة بطريقة غريبة عليا ساندة راسها على الشباك و حتى مش بتبصلي!!!! 
_مليكة بصيلي بعد اذنك. 
سمعت صوت تنهيدة قوية خرجت منها و هي بتلف وشها ليا انا وقفت على جنب اول ما شوفت اللي تحت عيونها قولت بقلق و انا بتفحصها بعيوني_انت كويسة مالك عينك حمرا و تحت عينك اسود مالك احكيلي. 
_مفيش يا ياسين نمت امبارح متأخر.
هزيت راسي برفض و انا بلف وشها ليا و قولت_مليكة مش عليا انا ياسين احكيلي مش عجباني بقالك يومين و حتى مش مخلياني اشوفك.
بعدد وشها عني و هي قالت بهدوء_ياسين مش وقتة بعد اذنك احنا متأخرين اوي على الشغل انا تعبانة و مرهقه من التجهزات استقبال ابن خالي الاسبوع الجاي مش اكتر.
_متاكده!! 
حسيتها اتوترت _ايوا هكدب عليك ليه يعني.
هزيت راسي بهدوء و انا بكمل طريقي للشغل و بعد ربع ساعة وصلنا و بدانا شغل. 
خلال اليوم حاسسها حزينة مش كويسة مش بتكلمني بتكلم كل الناس و انا كلامها معايا قليل بعد ما كنت اكتر حد معاها حتى وقت الغدا رفضت بقوة اننا ناكل سوا بسبب انها تعبانة و مكالتش طول اليوم حتى!!! 
بتتجاهل تبصلي حتى!!
_اليوم كان متعب انهردا صح يا ملوك
هزت راسها بتعب_ايوا تعبانة انا كمان اوي. 
ابتسمت بحماس و انا بقف قدامها قبل ما تفتح باب العربية و قولت_اي رأيك نتعشا بره سوا و نقدي بقيت اليوم مع بعض 
_ياسين ل... 
قاطعتها و انا بقول بمرح و بفتح باب العربية _تفضلي سيدتي انهردا ختام اليوم هيبقى تحفة عليا علشان هكون معاك.... يالا.
ضحكت ضحكة خفيفة على حركتي و وقفتي و انا حاطت ايدي وراه ضهري و الايد التانية على الباب و منحني شوية_انت مش معقول بجد. 
غمزت ليها_دي عيونك اللي مش معقولة. 
رجعت قبل ما تدخل العربية و قالت بصرامة بعد ما وشها احمر قدامي_ياسين بس كلامك ده. 
_يخت.... 
_مليكة كنت بدور عليك جوه.... انت مين مين ده و بتعملي ايه في العربية دي. 
كانت باصة ورايا للشخص اللي قاطع كلامنا بتوتر ظاهر عليها عدلت نفسي و انا بلف له و قولت بجدية_انت مين اصلا 
قال بعصبية _خطيبها انت اللي مين 
و بعدين بصلها پغضب و قال بصوت عالى_انت بتعملي ايه معاه 
لمحت مليكة اللي خرجت بره العربية و كانت بتبلع ريقها پخوف من صوتة العالي و انا عارف انها پتخاف من الصوت العالي محستش بنفسي غير و انا بمسكة من ياقه قميصة و بزعق فية_انت متخلف يالا!!! ازاي تزعقلها بالشكل ده قدام