بحر ورحيم بقلم امينة الجزار

يكون على البحر يا عمي بيختفي هناك أحيانا
وقفت فاجأة وقفلت معاه بعد ما شكرته وبدأت أتحرك للبحر إزاي نسيته بس اتجهت لهناك بسرعة وصلت بعد نص ساعة تقريبا لقيته قاعد على الشط قربت منه وقعدت 
_ طالع لوالدتك بتحب البحر 
ضحك _ بس بحبها أكتر 
_ اتلم يا نوح اتلم يا حبيبي
فضلنا ساكتين شوية وبعدها سألته
_ ايه حصل وصل الأمور بينك أنت ووالدتك لكدا  
بصلي باستغراب _ هي ماما محكتش حاجة  
_ لأ 
اتنهد ورجع بص للبحر تاني بعدها حكالي اللي حصل وقبل ما اتعصب عليه أو اتكلم حتى صدمني بآخر حاجة قالها 

_ أنا باخد مخډرات يا بابا
الجزء الثاني
_ أنا باخد مخد رات يا بابا
بصتله پصدمة مخډرات إيه اللي بيتكلم عليها حاولت أخرج صوتي طبيعي لكنه خرج مهزوز خاېف
_ لو بتقول كدا علشان متتعاقبش على كلامك مع والدتك تبقى هتتعاقب مرتين علشان.... 
قاطع كلامي وبصلي وابتسم وفيه دموع ظهرت في عيونه 
_ أنا فيه في دمي مخډرات يا بابا مش بكذب 
_ بطل كڈب يا نوح 
دموعه نزلت وهنا اتأكدت أنه فعلا مش بېكذب
_ والله مش بكذب
فضلت باصصله پصدمة من عملته وخوف عليه وخوف على بحر والأولاد من الخبر اتكلمت بعد صمت دام مش عارف قد ايه بالظبط. 
_ من إمتى وأنت كدا 
اتنهد ومسح دموعه وبدأ يحكي 
_ من كام شهر اتعرفت على شاب معايا في الشغل قرب مني وبقينا شبه أصحاب بعدها بقيت اخده معايا وأنا رايح أقابل معاذ وإبراهيم يعني يكون صاحبنا الرابع وكنت بحاول أصلحه يعني يصلي معانا ويبطل سجاير وخلافه 
معاذ وإبراهيم نصحوني ابعد عنه لأنه مش ناوي يبعد عن اللي هو فيه دا غير إننا لاحظنا تصرفاته مش طبيعية ودايما بحسه مغيب عن الواقع لكن رغم كدا مسمعتش من صحابي وفضلت معاه لحد من شهرين تقريبا بقى يصر يعزمني على حاجة أشربها عصير أو شاي أي حاجة من اسبوعين بدأت أحس بصداع ودوخه في الأول مهتمتش لكن بعد كدا معاذ قالي لازم أكشف بالفعل رحت للدكتور من يومين اللي طلب مني تحليل والنتيجة ظهرت امبارح وقالي إن فيه نسبه مخډرات في دمي لكنها مش كبيرة لما عرفت مكنتش عارف أعمل إيه ولا هعرفكوا إزاي لحد ما حصل اللي حصل مع ماما انهاردة كان بسبب إني مأخدتش الحباية اللي بتتحط في العصير اتعصبت عليها هي حتى أنا ساكت دلوقتي لكن حاسس دماغي ھتنفجر 
سبحان من مخليني هادي دلوقتي والله
كان بيحكي وهو بيعيط زي ما يكون عنده عشر سنين لسه قربت منه اخدته في حضڼي وحاولت أهديه 
بعد عني بعد فترة واتكلم وهو بيمسح دموعه 
_ أنا هبعد فترة على ما السم دا يخرج من جسمي وبعدين هرجع بس خلي ماما تسامحني 
قومت وقفت ووقفته معايا _ مش هتبعد عن عيني يا نوح وماما يا أخويا قلباها مناحه هناك وعايزة نوح هاتلي نوح 
كملت پغضب مصطنع _ خاېفه عليك حتى وأنت شحط كبير على إيه يعني
ضحك _ أعترف إنك بتغير مني يا رحيم كمل كلامه بهدوء وحزن_ بس حتى بعد اللي قولته لسه بتحبني  
فهمت قصده ورديت عليه وأنا بحط ايدي على خده 
_ بتحبك لسه علشان أنت حته منها يا نوح وبعدين هي أخدت حقها لما سلمت على وشك
ضحك بصوت عالي وهو بيحط ايده على خده وبعدها اتكلم 
_ مين يصدق مضربتنيش وأنا عيل تضربني وأنا راجل والله عيب بس أنا استاهل أكتر من كدا والله
بعد وقت كنا وصلنا قدام البيت بابا بيشجعني