اسكريبت بقلم مي محمد

اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ
_________________
ملهاش مخرج تاني يامي.
وجهت نظري ليها بقلة حيلة وأنا بقول
كلمي.
ضحكت بمرح
يابنتي متبقيش متكدره كدا عادي دلوقتي الفود بلوجر هما ألي بيعملوا سعر للمطعم ويعتبر خطوه ماركتينج مش هينه شغليلي دماغك كدا.
جوابتها بستنكار
ألي بيعمل سعر ل أي مطعم الجوده والطعم والتقديم والمعامله غير كدا لا.
كملت بغيظ
هو أينعم ماركيتنج بس أنا مش مقتنعه بفكرة إني أجيب واحد أكله ببلاش وبعدين ياخد مني فلوس تاني علشان يقول كلمتين إيه الشغلانه دي بجد!!

هزيت رأسها بنفي
جبريل الهلالي بيدفع ثمن أكله وبياخد منك ثمن الإعلان ألي هيعملوهالك بس.
بصتلها بنتباه
أحلفي.
ضحكت
اه والله.
بصيت حوالي وبعدين قولتلها
هاتي الأكونت بتاعه كدا.
قربتلي بخبث
ليه ياهانم
جوابت بتوتر
عادي هشوف بيقول إيه في الرفيوهات مش أكتر!
رجعت ضهرها لورا وهي بتضحك
تشوفي الرفيوهات قولتلي!
ضيقت عيوني بغيظ
بت قومي من خلقتي كدا.
أخدت الفون وطلعت البيدج بتاعته وبعدين قامت
هكلمه أظبط معاه معاد.
ضحكت قبل ما تمشي وهي بتقول بتلاعب
الرفيوهات هتعجبك أوي ياميوي.
كنت هحدفها بالطبق ألي قدامي بس أفتكرت إنه غالي بصيت علي المحل بصه أخيره قبل ما أقفلوا وأروح.
بكل بساطه أنا مي بلطش في الدنيا بما في الكافيه علشان أخرج منها وأنا ناجحه وأسمي سايب أثر طيب بعد ما أتخرجت ملقتش شغل مناسب كلها مرتبات تجيب الضغط لذالك أخدت الريسك وفتحت مطعم أنا وليلي أختي بما إننا شاطرين في الطبخ بس زي أي بدايه مشروع منجحش أوي والمكسب يدوب علي قد الأيجار فاقرارنا نجيب فود بلوجر بما إنهم بقوا موجودين بشكل ملحوظ وان شاء الله ربنا يجعله سبب في فتحت خير أكبر لينا.
_________________
صليت العشاء وبعدين قرأت الأذكار وسورة الملك وأول ما خلصت فردت ضهري علي السرير وفتحت الفون علي صفحته
أحيه هو دا!
قولت كدا بعد ما شوفته شاب أسمراني طويل شعره كثيف وأيدا إيه قله الأدب دي قفلت الفون وأنا بستغفر
أول بصه مش محسوبه لكن أكتر من كدا هنعك خرجت من البيدج كلهاوأنا بقول
مي أتظبطي ياماما أتظبطي.
نمت وبصراحه هو أحتل جزء صغنون من تفكيري بس عادي يعني مجرد فضول!
______________
دخلت بتصرخ بفرحه
جاي كمان ساعتين يامي جاي.
بلعقت ريقي بتوتر
إيه السرعه دي!
رديت بغرور
مش فولتلك محترم.
هزيت رأسي بموافقه وبعدين قولتلها
طب تعالي نظبط الدنيا بقا علشان يجي يلاقي المكان كويس.
وفي خلال الساعتين كنت بشيك علي كل شئ بخصوص المطبخ وليلي في الديكورشين لحد ما سمعت صوته وأنا جوه
السلام عليكم ورحمة الله وبركاته.
ليلي رحبت بي وأنا طلعت بهدوء ورزانه
نورت المكان يا أستاذ جبريل.
رفع عيونه ليا هو أنا قولتلكم إنها عسلي 
منور بيكم يا أنسه مي.
أبتسمت بهدوء وأنا بقعد جمب ليلي
شكرا لذوقك تحب تبتدي ب إيه
فحص المكان بعيونه وبعدين بص لدزاين المنيو
المكان كا ديكوريشن جميل اللهم بارك.
أبتسمت بفخر وأنا بضم أيد ليلي وبرد
ذوق ليلي.
علشان كدا