أين إنت وأين أنا منك بقلم مي محمد*
"اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ"
_____________
-نتكلم بالعقل والمنطق.
بصتلهُ
-أنا لا أعرف عقل ولا منطق.
-طب أنتِ عايزه إيه دلوقتي؟
-زي ما جبت كيلو بسبوسه، تنزل تجبلي الي طلبتوا.
أتكلم بزهول
-يعني قولتي عايزه حاجه حلوه جبت بسبوسة، ليه النكد ليه ياماما؟
قومت وأنا سانده بطني ب أيدي
-تجبلي ورد مش تجبلي بسبوسه.
راح أخد علبه البسبوسه
-خلاص تمام، هاخد البسبوسة وإياك تيجي جمبها.
هزيت راسي بموافقه
-تمام أنزل هات الورد.
نزل بغيظ وأنا فضلت ماشيه بحاول ألهي نفسي من ألم بطني وقفت قدام ورده رغم إنها نشفت ولونها أتغير إلا أني لسه مُحتفظا بيها.
_____________
دخل البلكونه بعد ما ماما قالتلوا إني فيها.
-ميوي.
وجهت نظري لي بحب
-أنت مش كنت مشغول مع العمال في الشقه!
سند أيدهُ علي سور البلكونه بعد ما وقف جمبي
-وحشتيني،فاقولت أجي أشوف الي مغلبه قلبي.
قربت المسافه ألي بينا وسندت راسي علي كتفوا وأنا ضما
-معقول أنا قدرت علي قلب الهلالي؟
طلع الورده من جيبوا
-دا أنتِ مش بس غلبتي دا أنتِ جبتي أرض.
أخدت الورده وأنا ببتسم لي
-هنوفر في كل حاجه ألا الورد.
ضحكتلوا
-ياولاه بحبك.
_______________
فوقت من الذكري دي على صوت مفاتيحوا في الباب، دخل وهَو مُبتسم
-مش عارف أزاي بجيب ورد لورد والله!
-مش هتثبت وزعلانه إنك مبقتش تجبلي ورد.
ضحك أكتر وهو بيقرب يقعد جمبي
-ما هو لو حضرتك تبطلي تتفرجي علي فيلم أحلي الأوقات الدنيا هتتظبط.
ضحكت لضحكتوا
-عايزه ورد ياجبريل.
قدملي ٤ وردات بنفس اللون ألي بحبوا
-ميوي تؤمر.
ضحكت وبعدين بصتلهُ
-والبسبوسة قوم هاتها كدا.
أتكلم وهو باصصلي بطرف عيونهُ
-مش هتيجي جمبها يامي.
-قوم هاتها ياجبريل.
-ربنا علي الظالم ياشيخه.
ضحكت وبعدين برقت بۏجع
-جبريل!!!
لفلي بخضه
-في إيه مالك؟
صړخت أكتر
-أنا شكلي بولد.
أتحرك بتوتر
-قعدتي تقولي ورد ورد، أدي لا فيها ورد ولاغيرو.
شديتوا من لياقه القميص وأتكلمت بۏجع
-ملكش دعوه بالورد فاهم؟
بصلي بزهول
-أنتِ في إيه ولا في إيه؟
-هتبطل تجبلي ورد صح؟
شالني بعد ما لبسني الأسدال ونزلني العربيه
-لا هجبلك ياحبيبي أهدي بس.
صړخت بۏجع
-أحلف.
ساق وهو بيستغفر
-الصبر يارب.
_____________
أين أنت وأين أنا منك.
#مي_محمد
#حواديت_جبريل
