اسكريبت بقلم مي أيمن

كان
قاطعني_مش إبنك أنا عندي 28 سنة يعني أكبر بكتير من إبنك دي. 
ضحكت فلما لقيته بيبصلي بعصبية سكتت واتكلمت _بيقولي انه عاوز يتقدم لسهيلة. 
بدء يهدا شوية وكمل بحدة_وإنت خاطبة يعني ولا إيه ولا ولية أمرها مش فاهم. 
_لاء بس أقرب واحدة ليها هنا وهو كان حاسس انها بتحب حد تاني أو مش طيقاه عشان هي عبيطة وبتحبه بس مدياله وش خشب عشان خاېفة تبينله. 
_برضو يسأل اي حد غيرك. 
ضحكت_إنت بتغير والله بتغير. 
_ايوا بغير عندك مشكلة 
_اممم انت عارف اللي بيغير دا بيكون إيه 
_بيكون بيحب 
وقفت بخضة من على الكرسي هو قال كدا بجد 
قام وقف وبدء يقرب مني _شوفتي بقى عملتي فيا إيه 
رجعت لورا وأنا مخضۏضة وبحاول اخد انفاسي_معملتش حاجة 
_لاء عملتي كتير. 
فضلت ارجع لحد ما وصلت للباب وافتكرت انه قفله _افتح الباب طيب. 
_مش عاوزة تعرفي عملتي إيه 
_يوسف افتح طيب الموظفين هيقولوا إيه 
_هيقولوا إيه كل الناس عارفة إن إحنا متجوزين ماعدا إنت باين. 
_طيب قول. 
_طيب عدي معايا واحد خلتيني مش بسيب ولا فرض في المسجد وعودتيني على القيام خدتي بأيدي لربنا يا مي اتنين خلتيني اهتم بشغلي أكتر وأكبر إسم الشركة وأكون إنسان مسئول تلاتة خلتيني اتوب من علاقتي بتقى لما قولتيلي وإحنا في العربية في نص كلامك شيل شيلتك ووقتها حسيت قد إيه أنا مذنب وفعلا مش قد الشيلة دي أربعة خليتي قلبي يدق بجد مش يستعبط ويعيش في وهم خلتيني أفهم يعني إيه حب حقيقي نقي ونضيف وحلال. 
كان بيتكلم وأنا دموعي بتنزل فمسح دموعي واتكلم_مش عاوز اشوف دموع تاني أبدا أبدا.
هزيت راسي وأنا بضحك وبمسحهم_حاضر. 
_ممكن اخد حضڼ 
بدون تفكير رميت نفسي لحد ما لقيته بيبصلي وبيضحك _عاوز اسمعها للمرة التالتة. 
_هي إيه دي 
بصلي بخبث _إنك بتحبيني. 
_دا على أساس إنك سمعتها مرتين قبل كدا 
_آيوا مرة لما كنت نايمة على الكنبة تعبانة بعد ما عملتلك كمادات الشاي وقولتيهالي بنوم. 
قاطعته _ثانية بجد قولت إيه! 
_قولتيلي أنا بحبك أوي يا رب تحبني ربع الحب اللي بحبه لك بس. 
_إنت بتتكلم جد! 
_والله. 
اتكلمت بعصبية_والمرة التانية 
_أحم دي من فترة مش كبيرة لما كنت فكراني نايم وقولتيلي بحبك حب لو اتوزع على الناس هيتبقى منه.
خلص كلامه وهو بيبتسم إبتسامة بلهاء مستفزة فضړبته في كتفه_إنت مستفز على فكرة.
_عارف آه بس بحبك.
قلبي دق پعنف أنا مش قد كدا والله ممكن أقع! هو بيقولها حلوة كدا ليه!
_طب أنا عايزة اخرج اتفضل افتح ورايا شغل.
_مفيش خروج قبل ما تقوليها.
_اقول إيه أنا!
_طب بتحبيني من إمتى
اتنهدت_من زمان من قبل حتى ما بابا وماما يتوفوا من لما كنت بتيجي عندنا في ثانوية عامة حتى لما دخلت الجامعة وبطلت تعبونا كلنا ولا حتى ماما الله يرحمها كنت بتابع اخبارك عن طريق الفيسبوك وبستنى من خالو اي كلمة عنك.
اتتهدت ودمعة نزلت مني وأنا بكمل_لما ماما وبابا عملوا الحاډثة توقعت وقتها إنك هتيجي مع خالو وتكون جمبي بس دا محصلش جيت بعد ما عرفت إنهم اتوفوا بس حتى مجيتش قولتلي البقاء لله كنت واقف زي الغريب بالظبط مع إنك شايفني مڼهارة في حضڼ خالو خالو الله يرحمه كان سندي ولأننا قربنا من بعض اوي اكتشف من طريقتي وأسئلتي الكتير عنك حبي الكبير ليك.
_وعشان كدا اشترط اني اتجوزك عشان الورث
_دا اللي استنتجته لما عرفت أنا والله اټصدمت بالوصية زيي زيك عرفت انك على علاقة ببنت من زمان من الجامعة اليوم دا كان قلبي متفتت وأنا بتخيل كلامكم هزاركم قعدتكم سوا إفتكر يومها معرفتش انام واوجاعي كلها اتقلبت عليا حسيت اني محتاجة حد اترمي في حضنه وحتى خالو راح لحد ما بعدها بفترة لقيتك جايلي وإنت مش طايق نفسك وبتقولي على الوصية.
اتكلم_إنت إزاي وافقتي بعد كل القسۏة اللي كنت شيفاها مني دي يا مي! دا إنت مشوفتيش مني شيء عدل!
_حلمت بيك قبل ما تجيلي بيوم كنت بتطلب مني امدلك ايدي واقومك كنت في مكان ضلمة وزي ما يكون واقع في حفرة كبيرة لما جيتلي حسيت انها كانت إشارة وأنا عارفة إن جواك خير قولت اجرب كدا ولا كدا أنا قلبي معاه لو ظبطت معايا ابقى كسبت قلبي وقلبه ولو مظبطتش ابقى عملت اللي عليا وعيشتلي كمان كام يوم على وشه.
_أنا
فعلا كنت في الضلمة يا مي وإنت كنت نوري أنا دلوقتي بقيت مستعجب أكتر مش عارف انا عملت ايه حلو في حياتي عشان ربنا يكافئني بيك والله ما عارف بس أنا مستاهلش كل دا أبدا! 
_متقولش كدا إنت جميل وتستاهل أكتر. 
_تسمحيلي اعوضك عن كل اللي فات دا وأكون أهلك وعيلتك وكل حاجة. 
ابتسمت_إنت أصلا كل حاجة أنا بحبك حد السماء. 
_mai ayman