بقلم حسنية محمد

حتى الچروح القديمة لسه موجودة!
طلعت النوت وابتديت أكتب..
هيجمعني بيك قعدة لعلتين هتمسك ايدي ف وجود مأذون هتسمع مني أحن كلام ف وجود قسيمه وشقة وباب مدارينا هزعل منك وأتراضى بيك يمكن نتقابل صدفة ويمكن تيجي البيت وأنت سامع عني خير يمكن جوازة صالونات ويمكن عافرت عشان توصل فعلا بس المهم إنك جيت والأهم إني هحبك.. مش هسألك على ماضي ولا كلام قديم ولا فترة مراهقة ولا خذلانك من حب فات هتعرف مني عني مش هتسمع من برا هعيش معاك دور الأميرة ومن حقك تكون أمير.
هتطمني ولا هتهد فيا حيل جديد هتمسك ايدي وتعدي بيا ولا هتعدي عليا بذكرى جديدة هتشوفني إنجاز وتعافر كما الروايات ولا جاي تملي شقه بعروسة والسلام 
صدقني أنا حاسة پخوف من دلوقتي بجري في سباق بقالي سنين وكل اللي حصدته رسالة بكتبهالك وبتمنى فيها إنك تكون غير 
معرفش امتا هاتيجي أو ايه الظروف اللي هقابلك فيها بس اللي متأكدة منه إني ماعنديش طاقه أحبك حاليا 
جوايا فصول حكاية بس النهاية انت
جوايا أنت على شكل أمنية فياريت متأذنيش صدقني حيلي بقي أضعف من إنه يتحمل أي نغزة ألم تانية.
يا صاحب الوصل قد بت البارحه أبكي أمازال وصلك بعيد!
عملت ايه لما قرأت المرسال
مبينتش أي رد فعل أو يمكن تكون عرفت متبينش أى حاجة قدامى.
عايز بس إشارة يا علا اشارة واحدة تخليني أعرف أروح أي طريق بالضبط بدل ما أنا واقف محلك سر كده!
أنت بتحبها بجد ولا مجرد إعجاب
أنت بتهزرى صح! لسه بتسألي السؤال ده! أنا عديت مرحلة الحب خلاص.. أنا بعشقها فى فترة الثانوي كنت بقول مجرد اعجاب واهي فترة وهتنتهى لكن أنا تعبت نفسيا وجسديا ودخلت فى فترة اكتئاب لما عرفت إنها مخطوبة وأنت كنت موجوده وشاهدة على اللى حصلي وقتها قلبى وجعني عليها وقت الحريقة اللي حصلت في بيتهم القديم كان نفسي يكون ليا الحق وقتها إنى أخدها فى حضڼي لكن لما كنت بفتكر إنها هتكون فى عصمة راجل غيرى كان قلبى بيوجعنى أوى أنا آه فرحت لما هى فشكلت مع خطيبها ويمكن تكون بتحاول تنساه زى ما بتقول بس عندى احساس انها لسه بتحبه أو كانت بتحبه فعلا مجرد الفكرة بس بتتعبني حتى لو هى مبقتش بتفكر فيه لكن فى ذكريات أكيد بتخطر على قلبها وتفتكره.
خد خطوة واتقدملها يا بني.
خاېف.. خاېف تكون لسه بتفكر فيه ووقتها هتكون كل الحلول عندى انتهت ومش هقدر أعمل حاجة.
لازم تاخد خطوة يازين هى مش هتستناك العمر كله وبعدين هى أصلا متعرفكش الحب عمره ما هيكون بالمراسيل ولا بالورود أنا عارفة إنك تعبت جدا عشان تلاقي شغل وتتقدملها ولما لقيت الشغل لقيتها اتخطبت بس الحمد لله محصلش نصيب وأكيد ربنا عمل كده عشانك علشان أنت كنت واثق فى ربنا وكنت بتدعيه دايما رغم إنها كانت اتخطبت لكن كان عندك يقين فى ربنا وربنا جبرك اهو أنت عليك دلوقتي خطوة واحدة بس وهى إنك تتقدملها.
رأيك كده يعني
أيوا يا عم العاشق رأيي كده وبعدين هى هتلاقي أحسن منك فين بس يا عم الشاعر ياقمر أنت.
زين بإبتسامة أعتبر دى معاكسة بقا!
علا بضحك والله أنا معتبراها كده أنت ايه
بتعاكسي واحد أعزب وهيخطب قريب!
عادى.. واحدة وبتعاكس أخوها فيها ايه يعنى!
زين بضحك خدى راحتك اليومين دول عشان بعد كده أروى هتكون موجودة وأكيد