رواية في عشق طبيبة

يا سليم معلش خلى لطف معاك لحد ما نرجع
بص بزهق طيب يا خالتو
بتنبية سليم خد بالك من لطف مش هقول تانى
ببرود قولت حاضر يا خالتو ..
تمام تسلم يا حبيبى .. مدت أيدها بخمسين جنية خد علشان لو احتاجت حاجة .
دفع أيدها ناحيتها وهو بيقول لطف زى اختى الصغيرة أنتى كدا بتعملى فرق بينى و بينها يا خالتو .
ضحكت تقبرنى عيونك الزرقة يا ولد اختى

صوت مامة سليم مايسة يلا يا فاطمة هنتأخر !
فاطمة مامة لطف جاية يا حبيبتى اهوة
بعد ما كلوا مشى ..
لقيتة داخل الصالة وقعد جنبى .. بصلى بزهق تاكلى 
هزيت راسى ب لا
خد راحتة فالقاعدة وهو بيفتح التلفزيون و بيجيب قناة تعليمية .. وقالى لما تجوعى قوليلى ..
قولت بسرعة حاضر .
ازيكوا أنا لطف ٨ سنين قصيرة سيكا و نحيفة زى عود الكبريت بس شقية و بعمل حوادث مسمينى فالبيت لولو حوادث فماما الله يباركلها لما لقت أنها هتسبنى لوحدى فالبيت لأنها رايحة مشوار مهم مع خالتو .. جابتنى هنا اقعد مع سليم أبو عيون زرقة .. أنا بجد بحبة أوى
عندة ١٣ سنة .. طيب و حنين بس ميبانش علية خالص اسمع ماما بتقولى علية أنة عيل بارد و مش بيفرق معاة حاجة .. بس أنا بحبة اصلا علشان هو حلو و حنين
بعد ساعة كان سليم نام وهو قاعد عالكنبة مسكت الريموت من ايدة و جبت قناة الكرتون بعد معاناة ..
مرة فى حينا زارنا فيل ظريف .. برفق قال لنا ليس هنالك ما يخيف 
نحن الخير بطبعنا لا نرضى ظلم الضعيف. . لا يحيا بيننا إلا الإنسان الشريف 
الله ! باااابار فييل شغاال !
قام مڤزوع و بصلى پغضب بلعت ريقى و حاولت ادمع بأى طريقة علشان اصعب علية صحيح هو حنين بس لما بيتعصب بيبقى وحش بس أنا كمان ببقى عايزة اهدية علشان يرجع حلو تانى
سليم پغضب بتصرخى كدا لية يا لطف كنت ھموت !
لطف آسفة يا سليم .. بس لقيت كرتون ففرحت و محستش بنفسى و أنا پصرخ
ملامحة اتعدلت تانى وهو بيقول اعملك حاجة 
فضلت افرك فطرف الفستان بتاعى و أنا باصة فالارض و كانت خدودى مدلدلة من وشى ..
سليم بلطف عايزة حاجة يا لطف 
بصيت لية وقولت بسرعة ادخل الحمام .
رفع حواجبة و كان هيضحك ربعت ايديا عايز تضحك لية هو أنت مش بتعوز تروح الحمام !
قالى لما أنتى عايزة مقومتيش روحتى لية 
لطف قولت اقولك
سليم البيت بيتك يا لطف .. روحى
روحت الحمام وأنا حاسة أنى متضايقة سيكا بس نفضت افكارى ولما جيت اخرج ش ش شوفت ص صرصاااار !
صړخت بعلو صوتى و أنا حاسة أنى مشلۏلة ! كنت خاېفة أوى اكمن عندى فوبيا من الحشرات !
سليم جة وقف عالباب من برا وهو بيقول بخضة فى أية يا لطف 
لطف پخوف شديد ص صرصاار يا سليم تعالى مۏتة بالله عليك
اتنهد وهو بيقول ما تطلعى هو هياكلك يا حبيبتى 
لطف علشان خاطرى متسبنيش يا سليم أنا خاېفة أوى
وبعدها عيطت جامد أوى و الدموع كانت حامية أوى
سليم ادخل يا لطف 
لطف ا ا اه
دخل و كان الصرصار مش بيطير الحمد لله داس علية بالشبشب إلى كان لبسة لحد ما ماټ و أنا جريت على برة
لما أتخلص منة قرب منى و قال أنا آسف
نطيت علية وقعتة عالأرض وأنا بقول بعياط كنت خ خاېفة أوى
لقيتة اتعدل و قالي مټخافيش يا لولى .. أنا معاكى
مش بقولكوا حنين 
عدت السنين و مشاعرى نحيتة بتكبر اكتر من مجرد انسان بستريح معاة لانسان عايزة اكون أنا الراحة بالنسبالة .. لأنة مهم جدا لأنة قريب من قلبى جدا
و الموقف دا هيفضل من اقرب اللحظات لقلبى .. لأنة اكتر وقت كنت قريبة فية من سليم .
لحد ما جت نتيجة الثانوية العامة بتاعتة وكنت قاعدة جنبة بنجيبها سوا
سليم بيهز رجلة بتوتر هو الموقع بطىء كدا لية !
فاطمة بحنية علشان الضغط علية بس .. أهدى إن شاء الله خير
مايسة متخافش يا حبيبى هتبقى حلوة
لطف بصتلة بلمعة عين أنا واثقة فيك ..
وفجأة الموقع فتح و النتيجة ظهرت 
سليم البكرى ٩٨٪ ! 
دى كانت اكتر من التوقعات .. بس أنا مكنتش متفاجئة لأنى بثق فية اكتر من اى حد ..
و قبل ما اتكلم لقيتة كان بيعيط و دموعة نزلت على كتفى .. فعصنى حرفيا كأنة كان بيخرج حمل السنة كلها 
سليم بخفوت عملتها .. نجحت هبقى دكتور و اعالج الناس !
اد أية كان طيب .. وجميل بس محدش بيشوفة كدا إلا أنا
وعلشان ابقى معاة قررت اركز فدراستى اكتر و اجتهد و بفضل ربى جبت مجموع طب و حصلتة 
بعد سبع سنين
فى حفل تخرج سليم كنت أول الموجودين طبعا وبصفتى دكتورة زية .. كنت بساعدة

فكل التجهيزات للحفلة
وفجأة شوفت بنت ماسكاة من ايدة واخداة مكان بعيد .. الډم غلى فعروقى و ..
يتبع
لقيت بنت بتسحبة من ايدة اتسحبت وراهم و أنا الډم بيغلى فعروقى .
سليم اخدمك فحاجة يا زينة 
هزت راسها يمين و شمال و هى شوية و أيدها هتتهرى من كتر الفرك بصتلة برعشة من توترها الواضح و قالت أنا بحبك من أول يوم فالجامعة يا سليم ٧ سنين قلبى مش راضى يحل عنك سبع سنين قلبى فى حيرة و ۏجع لأنك مش دريان بيا سبع سنين من تأنيب الضمير كل ما اشوفك . سبع سنين و أنا مستنية اللحظة دى قولتلك دلوقتى لانها آخر مرة هنشوف فيها بعض و علشان مندمش بقية عمرى ..
أنا _ك لطف _ لو حد قالى اعتراف زى دا هقف جنبة زى المشلۏلة حتى لو كنت بحبة .. الموقف بقى محرج أوى
بتسألونى ايش درانى أنة مش بيحبها 
علشان سليم لما بيتضايق أو بيتوتر بيمسك طرف قميصة دى عادة فية من وهو طفل .. ودلوقتى أنا شايفاة شوية و هيخلع قميصة من كتر الانزعاج .
ابتسمت بخبث وأنا سامعاة بيقولها بجمود آسف يا زينة أنتى زى اختى .
زينة بحسرة ك كنت عارفة .. ا أنت أكيد عندك حد فحياتك .. يقدر يغنيك عن العالم .
على قد ما كنت فرحانة لأن احساس الخطړ زال عن حبيبى سليم .. بعيد عنكم كنت حاسة أنى بغرق وأنا حساة هيضيع من أيدى على قد ما كنت مشفقة على البنت دى لأنها الواضح من القلائل إلى شافوا الحلو فسليم 
سليم بثقة لا .. أنا عمرى ما حبيت
زينة بتساؤل حتى البنت إلى مفارقتكش من الصبح دى !
سليم بنفس النبرة دى بنت خالتى مفيش فرق بينها و بين اختى الصغيرة .. دماغها دماغ طفلة فى ابتدائى و استحالة افكر فيها بالشكل دا
بقولك كدا علشان تعرفى أن قرار رفضى نابع من أنى شايفك كدا مش علشان حياتى مليانة ..
الجملة دى زعلتنى اوى يعنى هو شايفنى كدا !
دماغى دماغ طفلة شايفنى لا أصلح أكون حبيبتة 
هو مفكرنى بنتة إبن الحلوة دة 
ماشى يا سليم أما وريتك ! 
طلع قلم من جيبة و اداهولها كان قلم غالى و قال بابتسامتة إلى مش بتطلع إلا كل فين وفين خدى دا هدية منى و اتمنى أنك متزعليش ولا تاخدى على خاطرك منى .. الامور دى قسمة ونصيب
هزت رأسها و هى بتاخدة منة وارتسمت عل ثغرها ابتسامة بلهاء كنت هطق وأنا واقفة بالله
لما مشى فضلت واقفة و بحاول ادارى نفسى لقيت إلى بيشدنى من أيدى
زينة أنتى لطف مش كدا 
هزيت رأسى بخجل ا أنا كنت عايزة اسألوا على حاجة و ج
قاطعتنى مش مشكلة ..
بصتلها وأنا موسعة عينى زى الاطفال لما يحبوا يتلمقوا حد فلقتها بصتلى و قالت بتردد أنا هسافر مع والدى امريكا و مش عارفة هقعد أد أية فينفع اطلب منك طلب 
لطف ا ا آه طبعا
زينة خدى بالك من سليم خلية يفضل زى ما هو كدا .. علشان ابقى مطمئنة علية أنا عارفة أنى جريئة شوية بس سليم عامل زى الادمان متقدريش تبطلية كل إلى أنا عايزاة انك تبقى معاة و تساندية و تدعمية و دائما خليكى معاة يا لطف .. خلية نفس الإنسان إلى أنا حبيتة
لطف بسعادة كنت هعمل كدا على كل حال ..
حطت أيدها على كتفها و قالت بدموع شكرا ..
مساء اليوم كنا كلنا عند خالتو خالتو حلفت لاحنا بيتين معاها علشان اتأخرنا سيكا .. قلبى كان طاير من الفرحة أول مرة ابات عندها بعد الموقف اياة
وفجأة ..
سليم لطف تعالى كدا
لطف فثوانى بقت عندة نعم 
سليم بلغبطة كان ماسك فستان بإيدة ا أية رأيك فالفستان دا
لطف بمرح الله جميل أوى .. لخالتو 
سليم عاجبك يعنى 
لطف بسذاجة آه .. بس معتقدش هيعجب خالتو أصلها مش بتحب اللون الأحمر
سليم دفع الفستان ناحيتى خدى دا علشانك
لطف بعدم استيعاب أية الى عشانى الفستان !
هز راسة بارتباك .. قولت اجيبلك هدية يوم تخرجى انتى اكتر حد تعب معايا ووقف جنبى و ملقتش انسب من الفستان دا ..
لطف باندماج لية 
سليم قولت فيوم تخرجى اجبلك فستان تلبسية فيوم تخرجك .. افتكر أنك بتحبى الحاجات دى 
لطف حاجات أية 
سليم يعنى .. حاجات أفلام الكرتون دى
لطف اتنهدت و بصت الفستان بإعجاب عموما أنا متشكرة أوى يا سليم شكلة تحفة فردتة على جسمها شكلة حلو عليا 
سليم آه شكلة جميل
كل ما آجى عند خالتو فية حاجة مميزة تحصل .. يكون سببها سليم ولا الحاجة المميزة بتحصل علشان سليم موجود ايهما اقرب 
عدت السنين .. لحد ما اتخرجت وطبعا منسيتش البس الفستان لما شافة عليا ابتسم بانشكاح حسيتة فرحان ودى حاجة مبتحصلش

كتير فى العموم فكانت ذكرى لطيفة فى يوم مميز زى دا ..
لله الفضل من قبل ومن بعد اتعينت مع سليم فنفس المستشفى مستشفى خاصة و روحها حلوة كدا .. جوها مش كئيب زى مستشفيات كتير .. وطبعا اتعرفت على دكاترة كتير هبقى اعرفكوا عليهم بعدين ..
علشان فية ذكرى أهم كان شفت مسائى على ما أذكر .. وأنا استغليت فرصة إن سليم خلص إلى فإيدة وقاعد يشرب قهوة علشان يفوق علشان اقعد معاة
فى مكان آخر .
ماردلين متقربش ابعد عنى يا !
أمين بقرف أنتى شربتى تانى ! والله لوريكى يا بنت !
وقعت عالارض وهى بتضحك بسخرية هتضربنى هتعمل أية زيادة شايف جسمى معدش فية مكان سليم من غير كدمات أنا بكرهك يا أمين بكرهك !
قرب منها فحدفت التراب إلى جابتة من على الارض فعينة وقامت جريت .. المستشفى كانت قريبة على كل حال
فى المستشفى .
لطف بس أنت مجتهد أوى أنا لو اشتغلت فترة طويلة بتعب جامد
سليم