جبروت الحموات

كارهك
_كلامك بيقول كدا
_لا يا ساجده انتي عارفه اني بحبك اد ايه ومااقدرش اعيش مع غيرك بس ان انتي كل شويه تقولي مامتك عايزه تزوجك دا ببضايقني ماما مش هتعيش مكاني ولا هتتحمل اللي هتحمله طب تعرفي انا عندي صديق في الشغل اتزوج من اربعه وكل مره يقول ان زوجاته هما اللي مفيش عندهم قدره علي الإنجاب لحد ما اتزوج الرابعه وكانت قاصر وبردوا حصل معاها نفس الشيء ولما راح للدكتور قال ليه ان عدم القدرة دا منه هو طب هيطلقهم الاربعه عاش معاهم ودلوقتي بيتمني لو يرجع بيه الزمن عشان يفضل مع زوجته الأولى بس لان طول الوقت حاسس بظلمه ليهم

_طب ليه مرحش راح لدكتور من الاول
_عشان مامته كانت كل مره بتشجعه ان هو مفيش فيه اي عيوب
_اكيد دلوقتي هي حاسه بذنبه صح
_الله واعلم المهم اطلعي جهزي الفطار لان انا كمان ما فطرتش و اه بعد كدا يا مدام لازم تتغذي كويس وتتسحري عشان مايجيش ليكي هبوط وتروحي مني وغمز ليا
فريد دايما كدا بيقدر يراضيني بكلامه ويخفف اللي مامته بتعمله فيا
في نفس الوقت دا شوفت خيال مامته واقف علي الباب بتسمع بنقول اي واكيد بتفكر ازاي كلامها ما عملش مفعول ولا قدر يقصر عليه لكن هي ما تعرفش ان ربنا بيقف دايما مع المظلوم
ضحكت بصوت عالي وهو استغرب وسأل عن السبب لكن قولت ليه ان افتكرت حاجه كدا وسبب ضحكي عشان ادايقها مش اكتر
طلعت عشان اجهز الفطار بعد ماشربت من الميه اللي علي السفره دخلت المطبخ لقيت حماتي بتحط ماده بيضاء مطحونه في الاكل
وبتحط اقراص ادويه في الميه اللي في الثلاجه وبعد ما خلصت قالت والله ما اخليكي تتهني بيه يا ساجده يابنت دعاء
فضلت افكر اي الماده دي وليه هي بتحطها وليه في الأكل
لقيتها خلصت وخارجه واول ما شافتني ارتبكت
ايه دا يا ماما اللي بتحطيه في الاكل دا
بعملك عمل يا روح امك كان نفسي اشوفه وهو واخدك من شعرك كدا وطاردك برا لكن نقول ايه متزوج من عقربه بس بتتلون