اسكريبت شيق
كده بس انت عصبتني في النقاش فقولت الكلام ده لما جبت اخري ومش جايه اعتذر عشان كونك مديري في الشغل أو ممكن ترفدني فعشان الحق نفسي..بعتذرلك عشان كوني انسانه بطبيعتها مبتحبش تضايق حد بأي كلام وخصوصا لو في نقاش حاد قومت من علي كرسي رغيت كتير انا عارفه بس حضرتك حاول تتجنب العسر في أي شئ وكل حاجه هنا هتبقي تمام عن اذنك.
شكرا علي القهوه..
بلبن.
حط ايده علي شعره واتنهد
واناسف عشان صوتي علي عليك.
يعني اتصافينا كده خلاص!!
من الشغل للبيت ومن البيت للشغل أو عادي من الشغل لعربيه سيف اللذيذه وهو بيوصلني بيها ويطلع يقعد شويه مع بابا ويونس وكالمعتاد يهزرو سوا ويتكلموا وبعدين يجي يمشي فماما سبحان الله تفتكر أن فيه عشا وتحلف عليه وهو عشان محقق تارجت البجاحه بيقعد وكمان بيطلب مني اعمله شاي! اصل انا الخدامه بتاعته باين.
هو امتي الإنسان هيجيله انسان ينتشله من هم الشغل والحياه ويخليه مرفهه بجد.
ضيقت عيونها وبصتلي
اومال مستر سيف ايه ده..بيبع مخلل وانا معرفش.
يا الله هو عشان بيوصلني لما بنتقابل صدفه يبقي خلاص انتشلني من الهم !
صدفه بردو
شديت الكرسي بتاعها بسرعه ناحيتي وقربت منها
تصدقي لو مسكتيش دلوقتي هزعلك و..
بصت وراها پصدمه فبصيت انا كمان فلقيته واقف مبتسم
يييي مستر سيفشرفتنا والله.
ايه اللي كنتي بتعمليه ده
ابتسمت
ابدا كنت باخد رأي مي في حاجه كده بصتلها مش كده يا مي يا حبيبتي
ايوه يا حبي بجد.
طيب فاضيه
اه خلاص قربت اخلص.
تمامخلصي بسرعه ومستنيكي في العربيه.
هو هيخطفني ! طب هيعملي مفاجأة ويخطبني طب هو ساكت ليه وبيبص كده ليه طب اصوت ولا انط من العربيه واموت نفسي والبسه مصېبه والله حتي ما يهون عليا الكاريزما ده اجبله مصېبه بسببي.
حضرتك جبتنا ليه هنا
قعد علي المقعد
ما بلاش حضرتك كل خمس دقايق دي قولي سيف عادي زي ما بتقوليها في البيت عندكم.
لأ عندك في دي بقولك سيف بيه.
نمشيها بيه لكن حضرتك دي بحس اني راجل عجوز ولازم تحترميني.
يعني انت مش عايزني احترمك!!ده انت غريب بجد.
ضحك احترميني بس مش كل ثانيه حضرتك.
هو احنا جينا هنا ليه بقي
عشان قررت احكيلك.
كلامه استوقفني فبصتله وثبت عيوني عليه.
ومين قالك اني شخص بيسمع الناس كويس
وارد أن ممكن مش بتسمعي لحد بس انا متأكد انك هتسمعيني.
ابتسمت بهدوء علي ثقته وأنا لا يمكن اخيبهاله.
اتفضل.
بصلي بأمتنان واتنهد
وعيت علي دنيا وانا كده محدش علمني الصح من الغلط متقليش ولا اتوجهت زي اي طفل أن الحاجه دي صح او دي غلط او كل حاجه وليها حد معين طفل كل طلباته جاهزه لما بيغلط مبيلقيش حد يوقفه طفل متمرد وعنده عصبيه زايده كل ده ومن صغري وبكبر علي اساس ان ده الصح ما دام لسه محدش عنفني علي كده او بالأصح محدش يقدر...بتعصب وبشخط وبنطر في أي وقت وكبرت وانا كل يوم بحس بفجوه كبيره بيني وبين اهلي وبين صحابي وبين الناس.
سكت وبصلي فقررت اشجعه أنه يكمل ومبيخفش
كلنا عندنا اخطاء وسلوك غلط بس كويس انك عرفت ده وتقبلته بجد كويس خطوه حلوه.
ابتسم وبص قدامه وكمل
مبعرفش اتعامل مع الناس ولأعرف ايه الكلام اللي بيديقهم فعلا ومينفعش اقوله
