اسكريبت حكايات منار

مش ابنها هو ابن جوزها
احمد وسايباه يقولها يا ماما وهو كبير كده
شروق دى فرحانة انه بيقولها يا ماما
احمد ربنا يجازيها خير ويبارك فيها شكلها طيبة وحنينة
شروق طيب ايه هتحترم نفسك ولا هتكمل وصلة الغزل فى صاحبتى 
احمد لا متقوليش بتغيرى عليا مش مصدق نفسى لا
شروق لا مش بغير طبعا وانا اغير عليك بتاع ايه
احمد يمكن علشان خطيبك والنهاردة خطوبتنا مثلا
شروق لا مش بغير على فكرة 
كل الحكاية انك مش واقف جنب شوب عصير قصب
المفروض تحترمنى وتحترم صاحبتى كمان 
ترضى حد يقول عنى طيبة وحنينة ويفضل يدعيلى كده ويتغزل فيا
احمد لا طبعا قطع لسان اللى يتغزل فيكى غيرى
اخيرا خطبتك 
بقالى سبع شهور قارى فاتحة 
مش لو مكنتيش نشفتى دماغك وقولتى الخطوبة فى الأجازة اللى بين سنة رابعة وسنة خامسة
كان زمانى بكتب كتابى عليكى دلوقتى 
شروق لا طبعا بابا مبيكتبش الكتاب غير قبل الفرح على طول 
احمد حلو يعنى كان زمانى بتجوزك دلوقتى
شروق انت متضايق ليه مش قولت هتستنانى لحد ما اتخرج
احمد واستناكى العمر كله مش بس استناكى لحد ما تتخرجى
المهم انول الرضا 
شروق احم احم انت هتسبلى ولا ايه من فضلك احترم نفسك
احمد وهو بيضحك اه ما انا اصلى خاطبك علشان احترم نفسى
يا شوشو انا خاطبك علشان اسبلك ولسه لما نكتب الكتاب ههريكى تسبيل بس انتى ادينى فرصتى
شروق ايه ده فى ايه انا خۏفت منك
على فكرة انا ممكن افسخ الخطوبة عادى انت هتقلقنى ليه
احمد وهو بيمسك ايديها تعالى نتصور 
قال تفسخى الخطوبة قال ده على جثتى الكلام ده
ده انا ما صدقت
فى البيت
كريم ماما يعنى ايه ديفا اللى طنط داليا بتقولهالك دى
دلال يعنى البنت المشهورة الحلوة 
كريم بس انتى مش مشهورة 
محمد وهو بيقعد جنبهم بس حلوة ولا انت مش شايف ان ماما حلوة 
كريم لا هى حلوة حتى عمو كان بيقول انها حلوة
محمد عمو مين يا كيمو اللى كان بيقول ان ماما حلوة
دلال تلاقى بابا شروق ولا حاجة تعالى يا كريم يا حبيبى علشان تغير وتنام 
محمد لا استنى شوية عمو مين يا حبيب بابا اللى كان بيقول ان ماما حلوة
كريم عمو اااا...معرفش اسمه...ماما هو عمو اللى كان عاوز رقم جدو احمد اسمه ايه
دلال معرفش وربنا ما اعرف
محمد عمو مين بقى اللى كان عاوز رقم عمى
وانتى قولتيله ايه
دلال واحد معرفوش فى الخطوبة طلب منى رقم بابا 
وانا قولتله انى متجوزة 
محمد يا سلام وهو البعيد اعمى مش شايف الدبلة اللى فى ايدك الشمال مش سامع الشحط ده وهو بيقولك يا ماما 
كريم لا يا بابا مسمعنيش انا مكلمتش ماما قدامه 
هو مشافنيش اصلا انا اللى سمعته وهو بيقول لواحد واقف جنبه خسارة طلعت متجوزة يخربيت حظى الأسود بس اكيد يعنى متجوزة واحدة بالحلاوة دى متتسابش كده زينجل وهو يعنى ايه زينجل يا ماما
دلال حبيبى اسمها سينجل ومعناها...
محمد قاطعها اركنى انتى شوية مش وقت درس انجليزى
وانت مكلمتهاش قدامه ليه يا روح ابوك اتكسفت ولا الهانم قيلالك متقوليش يا ماما قدام حد
طبعا مش عايزة حد يعرف انك متجوزة 
عايزة تبانى صغيرة وحلوة والعين تبقى عليكى
دلال كريم يا حبيبى روح غير هدومك واغسل سنانك 
وانا هتكلم مع بابا شوية وهاجى اغطيك
كريم حاضر يا ماما...بس هو بابا متضايق ليه هو انا قولت حاجة غلط
دلال لا يا حبيبى بابا متضايق بس علشان روحنا من غيره
كريم خلاص يا بابا متزعلش هناخدك معانا فى الفرح 
محمد ده لو سيبتها تروح الفرح روح يا حبيبى غير واسمع كلام ماما 
كريم حاضر 
دلال على فكرة اولا كريم كان بيقولى يا ماما عادى حتى ناس كتير سألتنى ماما ازاى انتى اتجوزتى وانتى فى اعدادى ولا ايه
وانا فرحانة انه بيقولى يا ماما وانت عارف كده كويس
ثانيا انا مش محتاجة ابان صغيرة وحلوة علشان انا اصلا صغيرة وحلوة واللى قدى متخطبوش مش بس متجوزوش
ثالثا ممكن من فضلك تراعى مشاعرى ومتقولش كلام يجرحنى ويشكك فى اخلاقى يا محمد
محمد انتى اتخبلتى فى دماغك ولا ايه
اخلاقك ايه اللى هشكك فيها ده انا مربيكى يعنى لو شككت فى اخلاقك ابقى بشكك فى نفسى
انا بس دمى فار عايزانى