اسكريبت حكايات منار
بحبك انا بكرهك انتى سرقتى بابا من ماما وخلتينى اعيش بعيد عنها
انا بكرهك وربنا كمان بيكرهك لأنك وحشة
داليا وهى بتطبطب عليها يا حبيبتى ده طفل صغير ومش فاهم ان كلامه ده كله غلط
هى محفظاه حاجات بيقولها وخلاص
دلال لا هو بيكرهنى فعلا
انا عارفة انه بيكرهنى بس لما قالى كده قلبى وجعنى
انا مفيش فى ايدى اعملها لا ليه ولا لنفسى
انا مختارتش ان ابويا يرمينى لعمى ويروح يتجوز
مختارتش ان بعد ما محمد يطلق يرفض كل العرايس اللى مرات عمى جابتهمله وميوافقش غير عليا
مختارتش انى ميكنش ليا غيرهم
اقول لا لمين لعمى ومرات عمى اللى خدونى فى بيتهم وربونى زى ولادهم
واروح فين ولمين لبابا اللى حتى جهازى مرضاش يجبهولى ومحمد وعمى جابو كل حاجة
وعلشان مزعلش قالو ان دى كده كده شقة محمد وهو ملزم يفرشها شرعا
بس انا عارفة ان بابا قالهم انه مش هيجهزنى زى ما انا عارفة انه مكنش بيصرف عليا من يوم ما روحت بيت عمى
وان عمى هو اللى كان بيصرف على اكلى ولبسى وتعليمى ودلوقتى محمد اللى بيصرف عليا
انا معنديش مكان اروحه انا مليش غيرهم
تعرفو انا مقدرش اټخانق مع محمد واسيب البيت اصلى هسيبه واروح فين هروح بيت عمى اللى هو ابوه
مش عايزاه يكبر وهو ميقدرش يقول غير حاضر ونعم
صعبان عليا علشان بيفكرنى بنفسى
بحاول اعمله اللى ملقتش حد يعملهولى
وفى الأخر هو بيكرهنى انا عارفة انه من حقه يكرهنى
بس انا متضايقة انه بيكرهنى
ابويا انا مش فارقة معاه ولا كأنى بنته
وكريم بيكرهنى رغم انى والله معملتش حاجة
انا عمرى ما كنت فعل ولا حتى رد فعل
انا بقول حاضر وبس
انا تعبت...انا تعبت ومش عارفة اعمل ايه
انا بكره حياتى ونفسى كريم ميكرهش حياته زيى
بس والله مفيش فى ايدى حاجة اعملها
بس محمد مبيطيقش يسمع اسمها وعمى ومرات عمى وبناتهم
جيهان كرهتهم كلهم فيها
انا كمان خاېفة على كريم منها هى مش هتربيه كويس
انا والله خاېفة عليه ومكنش نفسى حياته تكون كده
ولا كان نفسى حياتى تكون كده
انا معرفتش اعمل حاجة لنفسى ولا عارفة اعمله حاجة
انا تعبت اوى انا تعبت اوى يا رب
شروق وهى بتها وبتعيط ربنا هيعوضك عن كل ده انتى استحملتى حاجات كتير صعبة
وبدل ما تعملى فى كريم اللى اتعمل فيكى انتى بتحاولى تجنبيه كل حاجة وحشة
انتى عملتى حاجات كتير كويسة لنفسك وللى حواليكى انتى بنت مؤدبة وشاطره ومجتهدة وصاحبة جدعة وطيبة
داليا وانا كمان والله بحبك وفخورة بيكى وشايفة انك اقوى ينت فى الدنيا
انا مكنتش اقدر استحمل ربع الحاجات اللى انتى استحملتيها فى حياتك
دلال وهى بټعيط اكتر انا مش قوية انا عاملة فيها قوية
انا مليش حق اضعف يا داليا
مفيش فى ايدى حاجة اعملها غير انى اتحمل كل اللى بيحصلى
شروق ربنا هيعوضك والله
انا متأكدة
دلال يا رب
بعد شهر
كريم انا مش عايز منك حاجة
دلال بس دى مش منى دى بفلوس بابا محمد
كريم يعنى انا ينفع اخدها صح
دلال صح
انت ليه شكلك زعلان
كريم ملكيش دعوة...انتى زعلتى
دلال لا يا حبيبى انا مقدرش ازعل منك
كريم انا هقولك بس متقوليش لماما انى قولتلك
دلال مش هقولها حاضر
كريم قولى والله مش هقولها
دلال والله مش هقولها
كريم ماما بقالها كتير مش بتكلمنى ولا بتشوفنى انا قولتلها انها وحشتنى وانى عايز اشوفها
بس هى قالتلى انها مشغولة
بس هى بقالها كتير مشغولة امتى هتكون مش مشغولة
دلال اكيد قريب هتخلص الحاجة اللى مشغولة فيها وهتكلمك وتشوفك انت اكيد واحشها اوى
كريم مش عارف هى ماما مش بتعاملنى حلو زيك ومش بتجبلى حاجات حلوة وساعات بتضربنى
بس انا بحبها هى وعايزها هى
دلال عارفة وهى كمان اكيد بتحبك زى ما انت بتحبها
بعد شهرين
داليا يعنى بعد كل ده فى الأخر تتجوز وتسافر من غير ما حتى تعرفكم ولا تعرف كريم
دى بجد انسانة معندهاش قلب
لا هى اصلا مش انسانة
شروق انا مش متفاجئة
انا عارفة انها مش بنى
