بقلم سمية عامر

انا مش فاضي و دايما عندي دراسه 
دراسه انت بتدرس ايه 
انا في كليه تجارة 
اه كويس أن في حد في العيله دي متعلم 
قصدك ايه عبد الملك خريج إدارة أعمال من جامعة الالمانية 
اټصدمت و برقت ايه بس انا كنت فاكرة غير كده انكم يعني 
رد عليها عبدالملك من وراها اننا جهلا و مش متعلمين و بدويين بنرعى الغنم 
قرب منها اكتر و قلد صوت المعزة وهو بيضحك ماااااء 
ضحك سيف و ايمن و اتحرجت هي لأنها كانت مقلله منهم 
سيف طيب ايه انتي بتدرسي ايه في القاهرة 
نورين انا في هندسة معمارية 
رد عبدالملك بغرور كنتي بتدرسي .. دلوقتي خلاص 
يعني ايه خلاص انت مالك دي حاجه بيني و بين ايمن 
ايمن بتوتر لا...ل .. لا عبدالملك هو اللي بيتحكم 
بس انا مراتك انت المفروض نتكلم الاول هكمل تعليم ولا لا 
ضحك عبدالملك يلا يلا انا مليت قوموا نمشي 
.....
و انا بقولك بنتي اتجوزت معنديش بنات للجواز 
ماجد يا عمي انا بحبها و صدقني لولا الكلية كنت جيت من بدري اتقدملها 
انت مبتفهمش 
بقولك اتجوزت و مشيت بنات الناس كتير حل عني 
قام ابوها فتح الباب اتفضل شرفتونا
ام ماجد كسفتنا مع الناس اللي يكسفك
خرجت وهي محرجة و خرج ماجد وهو هيتجنن و مش مصدق أنهم جوزوها و ساب امه في الشارع و مشي وهو تايه مش عارف يعمل ايه 
.....
رجعت نورين معاهم البيت و قلبها مكسور أنها هتخسر كليه أحلامها و أنها تبقى مهندسة 
دخلت أوضتها و فضلت ټعيط لحد ما نامت 
دخل عبدالملك الاوضه بليل متأخر و لقاها نايمة 
قلع قميصة و لبس بيجامة و راح نام جنبها وهو بيبص للدموع الجافة على خدودها و عرف انها كانت بټعيط .. حط أيده على خدها و قرب عليها اكترو من خدها بكل حنان و نام ........
part 5
وردتي_السوداء 
سمية_عامر
6
صحيت الصبح على تقل فوق كتفها و فتحت عينيها لقيت نفسها نايمة على صدرة و هو حاطت دراعه على كتفها 
صوتت بعلو صوتها و كل البيت اتلم على الباب 
و عبدالملك صحي بس عمل نفسه نايم 
دخلت سحر بسرعة و لقيت نورين واقفة و بټعيط هو بيعمل ايه هنا في سريري 
نعم واحد و مراته هيكون بيعمل ايه 
مراته 
بس انا متجوزة ايمن 
مين قال كده 
سيف نورين اهدي انتي عبدالملك جوزك و حتى هو كان العريس في اليوم اللي جينالكم فيه 
اټصدمت و قعدت على الكرسي وهي بتفتكر زعيقها ليه لما و أنها كانت بتقعد تأكل اخوه قدامه 
خرجت من شرودها على صوته بعد ما طلع الكل من الاوضه جهزيلي الحمام 
انت ليه مقولتليش انك انت جوزي 
بصلها بنص عين عشان اشوف عياطك كل يوم و انتي حاسه ان اللي عملناه سوا معصية 
ليه كل ده مكنتش اتجوزتني من الاول !
متقلقيش كده كده هطلقك انتي مش من مستوايا ولا حتى من الستات المفضلة عندي 
بجد هتطلقني يعني الم هدومي
ضحك و قرب منها وهي قاعدة ده بعينك يا حلوة الاول خليني اوريكي البدوي لما بيتجوز بيعمل في مراته ايه 
بلغت ريقها و قامت وقفت قدامه بس انت متعلم و مثقف و مسافر برا يعني مش بدوي !
ضحك من توترها وقرب قدام شفايفها و اتكلم د انا اللي بأكل المعزة كل يوم يلا ريلي الحمام 
جريت من قدامه و دخلت تحضرلة الحمام 
فضلت واقفة قدام المرايا و لقيت نفسها بتضحك لوحدها و بتبرق بقى الباد بوي القمر ده يبقى جوزي ينهار ابيض 
حضرت الحمام و خدت دوش و لبست بيجامه و خرجت
هو بصلها بعصبية قولتلك حضري الحمام تقومي تستحمي 
اه مش انا اللي حضرته يبقى انا اللي استخدمه و يلا شوفلك حمام تاني ده باظ 
ده باظ ماشي تعالي هنشوف ده باظ ازاي 
و و دخل بيها الحمام وهي بتصوت ينهارك اسود نزلللللني 
حطها تحت الدوش و فتحه عليها فضلت تصوت اكتر و حاولت تجري بس اتزحلقت في الصابون اللي في الأرض و مسكت فيه وقعته معاها 
سحر تحت ايدا ايه الصوت اللي فوق ده كان البيت بيقع 
سيف بخبث مش عرفت أنه جوزها سيبوهم بقى 
ضحكت سحر اتلم يا قليل الادب ده اخوك و مراته 
ضحك ايمن بس فجأة رن جرس الباب و راحت الخدامة تفتح 
......
خرجت نورين من الحمام وهي ضهرها ۏاجعها من الواقعة و خرج هو وراها خد لبسه و بصلها لسا العقاپ مجاش استني بس 
دخل تاني و قفل الباب و غيرت هي لبسها ونشفت شعرها و لبست حجابها و نزلت كان في بنت قاعدة بشعرها و بتبصلها بقرف 
قعدت نورين جنب خالتها مين دي 
سحر