بقلم حسنية محمد

أعرفك زين السويفي زوجى.
اتكلم پصدمة ايه!! مش حضرتك الشا...
أيوا الشاعر زين السويفى.
مشي والندم والحسړة كانوا في عيونه اتنهدت براحة وبصيت لزين وقولت
زين دا يبقى...
اتكلم ببرود الرائد حازم خطيبك السابق.
زين أنا معرفش ايه اللى جابه هنا أو..
مطلبتش منك تبررى يا أروى!
مشي وأنا فضلت واقفة مكاني وبعدها لقيت الأنوار اطفت وأضواء هادية جت عليا وصوته في المايك بيقول
كنت حابب أقدم حاجة بسيطة لحبية قلبى وشريكة عمرى كله.. القصيدة اللى هقولها دى معمولة لأجلك أنت وبس.
الأنوار جت عليا وهدوء طغى على المكان وأنا متوترة جدا..
بحبك..
وعمري ما كنت أتخيل أطب فى يوم وأقع فى الحب
وعمرى ما كنت أتخيل أدوق الغلب بالتفكير
بقيت تايه كما السكيير.. وكيفي هو تفاصيلك وفرحي بإني أكون وياك..
منايا وكل أحلامي بإن تكون حياتى معاك أعيشها كل يوم مبسوط.
وجودك ليا ضړبة سوت تفوق كل من نعسان وتايه عن نعيمه الجاى.. مكلبش فيك ومتبت وخاېف تمشي وتفوتي لأن مفيش فى منك زي.
ياسارقة العقل فى الحاضر وأسرى حياتي كل الجاي.
زمان!
من قبل ما أشوفك فى حياتي كنت أهبل طول عمرى يوماتي أتريق على الحب وناسه وبقول على الحب أصعب معاناة..
فعانيت من الحب واحساسه واتلسع القلب بڼار ماسه.. من يومها بقول على الحب حياة.
من وقت ما شوفتك..
وأنا هاوي لكلام الست وبشوفك حية ف أغانيها فبقضي الليل أسهر على صوتها وملامحك هى الأسراني
بتمنى لو أرجع للماضي تبقي أنت حياتي الشغلاني.. نتقاسم مع بعض حكاوي مع قهوة ومطر فى عز البرد. ياهدية مولى وجيالي ومفيش فى جمالها هدية لحد.
بتمنى أعجز فى حدودك ووجودك جمبي مطمنى واثق لو هعجز فى حدودك فالحب اللى مابينا يشيلني
شايفك لولادى المثالية.. شايفك مزيكا لأغنية تتحكى بيها قلوب العشاق
جايلك مشتاق وأتمنى توافقي تكوني نصيبي وتكوني ماليا قصاد الناس 
جايلك وفارشلك قلبي ممر وأنا عمرى ما كنت أقبل ينداس..
لكن أنت بكل مافيك استثنا فوهبتك قلبى بمېت حراس 
بقيت فيك الكمان ولهان ببال شارد فى حضڼ الليل وبتأمل..
ازاى الحب دا يحول ملامح شخص كات بهتانة لواحد تانى شكله جميل!
ملامحك ليها سحر عجيييب محلي الدنيا دى جمبك
هبين للجميع فرحى.. هقول للكل إنى بحبك.
كنت واقفة وأنا بتأمله ودموعى سابقاني كتير عليا ده يارب والله.. الحمد لله .. الحمد لله على كل شىء قرب منى وقال 
بحس معاك إنى عظيم وإن العالم كله ولا حاجة في وجودك وأنت
أنا حاسة إنى جميلة.
أنت جميلة أجمل من إنى أستاهل إنك تحبينى.
أنا كنت بخاف من الحب مكنتش أعرف إن الحب جميل أوي كده بس هو جميل بيه هو.. هو جميل بكل حاجه فيه حتى أصغر تفاصيله مميزة أنا عرفت يعنى ايه حب معاه هو مع شخص بيقدر يفرحني شخص فاهمني فاهم اللي جوايا من غير ما أتكلم حتى بيقدرني بيقدر أدق تفاصيلي شخص بيحس بيا.. بيحس بيا برغم المسافات اللي كانت بينا المسافات اللي عمرها ما قصرت في حبه ليا شخص لما نتخانق ويبقي ف مشكله بينا يراضيني حتي لو كنت أنا الغلطانة كنت دايما بفضل اقول يابخت أي شخص عنده حد بيحبه ومعتبره شيء أساسى ف حياته بس حقيقي دلوقتي أنا بحسد نفسى عليه الحب حلو لو مع شخص بيحبك بجد.
قلبت الصفحة وكتبت شوية جمل وكالعادة لقيت اللي بيحط ايدى على عيني..
أنا مييين
ابتسمت بخفة أنت ضي عيون ماما.
اتكلم بزعل وقال يا ربي يا ماما! إنت ليه كل مرة بتعرفيني
اممم يمكن
علشان أنا أمك!
ابتسم وقال وأحلى أم فى الدنيا.
حبيب قلبي إنت
فين بابا يا معاذ
بيعمل كابتشينو علشان هنقعد فى البلكونة تحت نجوم السما.
ابتسمت أد ايه بحب يوم الخميس وسهرة وونس يوم الخميس.
حبيب قلبي اللي بيسأل عليا أكيد وحشتك مش كده.
طبعا أنت بتوحشنى وأنت معايا أصلا.
بص على النوت اللي فى ايدى وقال
كتبتي حاجة جديدة أقرأها
ابتسمت أيوا.
أخد النوت وبدأ يقرأ فى صمت وابتسامته بتظهر على وشه تدريجيا..
أكتب إليك تلك السطور يا من سكنت الفؤاد.. عندما مررت بى بطيفك وعبيرك أزهرت قلبي في ليالي خريفه.. 
ف أنت عوض من الله ليطيب قلبي ويجبره ف والله كنت فقيرة فأغناني الله بك راهنت الجميع على ألا تتركني فات العمر ويدي ما زالت تتشبث بك مرت سنوات عجاف والقرب دلنا على إنتجاع الغيث لقد حدث وتشربت قلوبنا بعناق دام لسنوات عناق الروح وتبقى أنت صباحي الفاتن الذي أغرم به كل يوم.
حسنية_محمد.