سيد الرجالة بقلم ديدا علي الجزء الثاني
قامت اول ما شافت يوسف فتح الباب وقربت منه .
نور ... خير يا يوسف ايه اللى بيحصل انا مش فاهمه حاجه .
يوسف ... الصراحه ولا انا كمان فاهم حاجه يا نور بس مامتك عوزاكى جوه تعالى كلميها .
نور ... ماما عوزانى انا بس ولا انا واحمد
يوسف ... هى قالتلى انتى بس لوحدك .
نور ... طيب يالا نشوف هى عاوزة ايه اتفضل معايا .
الام .... تعالوا يا ولاد اتفضلوا اقعدوا واسمعوا كل كلمه انا هاقولها كويس .
يوسف طلب من نور تقعد لما نشوف الام عاوزة ايه لانها كانت مش مستوعبه كل اللى بيحصل وكان باين على ملامحها جدا .
الام ... انا هاعمل العمليه يا نور بس بشرط .
وحبيت اقول لكم انتم الاتنين على الشرط ده وليكم حق القبول وليكم حق الرفض .
يوسف ... وانا تحت امرك يا امى فى اى شىء حضرتك تؤمرى بيه .
الام .... انا عوزاك تتجوز نور يا يوسف قبل ما اعمل العمليه .
نور ... ايه الكلام اللى حضرتك بتقوليه ده يا ماما .
ازاى تشرطى شرط زى كده علشان تعملى العمليه بتاعتك .
.
وانا ازاى تحطينى فى موقف زى ده اودام يوسف .!
يوسف .... انا موافق يا امى ومن دلوقتى كمان .
نور ... انت بتقول ايه يا يوسف ازاى اتجوزك وافرض عليك حاجه زى كده .
واهلك وكليتك ومستقبلك كل ده نسيته .
وانا فين فى ده كله يا امى ليه ما فكرتيش فى شعورى واحساسى .
نور ... انت بتقول ايه يا يوسف انت اكيد بتقول كده علشان تعب ماما وعلشان ترضى وتوافق تعمل العمليه .
يوسف ... لا طبعا انا بحبك من زمان وانتى اكيد حسيتى باعجابى بيكى .
والموضوع مالوش صله خالص بمامتك والعمليه .
بس انا على استعداد اجيب اهلى من بكرة ونتجوز على طول بس انتى وافقى وانا هاكون اسعد انسان فى الدنيا يا نور .
نور اتخنقت بالعياط وقامت بسرعه وخرجت وراحت على اوضتها .
الام ... معلش يا يوسف هى اكيد اټصدمت من اللى حصل واللى اتقال اعزرها يا ابنى .
يوسف ... ممكن تسمحيلى اروح اشوفها واحاول اقنعها لو سمحتى.
الام ... روح يا ابنى ربنا يسعدكم ويريح قلبك زى ما انت هاتريح
