فردوس الشياطين 26&27
انت في الصفحة 1 من 9 صفحات
26 _27
تمرد !
كان سفيان يملأ غرفة مكتبه صياحا عندما ولجت الخادمة و وضعت فنجانين من الشاي ثم خرجت مسرعة و هي لا تجرؤ أبدا علي رفع ناظريها لملاحظة أي شيء
كان جسمها ينتفض و تنفست الصعداء فور أن أغلقت الباب خلفها لتخف الضوضاء نسبيا .. و لكن بالداخل !!!
إنت لأول مرة بتتصرف منغير ما ترجعلي . حتي لو كان الواد عملها حاجة كنت المفروض تيجي و تقولي أنا الأول مش تتصرف بهمجية من دماغك
و أنا لأول مرة أشوفك حاطط إيدك في الماية الباردة يا صاحبي .. قالها سامح بسخرية و تابع بإنفعال
إنت سايب الواد براحته . سايبله السايب في السايب علي الأخر و عامل فيها بتفهم أووي
سفيان پغضب إنت إللي إيدك سابقة عقلك لو كنت صبرت شوية كنت فهمت إللي حصل . كنت فهمت إللي عمله لو كنت سألت ميرا زي ما أنا عملت
صمت سفيان للحظات يطالعه بنظرات مبهمة ثم قال
مش عارف هتصرف معاك إزاي . لو إللي في دماغي طلع صح .. بجد محتار !
تلاشي إنفعال سامح ليقول بعدم فهم
قصدك إيه يعني !
مش متخيل أصلا إنك ممكن تحط عيلة صغيرة زي دي في دماغك . و دي كمان مش أي عيلة .. دي بنتي يا سامح
نظر له پصدمة و إزدرد لعابه و هو يرد بحدة مغالبا توتره
إيه إللي إنت بتقوله ده أنا هبص لبنتك دي زي بنتي بالظبط . ده أنا أكبر منك إنت إتجننت يا سفيان !!!
إنت عارف إني ماعنديش عزيز يا صاحبي . و حتي لو كنت الأخ و الصديق . لو كنت دراعي اليمين و فكر يخوني .. هقطعه
إحتقنت نظرات سامح و هو ينظر له بقوة ..
زم شفتاه پغضب و قام من مكانه پعنف و هو يقول بغلظة
أنا مش هرد عليك و لا هخوض أكتر من كده في الجدال المقرف ده . بس هقولك حاجة واحدة قبل ما أمشي من هنا و ماتشوفش وشي تاني .. أنا من يوم ما عرفتك و دخلت بيتك و أنا كنت أمين علي عرضك و أسرارك . و بعد العمر ده لما تيجي تتهمني التهمة دي يبقي أنا إللي كنت فاهم العلاقة بينا غلط . إحنا دلوقتي بنتعامل كمحامي و عميل عنده . بس أنا بقي هفسخ عقدي معاك و إبقي شوفلك محامي غيري يا سفيان بيه . الخاېن الو إللي هو أنا مش هعتب باب بيتك ده تاني . مش هتشوفني صدفة حتي لا إنت و لا أي حد يخصك و ربنا يباركلك في الصهر المستقبلي إن شاالله يطلع أد الثقة و يصون شرفك .. عن إذنك !
لم تتبدل حالة سفيان بعد رحيله ظل علي صمته و هدوئه الغامض بضع دقائق كان يفكر
إلي أن جاءت وفاء ..
إنت عملت إيه لسامح يا سفيان .. تساءلت
