كفي بها فتنة الفصل الثالث
انت في الصفحة 1 من 5 صفحات
الفصل 3
تشريح !
بعد وقت قصير قضته سلاف في الجلوس مع جدتها و التعرف عليها بشكل سريع ... طلبت أمينة من عائشة أن تأخذ سلاف و توصلها إلي غرفتها الخاصة
ذهبت الفتاتان
لتفتح عائشة باب لغرفة واسعة تشيع فيها الفخامة و الكلاسيكية حيث ورق الحائط الأزرق و الأثاث المذهب و السجاد العجمي السميك ..
ها ياستي ! إيه رأيك .. قالتها عائشة بتساؤل و هي تمد ذراعها مستعرضة الغرفة
سلاف و هي تهز رأسها بإستحسان كبير
جميلة أوي
عائشة بإبتسامة
علي فكرة إنتي حظك حلو أوي
الأوضة دي كلها جديدة لانج . المفروض إن أدهم جهزها عشان زهق من أوضته فقال ينقل هنا و كان علي وشك
أحمر وجه سلاف و هي تقول و قد داهمتها ذكرى لقائها به
ذوق أوي أدهم !
و هنا إنفجرت عائشة في الضحك قائلة
أنا عارفة إنك مش طايقاه و إنطباعك عنه أكيد زفت و فاكرة إنه مش مرحب بوجودك معانا . أنا عذراكي و الله .. ثم أكملت بجدية
بس و الله و مش عشان هو أخويا . أدهم كويس جدا جدا جدا . و من النادر تلاقي حد في صفاته و أخلاقه و مش معني إنه مارضيش يسلم عليكي يبقي مش طايقك لأ . هو بس زي ما قولتلك ملتزم أوووي
أنا فاهمة يا عائشة . و مش مضايقة منه
عادي هو حر
جاءت أمينة في هذه اللحظة و قالت
سلاف حبيبتي . ها الأوضة عجبتك
سلاف بإمتنان
حلوة أوي حضرتك . بجد ده كتير
إبتسمت أمينة و هي تقول بحنان
أولا مافيش حاجة تكتر عليكي . ده إنتي بنت أخويا الوحيد الغالي . ثانيا أنا مش عجباني كلمة حضرتك دي تقيلة أوي يا سلاف و مش حلوة
سلاف بحيرة
طيب عايزاني أقول لحضرتك إيه !
أمينة ببساطة
قوليلي يا عمتو . مش أنا عمتك
أومأت سلاف بشئ من الخجل ..
أمينة حلو . يبقي من هنا و رايح أنا إيه
عمتو أمينة !
و إنتي حبيبة قلب عمتو أمينة .. قالتها أمينة بسعادة و من جديد
عائشة بغمزة
الله الله ! يسلام علي المشاعر الجياشة دي
شكلك جيتي تقطعي عليا ياست سلاف
رمقتها سلاف مبتسمة بينما إبتعدت أمينة عنها قليلا لتقول
إسمعي يا حبيبتي . كمان شوية كده بعد ما نتغدا و نقعد مع بعض . هنجمع بقيت العيلة هنا عشان يتعرفوا عليكي
نظرت لها سلاف بعدم فهم ..
أمينة ما أصل ده بيت عيلة يا حبيبتي . عمات أدهم و عائشة عايشين معانا هنا في البيت هما و ولادهم فأنا قلت
واجب يتعرفوا عليكي أول ما تيجي عشان تبقي عارفاهم كلهم أصلك هتشوفيهم كتير
سلاف بتفهم
أوك
