اسكريبت بقلم مريم حكاوي ايلول
ليه دايما بتسبقي وبتقرري من نفسك بالكلام ده من قبل ما تفهمني حتي!
كتها نيله اللي عايزه تفهم اصلا.
غمض عيونه وبعدها واتنفس بصوت عالي
ايلول انزلي.
نزلت وهبدت باب العربيه واستنيت شويه اسمع اعتراضه عن قفلي للباب بس ساق واتحرك عادي !
روقت الشقه علي قد ما قدرت من جهد ووقت رتبت هدومي في الشنطه وطالعتها عند الباب ودخلت المطبخ اجهز عشا ليا بالحاجات البسيطه اللي باقيه في التلاجه.
جريت فتحت البلكونه ورميت له عشره جنيه في مشبك
هات بيها عيش عشان ملقتش هنا في البيت وعايزه اكل وجعانه جدا وانجز يلا.
فضل رافع رأسه وبصصلي بذهول
وانت طالع يبقي هات المشبك اوعي تنسي.
ودخلت وقفلت البلكونه وانا حاسه ببعض من الانتصار اني ممكن اكون عرفت اضيقه شويه بحركتي دي.
انت ازاي ترمي الفلوس ليا بالمنظر ده هو حد قالك اني معيش فلوس!
ايه اللي عملتيه في البلوكنه ده
اقعد كل معايا.
بتخليني اجيب عيش
هو انا ضربتك پالنار ده عيش.
مد ايده بالعشره والمشبك خدي يا عشوائيه.
غمزت حركه بنت ناس دي.
هنزل استانكي تحت وخلصي بسرعه.
اتكلمت وانا بوقي مليان اكل خد شنطتي اللي عند الباب دي ونزلها معاك.
عشوائية ومقرفه بجد.
ابتسم بسخرية ووطي خد الشنطه وفتح الباب ونزل..
فضلت قاعده شويه باصه للفراغ وانا مستنيه الكاتل يفصل.
ايه
هفضل مستني كده كتير ما تيلا.
لسه هعمل شاي.
ورايا شغل الصبح انجزي.
هشربه وانزلك.
انزلي ولما نروح البيت اشربيه هناك.
لأ هشربه هنا.
متعنديش معايا أنت من امتي بتشربي شاي..
نفسي راحه للشاي اقولها لأ!
والله لو منزلتي ل همشي.
فصلت الكاتل وقفلت نور المطبخ وطلعت وقفت في البلكونه وانا لسه حاطه التليفون علي ودني
تبقي رايحتني لو مشيت بجد.
متختبرنيش انا ليا اخر وقرب خلاص.
ابتسمت وانا شيفاه في الحاله دي
رفع رأسه ناحيه البلكونه بسرعه
ده أنت واقفه من بدري بقي!
متعه لما بشوف دمك محروق كده.
ضحك وهو بصصلي
طب انزلي..انزلي يا آخره صبري.
قلبي دق في ساعتها و من نظرته ليا وطريقة كلامه ومعرفش ازاي قفلت البلكونه وباب الشقه ونزلت بسرعه!
عايزه شاي
قلها واحنا داخلين البيت لو هتعمله انت اوكيه.
طب ما تقف تعمله انت ليه نصحيها.
و بدل ما نصحيها..خليك جدعه واقفي اعملنا.
ميخصنيش كنت هعمل لنفسي وهشرب بس عشان انت جامد زوحليقه وبيسنيز مان لازم انزل جري لحضرتك.
تنكري اني جامد!
بصيت بطرف عيني ههه يا جامد خش اعملي شاي.
حاسك بتقللي مني وانا لا يمكن اخش اعمل حاجه لوحده بتقلل مني.
واهون عليك!
نفسك اوي فيه
رديت عليه بتمثيل محترف مش بحترف فيه كده غير لما بيبقي عايزه منه حاجه.
اوي متتخيلش ازاي.
منا لو عملته مش هيتشرب انا عارف.
جرب يمكن تصيب المره دي.
كنت قاعده ضامه نفسي من البرد وحاطه شال خفيف عليا امسكي ومتخديش علي دلع ده.
هات ده انا قولت انت مش طالع من المطبخ.
عوقت
شربت شويه من الشاي ما طعمه حلو اهو.
ده عشان صنع بحب والله.
فضلت بصاله وانا مبتسمه شكرا يا سيف.
رانيا هي اللي علمتني اعمله.
ابتسامتي اختفت تدريجي ده شويه سكر علي شويه شاي فين الواو والتعليم في كده !
اتحسنت كتير من بعد ما علمتهوني انا ملاحظ كده.
سبت الكوبايه علي ترابيزه پغضب ما شاء الله طب كويس يبقي خليها تفطرك وتغديك شاي وتعشيك بالمره ما دام شاطره فيه كده.
سبنا بعض.
ايه..ده ليه!
حط كوبايته علي ترابيزه وهو بيتكلم
مفيش تفاهم بينا فقررنا كده.
يا .حرام ده انتم مش بقالكم كتير مع بعض يعني.
من ساعه ما مشيتي من البيت.
مش معقوله اكيد اتحسدتوا كنتوا كابل هايل رائع بجد خساره.
ركز عيونه عليا وبص بشك حاولنا ومفيش نصيب.
طب وهي عامله ايه اكيد نفسيتها متبهدله حرام عليك انت بردو كنت تديلها
